Свет

Хакирани се мобилните на палестински активисти со контроверзен израеласки софтвер

Мобилните телефони на шест палестински активисти на Западниот Брег се „хакирани“ со помош на шпионскиот софтвер „Пегасус“ развиен од израелската компанија за сајбер надзор НСО Груп.

Американското Министерство за трговија ја ставил на црната листа NSO Group минатата недела поради обвинувања дека со нејзината технологија се следат новинари, активисти за човекови права и владини претставници.

НСО, компанија регулирана од израелското Министерство за одбрана, изразило огорченост од потегот на САД, тврдејќи дека извезува и продава свои производи само на органите за спроведување на законот и разузнавачките агенции и дека презема чекори за да ја спречи злоупотребата на својата програма.

Компанијата, исто така, повторува дека не е таа што ги користи производите и дека не е запознаена со деталите за лицата под надзор.

Палестинското здружение за човекови права ги повикало ОН да ги истражат наводите за „хакирање“ на телефоните на палестинските активисти на Западниот Брег користејќи ја програмата Пегазус.

Тројца од шесте активисти, наводно, работат за палестински здруженија кои Израел минатиот месец ги означил како терористички организации, тврдејќи дека им предаваат пари од донатори на милитантите.

Свет

Двајца загинати, 21 повреден во нападот со нож во кинеска болница

Две лица загинаа, а 21 се повредени во напад во болница во југозападна Кина, јави ДПА.

Полицијата во округот Женксионг, во југозападната провинција Јунан, денеска соопшти дека маж од локално село ги извршил нападите со нож непосредно пред пладне.

Нема дополнителни информации за можните мотиви за нападот, ниту за идентитетот на жртвите.

Кинеските државни медиуми претходно објавија за 10 жртви, без да го прецизираат бројот на загинати и ранети.

На кинеската платформа за социјални медиуми Веибо кружеа видеа на кои се гледа апсењето на осомничениот сторител.

На други слики од местото на настанот се гледаат повредени жртви на земја. Полицијата соопшти дека повредените се пренесени во болница.

Обвинителството отвори истрага за инцидентот, соопшти полицијата.

Регион

Си Џинпинг во 2-дневна посета на Белград, ќе биде пречекан од авиони МИГ-29

Со кинески знамиња и билборди со пораки за добредојде испишани на кинески јазик, Белград го пречекува кинескиот претседател Си Џинпинг, кој вечерва пристигнува во дводневна посета на Србија.

Безмалку три и пол илјади полицајци се ангажирани за безбедноста на џинпинг, кој според најавите, доаѓа со 400 члена делегација.

Кинескиот лидер ќе го пречекаат и српските борбени авиони МИГ-29, кои ќе го придружуваат неговиот авион од српската границата до Белград, а потоа на враќање ќе го испратат.

За време на посетата на Србија Си Џинпинг со неговиот домаќин претседателот на Србија Александар Вучиќ ќе разговараат за широк спектар на теми - од политички, економски и технолошки до соработка во областа на културата.

На состаноците се очекува да бидат потпишани над 30 договори од различни сфери..

Свет

Протест пред Берлинскиот слободен универзитет во знак на солидарност со Појасот Газа

 Пропалестинските активисти денеска протестираа пред Берлинскиот слободен универзитет, апелирајќи на студентски отпор низ Германија во знак на солидарност со луѓето во Појасот Газа.

Според процените на портпаролката на Универзитетот во протестите учествувале од 80 до 100 луѓе.

Активистите на групата Студентска коалиција Берлин повикаа на запоседнување на германските универзитети и побараа крај на „колонијалното угнетување“.

Околу 150 активисти на 3 мај протестираа пред Универзитетот Хумболт во Берлин.

Повеќе од две недели на голем број универзитети во САД, во Велика Британија и други земји има протести против израелската офанзива врз Појасот Газа./МИА

притисни ентер