Хан поднесе оставка од позицијата специјален пратеник на ЕК за Кипар поради други обврски - Канал 5

Европа

Хан поднесе оставка од позицијата специјален пратеник на ЕК за Кипар поради други обврски

Јоханес Хан си поднесе оставка од позицијата „поради други обврски“, објавија кипарските медиуми

Хан поднесе оставка од позицијата специјален пратеник на ЕК за Кипар поради други обврски

Поранешниот европски комесар Јоханес Хан, кој во мај минатата година беше именуван за специјален пратеник на Европската Комисија за Кипар, си поднесе оставка од позицијата „поради други обврски“, објавија кипарските медиуми, јави дописничката на МИА од Атина.

Според истите информации, Хан, писмото со оставката го доставил и до претседателката на ЕК и до генералниот секретар на ОН, а портпаролот на Владата на Кипар Константинос Летибиотис за кипарската новинска агенција ЦНА изјавил дека Комисијата „веќе ги презема неопходните чекори со цел одредување нов специјален пратеник за кипарското прашање“.

Летибиотис објаснил дека оставката на Хан е по неговото назначување за претседател на Централната банка на Австрија, дека преку писмо го информирал кипарскиот претседател за неговата намера, при што изразил жалење за одлуката, нагласувајќи ја важноста на решавањето на кипарското прашање, како за подобрување на секојдневието на Кипраните, така и за ефективна примена на политиките на Европската Унија, како и за обезбедување стабилност и безбедност во Источниот Медитеран.

Според Летибиотис, прашањето било разгледано и на минатонеделната средба на претседателот на Кипар со претседателката на Европската комисија во Брисел.

На средината на мај минатата година ЕК го именуваше поранешниот европски комесар за регионална политика, за проширување и за буџет и администрација Јоханес Хан за свој специјален пратеник за Кипар, со мандат што ќе придонесува во процесот за решавање на кипарското прашање во рамки на Обединетите нации во тесна соработка со личната пратеничка на генералниот секретар на ОН за Кипар, Марија Анхела Олгин Куељар.

Тагови: Јоханес Хан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Се преврте автобус кај Истанбул, полн со патници- десетици повредени (ВИДЕО)

На пат од Кирикале до Самсун, патниците во автобус доживеале драматичен момент кога возилото се превртело, при што биле повредени 40 лица. 

Се преврте автобус кај Истанбул, полн со патници- десетици повредени (ВИДЕО)

Возачот ја изгубил контролата врз воланот, што довело до несреќата, објавија турските медиуми.

Инцидентот се случил во близина на населбата Кимески кај Истанбул, а во автобусот имало 42 патници, меѓу кои и тројца вработени во транспортната компанија, објави Хуриет.

Екипи на брза помош, полиција, жандармерија и противпожарна служба, како и специјални служби, веднаш пристигнале на местото на несреќата.

Повредените биле брзо евакуирани од автобусот, им била укажана прва помош и биле однесени во болниците во Кирикале. За среќа, според првичните информации, никој не е во животна опасност.

Полицијата и жандармеријата започнале истрага за да се разјасни причината за несреќата.

Тагови: автобус Истанбул

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар на Крф- пожарникарите се борат со огнената стихија, активирани се и авиони (ВИДЕО)

Пожар избувна во областа Јанадес, во централниот дел на Крф. 

Пожар на Крф- пожарникарите се борат со огнената стихија, активирани се и авиони (ВИДЕО)

Голема противпожарна бригада веднаш беше испратена на местото на настанот за да го изгасне пожарот, објави Прототема.

Во исто време, се очекува противпожарните авиони PZL со седиште на Крф да полетаат за да помогнат во гаснењето на пожарот.

Пожарникарите се во состојба на зголемена готовност, додека во моментов не се познати дополнителни детали за обемот на пожарот или дали населените области се во опасност.

Тагови: Крф пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Штерјова: ВМРО го труе и Скопје-СДСМ бара одговорност за загадувањето на Лепенец

Загадувањето на реката Лепенец значи дека отровот веќе стигна и во Скопје.

Штерјова: ВМРО го труе и Скопје-СДСМ бара одговорност за загадувањето на Лепенец

Белата боја и обемот на пената што вчера се појави на сливот на реката Лепенец во реката Вардар, најчесто се знак на синтетичко загадување.

Ова е сериозен аларам власта нема капацитет за заштитата на животната средина и безбедноста на водните ресурси.

Наместо конкретни мерки и одговорност градоначалникот на Скопје Орце Ѓорѓиевски, си игра со дронови, од воздух ќе го решавал проблемот.

Човекот кој една обична слика за билборд не може да направи без грешка,

На граѓаните на Скопје не им требаат спектакли, туку институции што ги штитат. И најважно, чиста и безбедна вода.

Скопје има проблеми со депонии, со смет, со загаден воздух а сега и проблем со загадување на Лепенец и Вардар.

СДСМ бара институциите веднаш да ја утврдат одговорноста за загадувањето и итна реакција за санација на проблемот.

Секој што си игра со здравјето на луѓето мора да сноси одговорност.

СДСМ нема да дозволи оваа власт да ја отруе цела Македонија. Време е за правда и вистина, рече Кети Штерјова од СДСМ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер