Тандер славеа со 120:109 на домашен терен во петтиот натпревар од финалната серија и сега водат со 3:2.

Најефикасен кошаркар на натпреварот беше бекот на домаќините Џејлен Вилијамс, кој постигна 40 поени, Шеј Гилџеус-Александер оствари дабл-дабл - 31 поен и 10 асистенции.

Следниот натпревар се игра в петок во Индијанаполис.

Според Левит, претседателот Трамп ќе го напушти канадското одморалиште во Карпестите Планини, околу 85 км западно од Калгари, и ќе се врати во Вашингтон, каде што треба да одлучи за многу важни прашања. Таа рече дека на самитот, кој официјално започна вчера, е постигнато многу, но настаните на Блискиот Исток бараат претседателот да се врати во Вашингтон. Трамп ќе ја напушти Канада по официјалната вечера со другите шефови на држави, напиша портпаролката на Белата куќа на платформата „Х“.

Трамп првично планираше да ја напушти Канада за Вашингтон во вторник вечерта. Неколку рунди разговори беа закажани за синоќа, вклучително и средби со други лидери во посета.

Украинскиот претседател Володимир Зеленски, исто така, се очекува како гостин на самитот на Г7. Тој се надеваше дека таму ќе се сретне со Трамп приватно. Сепак, американскиот претседател во моментов е повеќе фокусиран на војната меѓу Израел и Иран отколку на војната на Русија против Украина, забележува ДПА.

Дводневниот самит на Г7 ги собира најголемите економии во светот, вклучувајќи ги САД, Германија, Франција, Велика Британија, Италија, Јапонија и Канада.

Сеизмолошката опсерваторија при Природно-математичкиот факултет во Скопје соопшти дека земјотресот е почувствуван во Охрид, Струга и блиската околина со интензитет од IV степени според Европската макросеизмичка скала.

Серија земјотреси чии епицентри потекнуваат од епицентралното подрачје Пештани-Охрид-Струга, беа регистрирани и вчера изутрина во Охридскиот регион. Најсилниот беше почувствуван во 4 часот и 34 минути во Охрид и блиската околина со интензитет од V степени според Европската макросеизмичка скала.

Освен вознемиреност кај граѓаните, материјални штети не се пријавени.