Свет

Хаос на улиците на Франција- досега уапсени над 200 демонстранти, полицајците гаѓани со камења (ВИДЕО)

Најмалку 200 лица беа уапсени на протестите што се одржаа на околу 50 локации низ Франција, а француските медиуми објавија дека 75 демонстранти биле уапсени во Париз и околните градови.

Полицијата соопшти дека „користела ресурси за растерување на непријателските демонстранти кои го блокирале сообраќајот на Понт де л'Универзите и кејовите“, објави BFM TV.

Протестите беа организирани од групата „Блокирај ги сите“, а според француската жандармерија, повеќе од 1.000 демонстранти се на улиците на Франција, а 10 патишта се блокирани.

Неколку големи групи демонстранти се собраа во Лион, каде што околу 100 луѓе го блокираат кружниот тек Фејзин откако блокираа близок пат, објави BFM.

Портпаролот на Националната жандармерија, Ерван Коифард, рече дека тензиите се поголеми на западот од земјата, а „значајни акции“ се случуваат во регионот Бретања.

„Тие се движат од оштетување на камерите за брзина до проверки и блокади. Ако е проверка, ние даваме приоритет на дијалогот, ако е блокада, ние ќе продолжиме да деблокираме“, рече тој.

Претходно денес, министерот за внатрешни работи во заминување, Бруно Ретајо, изјави дека обидите за блокади во Париз и Бордо се спречени, додека службите за внатрешна безбедност на Франција изјавија дека очекуваат околу 100.000 луѓе да учествуваат во демонстрациите и блокадите низ целата земја.

Демонстрантите фрлаат камења врз полицијата

Пред средното училиште „Елизе-Буше“ во Париз, избувнаа судири меѓу француските специјални полициски сили (CRS) и демонстрантите кои фрлаа ѓубре и камења врз полицијата.

Пред училиштето беа поставени канти за отпадоци и само мал број ученици успеаја да влезат во училницата.

Според „Ле Паризиен“, на еден од транспарентите пред училиштето пишуваше: Чекор еден: запалете ги кантите за отпадоци, чекор два: запалете ја матинеата како во Непал.

Демонстрантите се обидоа да ја блокираат метро станицата Монтре, но полицијата употреби солзавец, објавува „Ле Фигаро“.

Околу стотина ученици се собраа пред средното училиште „Клод Моне“ во 13-тиот арондисман во Париз, каде што поставија канти за отпадоци пред два влеза, а на портите беше закачен транспарент на кој пишуваше „Стоп на репресијата, да живее средношколското движење“.

Пријавени се протести пред неколку други средни училишта во Париз, а полицијата наводно употребила солзавец пред училиште помеѓу 12-тиот и 13-тиот арондисман.

Тагови: демонстранти Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Обновени игралишта во Дебар Маало и Капиштец, побарана засилена контрола од МВР

Општина Центар ги обнови детските игралишта кај „Зебра“ во Капиштец и кај КАМ маркет во Дебар Маало, при што дотраените и оштетени реквизити се заменети со нови за да се обезбедат побезбедни и поквалитетни услови за игра и рекреација на децата.

Градоначалникот Горан Герасимовски упати апел за зачувување на урбаната опрема , нагласувајќи дека јавниот простор е заедничка одговорност.

„На барање на жителите побаравме засилено присуство на МВР на терен, особено во вечерните часови, кога има појава на вандализам и оштетување на детските игралишта. Во општината има околу 50 детски, спортски, маалски и училишни игралишта. Даваме сѐ од себе да ги одржуваме и унапредуваме, но за жал често се соочуваме со нивно оштетување, поради што повторно вложуваме средства за нивно санирање. Апелирам до граѓаните заеднички да водиме грижа за јавното добро и да ги чуваме содржините што се наменети за сите“, порача Герасимовски.

Тој потсети дека Општина Центар иницираше измени на повеќе закони со цел поефикасно справување со девијантното однесување кај младите, меѓу кои и воведување општокорисна работа за малолетните вандали и нивните родители.

За 2026 година, Општина Центар има издвоено 12 милиони денари за обнова и реконструкција на детските и спортските игралишта на својата територија.

Општина Центар - Скопје

Тагови: Горан Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузеска: ДКСК да го истражи скандалот со Јанушев и поврзаноста со бугарска фирма

Денеска сме пред Државната комисија за спречување на корупцијата затоа што јавноста дозна за уште еден сериозен скандал кој директно го засега највисокиот врв на Владата на Мицкоски.

Според документи објавени во медиуми, генералниот секретар на Владата, Игор Јанушев, е поврзан со компанија регистрирана во Бугарија.

Бугарски капитал, фрима или ваква поврзаност не е наведена во неговите анкетни листови доставени до ДКСК.

ДКСК не смее да биде нем набљудувач на скандалите на власта.

ДКСК мора веднаш да отвори предмет, да ги провери сите факти, да ги побара сите документи и без одлагање да ја информира јавноста.

Дали Игор Јанушев пријавил сѐ што бил должен да пријави согласно закон или криел?

Законот предвидува и законска казна доколку се докаже дека криел удел во фирма и ќе мора да одговара.

Бидејќи Јанушев го нема втор ден институциите се должни да ги дадат одговорите.

Овој скандал го открива целото лицемерие на Мицкоски и ВМРО, целиот нивни лажен наратив.

Тераат бизнис интереси во Бугарија, не чекаат како граѓаните со часови на граници а во исто време ја блокираат европската интеграција на Македонија и ги блокираат парите од ЕУ преку фондовите.

Дали сега Јанушев, како генерален секретар на Владата, ќе поднесе оставка додека трае истрагата за неговата компанија во Бугарија?

Богданка Кузеска – портпаролка и членка на Извршниот одбор на СДСМ

Тагови: Богданка Кузеска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Градоначалничката Стаменкоска Трајкоска ги пречека шампионите од ФК “КУЛ”

Градоначалничката на Општина Кисела Вода, Бети Стаменкоска Трајкоска, денес оствари средба со фудбалерите и претставниците на Фудбалскиот клуб ”КУЛ”, по повод нивните одлични спортски резултати остварени во изминатата натпреварувачка сезона.

Повод за средбата беше двојниот успех на клубот - шампионската титула во младинската категорија и пласманот на сениорската екипа во Третата фудбалска лига.

Фудбалскиот клуб КУЛ ја одбележа сезоната со исклучителен успех на својата генерација 2010. Тимот на помладите пионери го освои првото место во Втората младинска лига. На средбата беше истакнато дека овој резултат претставува директна потврда за квалитетот, дисциплината и континуираната работа со младите категории кои се негуваат во клубот.

Покрај успехот на младинците, ФК КУЛ ја заокружи сезоната со уште еден значаен шампионски трофеј. Сениорскиот тим на клубот го освои првото место во својата лига, со што и официјално обезбеди пласман за натпреварување во третата лига од следната сезона.

Упатувајќи искрени честитки до сите играчи и тренери за остварените успеси, градоначалничката Стаменкоска Трајкоска потенцираше дека Општина Кисела Вода секогаш ќе биде искрен поддржувач на спортските таленти.

-Овој клуб е вистински пример за успешен развој на млади таленти кои со своите игри го потврдуваат квалитетот на македонскиот младински фудбал. Постигнатите резултати верувам дека се само почеток на нови спортски предизвици и уште поголеми достигнувања во иднина. Општина Кисела Вода секогаш стои зад вистинските спортски вредности и тука сме за да ги мотивираме младите да се насочат кон спортот и континуирано да напредуваат- порача градоначалничката Стаменкоска Трајкоска.

Тагови: Стаменкоска Трајкоска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.