Халед Мешал: Хамас нема да се разоружа и отфрла странско владеење со Појасот Газа - Канал 5

Свет

Халед Мешал: Хамас нема да се разоружа и отфрла странско владеење со Појасот Газа

Високо рангираниот функционер на Хамас, Халед Мешал, денеска изјави дека палестинското исламистичко движење нема да го предаде своето оружје и ќе отфрли какво било странско владеење над Појасот Газа,.

Халед Мешал: Хамас нема да се разоружа и отфрла странско владеење со Појасот Газа

Високо рангираниот функционер на Хамас, Халед Мешал, денеска изјави дека палестинското исламистичко движење нема да го предаде своето оружје и ќе отфрли какво било странско владеење над Појасот Газа, и покрај повиците за разоружување од Израел и САД, објавија француските медиуми.

„Криминализирањето на отпорот, неговото оружје и оние што го водат е нешто што не треба да го прифатиме“, рече Мешал на конференција во Доха, додавајќи дека вооружувањето на Хамас е составен дел од „отпорот“ против Израел на палестинските територии.

„Додека има окупација, ќе има отпор. Отпорот е право на народите под окупација. Тоа е нешто на што народите се горди“, рече Мешал, кој е поранешен шеф на политичкото биро на Хамас, а моментално го раководи бирото за дијаспора на движењето.

По стапувањето во сила на договорот за прекин на огнот во палестинската енклава на 10 октомври, кон средината на јануари започна втората фаза од Планот на американскиот претседател Доналд Трамп за конечно завршување на војната меѓу Израел и Хамас, што предвидува разоружување на движењето и постепено повлекување на израелската армија од Појасот Газа.

Движењето Хамас, кое владее со палестинската енклава од 2007 година, го дефинираше своето разоружување како црвена линија, без да ја исклучи можноста за предавање на своето оружје на идна палестинска власт.

Според израелските власти, исламистичкото движење сè уште има 20.000 борци и десетици илјади оружје во Појасот Газа.

Администрацијата на енклавата, разорена од двегодишната војна, во преодниот период треба да му биде доверена на комитет од 15 палестински технократи под водство на Одборот за мир, со кој претседава американскиот претседател Доналд Трамп, пренесуваат француските медиуми.

Мешал денеска го повика Одборот за мир да усвои „избалансиран пристап“ што ќе овозможи реконструкција на Појасот Газа и проток на хуманитарна помош, предупредувајќи дека Хамас нема да прифати „странска доминација“.

„Ќе се држиме до нашите национални принципи и ќе ја отфрлиме логиката на старателство, каква било надворешна интервенција или враќање на системот на мандат во која било форма“, рече палестинскиот лидер.

„Палестинците мора да бидат управувани од Палестинци. Газа им припаѓа на народот на Газа и на Палестина. Нема да прифатиме странска доминација“, нагласи тој.

Мешал, кој го водеше политичкото биро на Хамас од 2004 до 2017 година, е еден од фаворитите за повторно преземање на функцијата во време кога палестинското исламистичко движење се подготвува за внатрешни избори за да го врати своето лидерство, уништено од војната, забележуваат француските медиуми.

Тагови: Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 7. ноември 2026 година

Дневен хороскоп за сабота, 7. ноември 2026 година. 

Дневен хороскоп за 7. ноември 2026 година

Шкорпија 24.10-22.11.

Љубов

Откако се ви стана јасно , повторно запаѓате во преодна фаза на депресија и размислувања за смисолот на љубовта.

Кариера

Или вие ќе бидете премногу попустливи кон надредените или тие така ќе се постават кон вас.

Здравје и совет

Неизбалансираност на крвната слика.

Стрелец 23.11.-21.12.

Љубов

Она што можеби ве измачуваше, денеска ќе знаете да го искажете со многу чувства и искреност.

Кариера

Создадени се условите за една нова деловна соработка со соработници кои не се од истото место каде што работите.

Здравје и совет

Ќе бидете поспани.

Јарец 22.12.-20.1.

Љубов

Вашето семејстов како да ве окупира за себе , па денеска немате многу време за партнерот. Организирајте се.

Кариера

На дневен ред ќе се најде мала анализа за една заостаната работа . Се друго што се однесува на работата , се одвива во ред.

Здравје и совет

Контролирајте го количеството храна што го внесувате.

Водолија 21.1.-19.2.

Љубов

Со саканата личност ќе се обидете да изведете нешто ново во сексот. И на двајцата ќе ви биде мило за тоа.

Кариера

Ќе се уверите сдека вложувачите се сосема подготвени за да ги прифатат вашите идеи. Внимавајте само во целиот процес да не бидете насилни.

Здравје и совет

Бидете тактични.

Риби 20.2.- 20.3.

Љубов

Веројатно е дека вашата сакана личност ќе бара многу внимание. Прифатете го тоа како реалност.Посветете и се.

Кариера

Сега конечно се ви е јасно во врска со една деловна соработка и работите се подготвени за дас е склучи договор.

Здравје и совет

Остварете се што ќе замислите .

Овен 21.3-20.4.

Љубов

Ќе ги дефинирате своите љубовни очекувања.Ќе се обидете да бидете доследни и покрај искушенијата.

