Гувернерот Трајко Славески, кој со своето работење поврзано со изборот на нови вицегувернери ја доведе во прашање сопствената репутација, денеска прв пат се појави во јавност, откако Канал5 го објави случајот со двете вицегувернерки кои и 5 месеци по истекот на нивниот мандат, на 22 октомври лани, работат и одлучуваат во Советот на НБРМ, иако Законот на НБРМ стрикно предвидува не подоцна од 2 месеци по истекот на мандатите, да бидат избрани нови... но наместо да го одговори на прашањето зошто не е испочитуван законот и дури сега ги испрати своите предлози до Собранието, Славески го оцени како тенденциозно...

Тој тврди дека нема прекршување на законот, посочувајќи го ставот 3 од истиот член 55 кој превидува вицегувернерите да продолжат да работат до изборот на нови, иако членот во целост наведува дека тоа може да биде најмногу 2 месеци, а не неограничено како што го толкува.

„Дали одлуките на советот се легитимни и легални, со оглед дека мандатот на вицепремиерките се истечени во октомври?

– Прочитајте го ставот три од членот на законот за НБРМ, ова ви го кажувам по 10ти пат. Ако некој не знае да чита, да му го прочитаме. Таму стои, се до изборот на нови вицегувернери, постојните ги имаат истите овластувања.

Но, законот не е испочитуван, „не повеќе од два месеци за избор на нови“ – тоа истече во декември, три месеци веќе го пробивате рокот, законскиот?

Да, ама читајте го ставот три, ова прашање е апсолвирано, чекаме на парламентот.

Дали има друго прашање – Дали чувствувате одговорност зошто чекавте Зошто чекавте повеќе од половина година за огласот, а тој истечен?

Добро, за ова разговарајте со вашиот уредник и прашајте го кои се мотивите за овој напад врз централната банка, јас многу добро ги знам.

– Легитимни прашања се дали сте ги исполниле вие вашите законски обврски.

– Ако може да одговорите? Не, одговорив.“

Иако очигледно законот не е испочитуван, простор за одговорност гувернерот во своите постапки не гледа... Тој тврди и дека предлозите за нови вицегувернери ги испратил до Собранието пред да ги добие прашањата од Канал 5, иако од Собранието кажаа дека ги добиле истиот ден – 17 март.. Дали предлзоите се Игор Велкичковски и една од вицегувернерките со истечен мандат– Ана Митревска, не сакаше да потврди..

„Оставка ќе поднесете? Оставка дали ќе поднесете? Од што? Од позицијата во која што ги пробивте законските рокови?

Сериозен сте? Сериозен сте?

Одговорете вие, не мене да ме прашате?

Не, дали сте сериозен со прашњето –

Вие одговорете – Не, нема да поднесам.

Може уште едно прашање? – Не може. Зошто половина година чекавте да предложите нови кандидати(од огласот)? Ве обвинуваат за партизација на НБРМ. – Кога ќе ги слушнете имињата на вицегувернерите ќе видите дека сте во заблуда.“

Предложените вицегувернери, ќе се најдат пред пратениците директно на пленарна седница, што се очекува на почетокот од април, без претходни за истите да се расправа на комисиска сендица, информираат собраниски извори..

Во меѓувреме, опозициската СДСМ повторно обвини за партизацијата на процесот, а претседателот на партијата Филипче побара одговорност од Славески.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.