Хамилтон: Урнете ги сите споменици, не требало ниту да постојат ! (ВИДЕО) - Канал 5

Формула

Хамилтон: Урнете ги сите споменици, не требало ниту да постојат ! (ВИДЕО)

Светскиот шампион во Формула 1, Луис Хамилтон, на Инстаграм објави дека им се приклучи на демонстрантите во британскиот град Бристол кои вчера го соборија споменикот на трговецот со робови, Едвард Колстон.

Хамилтон: Урнете ги сите споменици, не требало ниту да постојат ! (ВИДЕО)

Тоа беше кулминацијата на протестите против смртта на Џорџ Флојд во тој град, кои беа осудени од некои членови на британскиот парламент. Илјадници Афроамериканци се собраа во центарот на градот и го соборија споменикот на Колстон со громогласно одобрување.

Хамилтон, еден од најгласните спортисти во борбата против афро-американското насилство во САД, отворено ги поддржа демонстрантите.

„Јас не поддржувам насилство и криминал, но владата имаше доволно време да го отстрани тој споменик. Едвард Колстон беше монструм кој купуваше и продаваше Африканци и ги принуди да бидат робови до смрт. Никој што направил такви работи не заслужува споменик.Никогаш не требаше да биде дозволено да го добие споменикот. Горд сум на активистите кои го урнаа неговиот споменик. Нека ги урнат сите , низ целиот свет. Го поддржувам тоа. ”, напиша Хамилтон на Инстаграм со видеото од уривањето.

Демонстрантите го влечеа споменикот до реката и го фрлија во неа, по што беа критикувани. Исто така, имало предлози споменикот да се пренесе во музеј. Ова дополнително го налути Хамилтон, кој се обрати со друга приказна на Инстаграм.

"Ако овие луѓе не го уништија тој споменик, тој сè уште ќе стоеше таму во чест на расистот. Се зборува за преселба во музеј. Тој споменик мора да остане во таа река заедно со 20.000 Африканци кои умреа на патот кон Европа или беа фрлени во морето. Нека се подигне споменик на местото на неговиот споменик ,во чест на сите оние што умреа заради него“, напишал Британецот.

Едвард Колстон е роден во Бристол во 1636 година и за 84-години , колку што живеел бил трговец и член на парламентот, но и трговец со робови. Тој бил гувернер на Кралската африканска компанија, кралска компанија која се занимавала со трговија со робови и стоки од Африка. За време на неговото владеење, компанијата пренела околу 84.000 Африканци во Европа, а 20.000 починале на патот за Велика Британија.

На почетокот на 20 век започнала иницијативи за отстранување на споменикот, но тој останал да стои во центарот на Бристол, а улици, плоштади, училишта и некои други институции биле именувани по Колстон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Албин Курти е гаѓан со јајца во косовското собрание (ВИДЕО)

Претседателот на движењето Самоопределување и вршител на должноста премиер, Албин Курти, беше гаѓан со јајца за време на денешното продолжение на прекинатата конститутивна седница на собранието на Косово. 

Албин Курти е гаѓан со јајца во косовското собрание (ВИДЕО)

Кога Курти повторно побара дополнително време за консултации, пратеничката на Алијансата Тиме Кадријај го гаѓаше со јајца.

Ова доведе до прекин на седницата и влегување на телохранителите на Курти во салата.

Претседателот Авни Дехари најави дека пратениците ќе бидат информирани подоцна кога ќе продолжи седницата.

Тагови: Курти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се судрија товарен и патнички воз во Хрватска машиновозач е тешко повреден (ВИДЕО)

Се судрија патнички и товарен воз во близина на Крижевци, Хрватска.

Се судрија товарен и патнички воз во Хрватска машиновозач е тешко повреден (ВИДЕО)

Во несреќата има неколку повредени, а машиновозачот на патничкиот воз е тешко повреден.

Судирот се случил во 10:05 часот наутро меѓу товарен воз на ХЖ Карго и патнички воз на на Хрватски железници помеѓу станиците Свети Иван Жабно – Градец во близина на Крижевци.

Полицијата и брзата помош се на местото на настанот, а според неофицијални информации на хрватските медиуми, товарниот воз поминал на црвено светло.

Тагови: воз Хрватска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Зеленски во прва посета на Белград, Киев повторно мета на руски ракетен напад

Зеленски, кој вчера пристигна во Белград, со највисоки државни почести беше пречекан од српскиот претседател Вучиќ.

Зеленски во прва посета на Белград, Киев повторно мета на руски ракетен напад

По официјалната церемонија стартуваше разговорот меѓу Вучиќ и Зеленски, соопшти службата за соработка со медиумите на претседателот на Србија.

Посетата на Зеленски на Белград, која е прва откако тој е на чело на Украина, и разговорите со српскиот претседател се во фокусот на јавноста поради блиските релации на Србија со Русија – владата предводена од СНС на Александар Вучиќ не се приклучи кон санкциите кои ЕУ и ги наметна на Москва по стартот на инвазијата врз Украина.

Додека Зеленски е во Србија, утрово Киев повторно беше мета на жесток ракетен напад во кој загинале најмалку тројца луѓе загинаа, вклучувајќи дете. Властите кажаа дека се запалени станбени згради, автомобили и гаражи, а точниот број жртви се утврдува.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер