Формула

Хамилтон: Седумте титули на Шумахер никогаш не биле моја цел

Возачот на „Мрецедес“, Луис Хамилтон изјави дека никогаш немал цел да го стигне рекордот на Михаел Шумахер од седум титули во Формула 1.

Британецот во моментов води со 67 поени пред Себастијан Фетел и може да ја освои триумфира шампионската титула уште оваа недела во САД, доколку освои најмалку осум бода повеќе од пилотот на „Ферари“.

- Искрено, ова никогаш не беше моја цел. Сакав да го изедначам постигнувањето на Аиртон Сена, кој беше човекот, како кого сакав да бидам, и пред две години го направив тоа. Потоа за мене беше сосема непозната територија. Секако, успехот на Михаел е фантастичен и навистина треба да направам многу за да го постигнам тоа. Сепак ќе бидам тука уште некое време, па продолжувам да работам и да го правам тоа што го сакам и ќе видиме до каде ќе стигнам, изјави Луис, кој има пет победи во шест старта во Остин.

Тој додаде дека се чуствува сосема мирен пред трката во САД и неговиот пристап кон неа ќе биде како кон секоја друга.

- Мојот пристап ќе биде како и обично. Сакаме да победиме на трката и ќе се обидеме да го подготвиме и автомобилот максимално добро. Не сум загрижен и знам што да правам, додаде Хамилтон.

Фудбал

Алегри по ремито со Каљари: На полувремето требаше сите да бидат сменети, вклучително и јас

Тренерот на Јувентус, Масимилијано Алегри се осврна на синоќешниот натпреварот со Каљари на којшто неговиот тим се спасуваше од пораз.

Средбата од 33. коло во Серија А заврши 2:2, а Јувентус изедначи во последните минути со автогол на Алберто Досена.

- Пропуштивме седум контранапади и постојано грешивме. Требаше да се бориме, но не влеговме во дуел-игра и ја направивме секоја можна грешка од технички аспект. Во вториот дел играта се промени и се подобривме. Не можете да му го дозволите на противникот таков почетокот на натпреварот на противникот. Примивме два гола. Секогаш е тешко да се игра и да се победи во Каљари. Фудбалот е тежок спорт кој се состои од дуели. Моравме да бидеме на нивното ниво, можеби да играме потехнички.

На полувреме мораше сите да бидат заменети, вклучително и јас. Сега ни преостанува борбата за место кое обезбедува пласман во Лигата на шампионите. Што се однесува до купот, мислам дека со една нога сме во финалето, рече Алегри.

На 23 април торинскиот тим ќе игра со Лацио во реваншот од полуфиналето на Купот на Италија. Првиот натпревар заврши со резултат 2:0 во корист на Јувентус.

На табелата во Серија А, Јувентус е трет со 64 бодови. Пред него се Милан со 69 и Интер со 83. /МИА

Македонија

Хуманитарен настан за лекување на Кара Селовска

Општина Центар во сабота во Паркот на Франкофонија организира музички хепенинг за собирање средства за лекување на 12-годишната Кара Селовска, која се лекува во Барселона.

Настанот е во организација на сите осум основни училишта на подрачјето на општина Центар и со поддршка на Општина Центар.

Кара е ученичка во ООУ „Јохан Хајнрих Песталоци“ во Општина Центар, а поради сериозни компликации во моментот е хоспитализирана на клиниката во Барселона поради дијагностицирање на нејзината болест.

- Ова е втора акција која Општина Центар ја организира за собирање средства за лекување. Претходно, пензионерите од Центар организираа аукција на слики преку која собираа донации за Кара, информираат од Општината.

НБА

Њу Орлеанс последен избори плејоф во НБА-лигата

Кошаркарите на Њу Орлеанс пеликанс рано утрово забележаа победа над Сакраменто кингс со 105:98 во плејин натпреварот одигран на домашен терен.

Најефикасен играч на натпреварот беше Де'Арон Фокс ос Сакраменто кој постигна 35 поени.

Во победничкиот состав се истакна Брендон Инграм со 24 поени.

Пеликанс се пласираа во плејофот каде во првото коло ќе играат против Оклахома.

Покрај Њу Орлеанс место во разигрувањето за трофејот преку плејин обезбедија и Лос Анџелес лејкерс, Мајами Хит и Филаделфија.

Плејофот во најсилната кошаркарска лига на светот почнува вечер со натпреварите:

Кливленд кавалирс – Орландо меџик и

Минесота тимбервулвс – Феникс санс. /МИА