Кариера

Конечно ќе сфатите како да заработите повеќе пари , а се појавува и добра можност за тоа да го остварите.

Здравје и совет

Можна е преодна несоница.

Бик 21.4- 20.5.

Љубов

Денеска лесно ќе воспоставувате контакти , а и денот е добар за тоа. Ако сте сами , излезете на кафе.

Кариера

Ќе размислувате дали да смените еден метод во работењето или пак да го смените целиот процес. И тука ги ширите контактите.

Здравје и совет

Излезете меѓу луѓе.

Близнаци 21.5.-21.6.

Љубов

Некои ќе го фаќаат последниот воз за да се додворувата на една личност која исклучително им е драга.

Кариера

По мало надмудрување со спонзорите , ќе успеете да постигнете каков- таков договор.

Здравје и совет

Некои работи веќе ја губат смислата.

Рак 22.6-22.7.

Љубов

Добро ќе ја разберетње саканата личност и сега се обидувате да играте според правилата што сте ги поставиле. Добро е.

Кариера

Работите си одат по својот тек и добро е. Денеска занимавајте се со мали поттици со кои ќе ја пофобрите работата.

Здравје и совет

Посилни сте од повеќето.

Лав 23.7-22.8.

Љубов

Вашата врска добро функционира , а денеска ќе мора да изреагирате на една работа , што ќе ви одземе дел од времето што сте планирале да го минете со саканата личност.

Кариера

Состојбата е зрела за вашето напредување на работното место , па оваа шанса ќе ја искористите на најдобар можен начин.

Здравје и совет

Мала главоболка или тага.

Девица 23.8.-23.9.

Љубов

Денешниот ден најверојатно многу ќе ве насочи кон домот и семејството. Нешто тука би можело да созрее.

Кариера

Ќе се чувствувате распнати меѓу две опции , а ниту една нема да ви изгледа добро. Поминете преку тоа и имајте трпение.

Здравје и совет

Наскоро се ќе биде појасно.

Вага 24.9.-23.10

Љубов

Ќе имате силна фантазија , така што без проблем ќа ја надвладеете секоја празнина во личните односи.

Кариера

Ќе ви се јават соработници од странство со интересен предлог за кој ќе треба да размислите сериозно.

Здравје и совет

Она што го немате, ќе го измислите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Едноставна прошетка се претвори во драматичен инцидент за 19-годишник од Сантијаго, главниот град на Чиле.

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Младиот човек безгрижно одел по тротоарот кога, од никаде, пред него се појавило тркало од автомобил и со голема брзина излетало од правец на улицата.

Тој поминал со полесни повреди

Снимка од надзорна камера го забележала драматичниот момент во кој момчето било соборено на земја од силата на ударот, по што загрижените сограѓани му се приближиле.

И покрај сè, 19-годишникот преживеал и бил пренесен во клиниката Санта Марија, каде што добил прва помош за повреди на челото, лицето и градите.

Надлежните органи го идентификувале возилото од кое се откинало тркалото, како и возачот, а започната е истрага за да се утврдат околностите на бизарниот инцидент.

Тркалото удрило и во два автомобила

Според изјавата на возачот, автомобилот бил паркиран во гаражата непосредно пред несреќата. Додека возел, едно од тркалата одеднаш се откинало, објавува Иефимерида.

Прво удри во два автомобила, потоа се одби и со голема брзина летна на широкиот тротоар на авенијата Лос Леонес. Во следниот момент, силно го удри 19-годишникот одзади, соборувајќи го на земја.

Тагови: момче тркало

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Апокалиптични снимки од Нов Зеланд: Десетици китови умираат на плажа (ВИДЕО)

Десетици китови-пилоти се пронајдени насукани на плажа на Северниот остров на Нов Зеланд, а спасувачите се обидуваат да ги вратат малкуте преживеани во морето, соопшти Одделот за заштита на природата.

Апокалиптични снимки од Нов Зеланд: Десетици китови умираат на плажа (ВИДЕО)

Најмалку 20 китови-пилоти се насукани по должината на брегот на Нгави, во близина на ’ртот Палисер, најјужната точка на Северниот остров, според „The Straits Times“.

Одделот соопшти дека соработува со локалното племе Маори и Проектот Џона, организација специјализирана за спасување на насукани китови. Досега, две животни се успешно вратени во морето.

Според локалните жители, дури 50 китови се насукале на брегот преку ноќ, објави Радио Нов Зеланд.

Повеќето од животните им подлегнале на повредите, додека волонтерите се обидуваат да ги одржат преживеаните китови во живот и да спречат нивно дехидрирање користејќи кофи со вода и крпи.

„Ужасно е. Оние што се уште се живи едвај дишат“, изјави жителот на Нгави, Роб Барг, за Радио Нов Зеланд.

Проектот Џона објави на Фејсбук на 5 ноември дека четири од китовите се уште се живи и дека спасувачите ќе се обидат да ги вратат во морето при плима. Насукувањето на китови е релативно честа појава во Нов Зеланд и соседна Австралија, поради големиот број китови-пилоти кои ги населуваат длабоките води околу двете островски земји. Причината за феноменот е сè уште непозната.

Тагови: китови Нов Зеланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер