Гувернерот Славески со директна закана за затворање на „Канал 5“ по примерот на „А1“ - Канал 5

Македонија

Гувернерот Славески со директна закана за затворање на „Канал 5“ по примерот на „А1“

По непримерното однесување кон Канал 5, по прилозите за задоцнетиот избор на вицегувернери во НБРМ, гувернерот Трајко Славески оди чекор подалеку.. 

Гувернерот Славески со директна закана за затворање на „Канал 5“ по примерот на „А1“

Гувернерот Трајко Славески упатил директни закани за затворање на Канал 5 Телевизија кон директорот Иван Мирчевски, откако емитувавме низа прилози за случајот со вицегувернерите кои неколку месеци носелел одлуки во Советот на НБРМ со истечен мандат.. Настанот се случил во четвртокот, на приемот организиран од Делегацијата на Европската Унија, по повод 9 мај - денот на Европа...

Мирчевски сведочи дека Славески пред повеќе сведоци најпрво го запрашал дали се сеќава што се случило со телевизијата на Велија Рамковски, која во тоа време се обидувала да ја урне Владата, потоа заканувајки му се дека доколку продолжи така, тоа ќе и се случи и на Канал 5 Телевизија.

„Токму на тој ден, Трајко Славески ми пријде и ми рече отприлика вака: дали сум се сеќавал дека како мене и сопственикот на Канал 5 постоел еден друг мангуп во историјата на медиумите, се викал Велија Рамковски, кој што сакам исто како наводно ние што сме сакале да ја рушиме владата, во овој случај владата и него и завршил така како што завршил и со наравоучение од негова страна, дека ако продолжиме истото ќе ни се случи. На моја запрепастеност господинот Трајко Славески ова го кажа во присуство на неколку новинари и за негова несреќа во присуство на лидерот на СДСМ токму оној кој што му стегна кривична пријава за злоупотреба на службена позиција.“

Претседателот на СДСМ Венко Филипче потврди дека ги слушнал заканите упатени кон Мирчевски и изрази жалење за односот на Славески. Сепак, вели не е изненаден што такви зборови доаѓале од човек, кој како што рече, додека претседавал со Советот на Град Скопје целосно го блокирал градот.

„Да, така беше го слушнав, имаше и други новинари тука во околината. Жалам што еден човек на таква фукција висока така се однесува и така разговара, но не ме изненадува. Човек кој што го блокираше градот да потоне во ѓубре и ништо да не се случи 4 години, тоа е тоа. А за таквите луѓе има само една порака. Тие луѓе претставници на таква власт како имаме сега завршуваат на буништето на историјата.“

Од Народна банка велат дека не сакаат да коментираат, како што велат, наводи за приватни разговори или интерпретации на настани кои се изнесуваат во јавноста..

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Погоден танкер во Ормускиот теснец

Агенцијата за поморски трговски операции на Велика Британија соопшти дека во Ормускиот теснец, во близина на брегот на Оман е погоден танкер од „непознат проектил“.

Погоден танкер во Ормускиот теснец

Моторот на бродот е оштетен, но нема повредени луѓе и причинета еколошка штета.

Инцидентот се случи околу 20 километри североисточно од оманскиот град Лима.

Иран бара бродовите да ја користат рутата низ ормуска теснина долж неговиот брег, повторувајќи дека само рутата одредена од Техеран е безбедна за пловидба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Евроњуз: ЕК ја изгуби институционалната меморија и капацитет од последниот бран на проширување

Проширувањето на ЕУ се забрзува, но во надлежниот оддел на комисијата снемува капацитет за управување со преговорите со неколку земји-кандидатки одеднаш – тврди бриселскиот медиум Евроњуз повикувајќи се на свои извори.

Евроњуз: ЕК ја изгуби институционалната меморија и капацитет од последниот бран на проширување

Притисокот врз Европскиот генерален директорат за проширување и источно соседство се должи на забрзаното затворање на преговарачките поглавја од страна на четири земји кандидатки, што изискува значително прераспределување на ресурсите а според Евроњуз, проблеми со внатрешниот капацитет има и Советот на ЕУ.

„Генералниот директорат, како и многу други оддели на комисијата, во голема мера се потпира на привремени договори и малку постојани службеници. Ова значи дека има висока стапка на флуктуација на кадри и малку искуство во затворањето на преговорите, со оглед на тоа дека последната примена земја во блокот беше хрватска во 2013 година.„ – пишува Евроњуз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку деветмина загинати при руските напади врз Киев

Русија ноќеска повторно ја нападна украинската престолнина Киев со балистички ракети, при што загинаа и беа повредени повеќе луѓе. 

Најмалку деветмина загинати при руските напади врз Киев

Според државната служба за вонредни состојби на Украина, бројот на жртвите изнесува најмалку девет. Повредени се 23 лица.

Градоначалникот на Киев, Виталиј Кличко на телеграм објави дека градот утрово е нападнат со балистички ракети.

-Експлозии одекнуваат во градот. Киев е нападнат со балистички ракети. Скријте се во засолништата за бомби, наведе Кличко.

Градови беа цел на обемен руски напад. Според украинските власти, низ целата земја тогаш загинале најмалку десет лица, а десетици биле повредени.

Големи штети претрпе и градот Лавов на западот од земјата, во близина на полската граница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер