Хамилтон по победата во квалификациите : Се изнамачив

Луис Хамилтон повторно ги освои квалификациите, а Валтери Ботас заврши на второто место.

Доминацијата на Мерцедес продолжува и во оваа трка.

Повторно возачите на „црната стрела“ се најдоа во првиот стартен ред и двајцата позитивно го оценија процесот на квалификација.

,,Валтери беше опасен ривал и практично ме „туркаше“ до последен момент, навистина се борев.Тоа вртење го имав на патеката, и генерално се борев во првиот дел , па успеав да се смирам и да извезам така што првиот круг од Q3 беше одличен, а вториот уште подобар “, рече Луис Хамилтон.

Неговиот клупски колега, Валтери Ботас, ги оцени квалификациите како добри и потсети што се случи минатата година.

"Квалификациите генерално минаа добро, и беше супер за мене се до Q3 кога започнав да го губам задниот крај и автомобилот се лизна малку. Луис најде малку повеќе простор од мене и заслужено ја зазема пол-позицијата. Минатата година тој победи од втората позиција, можеби утре ќе успеам “, вели Ботас.

Макс Ферстапен вели дека немало што да сторат против Мерцедес.

"Тие беа премногу брзи. Вие го правите најдоброто можно и завршувате на третото место, но еве, ќе имам шанса да се борам за победа во недела кога ќе започне трката", рече Макс Ферстапен.

ВМРО-ДПМНЕ: СДСМ со својата влада изминативе години донесе само корупција, криминал и хибриден режим

  Наместо СДСМ да ги лаже граѓаните преку бледи и стерилни соопштенија, нека одговори со кои партии ќе обезбеди мнозинство и кој ќе биде премиер.

На граѓаните преку глава им е од лагите на СДСМ.

Граѓаните на Република Македонија знаат дека СДСМ нема да обезбеди подобра иднина.

СДСМ со својата влада изминативе години донесе само корупција, криминал и хибриден режим.

Лагите на Заев веќе не поминуваат, прочитани се.

Заради тоа што Заев и власта беа фрлени на криминал Македонија секој ден тонеше се повеќе и повеќе.

Граѓаните не ги заслужуваат овие погубни политики на СДСМ и Заев. Граѓаните заслужуваат многу подобро.

Центар за комуникации на ВМРО-ДПМНЕ

Одрони на патот Делчево – Македонска Каменица – Кочани под браната Калиманци

Дождот што во текот на вчерашниот ден паѓаше на територијата на општините во пијанечкиот регион повторно предизвика одрони на патниот правец Делчево – Македонска Каменица – Кочани. 

Како што јавуваат возачи, поголеми одрони во моментот има во близина на првиот мост под браната Калиманци.

-Одроните се на десниот дел од коловозот од патот Делчево – Македонска Каменица – Кочани, веднаш под браната Калиманци. Едната сообраќајна лента е слободна за движење, но треба да се внимава бидејки одроните се на место пред свиок, велат возачи.

Додаваат дека на останатиот дел до Кочани патот е чист освен ситни камчиња во близина на некогашниот голем одрон кај месноста Саваро.

Екипи на подружницата на ЈП „Македонија пат” се запознаени за случајот и најавуваат брзо расчистување на одроните. Долж целиот патен правец асфалтот е сув и возачите возат по суви коловози.

Изминатата седмица во Охрид 25, во Струга 24 и во Дебар 15 потврдени случаи на КОВИД-19

Во Охрид има 86 активни случаи на коронавирус, во Струга 190, а во Дебар 119.

Седмичниот билтен на Центарот за јавно здравје од Охрид што ги опфаќа општините Охрид, Дебрца, Струга, Вевчани, Дебар и Центар Жупа покажува дека во периодот од 1 до 7 август лабораториски е дијагностицирано присуство на КОВИД-19 кај 25 лица од Охрид, 24 лица од Струга и 15 лица од Дебар.

Изминатата седмица од вкупно земените 247 материјали за испитување, 191 се собрани според епидемиолошки индикации (лица кои исполнуваат критериуми за дефиниција на случај), а 56 материјали зе земени при скрининг тестирањето со упат од матичен лекар.

Во Охрид има 86 активни случаи на коронавирус, во Струга 190, а во Дебар 119. Во овој период оздравени се 19 лица од Охрид, 28 лица од Струга и три лица од Дебар. Изминатата седмица се регистрирани три смртни случаи поврзани со КОВИД-19, по една жртва во Охрид, Струга и Дебар.

Кога станува збор за вкупниот биланс од почетокот на епидемијата заклучно со вчерашниот ден КОВИД-19 е регистриран кај вкупно 977 лица во односните општини и тоа 294 лица во општините Охрид и Дебрца, 473 лица во општините Струга и Вевчани и 210 лица во општините Дебар и Центар Жупа. Оздравени пациенти од Охрид се 205, од Струга се 253, а од Дебар и Центар Жупа се 82 пациенти. Црниот биланс е осум починати лица во Охридско, 44 во Струшко, а во Дебар и Центар Жупа шест лица.

Од Центарот за јавно здравје во Охрид повторно предупредување до населението дека епидемијата од коронавирусот се уште трае, коронавирусот циркулира со несмален интензитет во локална трансмисија. Оттаму и апел до граѓаните на претпазливост, одговорност и разум во однесувањето.

-Коронавирусот го пренесуваат луѓето кои не се придржуваат кон мерките и препораките за заштита од КОВИД-19. Во овој момент, единствен начин да се спречи инфекцијата и ширењето на вирусот е строго придржување и примена на превентивните мерки за заштита од КОВИД-19 и тоа поравилна употгреба на заштитна маска, одржување социјална и физичка дистанца, избегнување јавни собири и групирања и често миење на рацете, посочуваат од Центарот.

притисни ентер