Македонија

Гувернерот Славески: Ќе ја оправдам довербата

Ќе ја оправдам довербата, а оние кои имаат забелешки ќе ги убедам дека Народна банка била и ќе остане неазависна, рече Славески

Ветувам дека ќе ја оправдам довербата, а оние кои имаат некакви забелешки ќе ги убедам во спортивното, дека Народна банка била и ќе остане независна институција, посочи новоизбраниот гувернер на Народната банка Трајко Славески, во денешната свечена изјава.

Славески подвлече дека Центарлната банка треба да се фокусира на трите основни цели, а тоа се ниска и стабилна инфлација односно ценовна стабилност, финансиска стабуилност и поддршка на политиките на Владата.

-Се разбира законските надлежности се дефинирани, тоа е ценовна стабилност што за Република Македонија би значело ниска и стабилна инфлација и финансиска стабилност кои ќе бидат поддршка на амбициозните политики на Владата затоа што и една друга цел на Народната банка е да ги поддржува политиките на Владата и тоа ќе бидат основните приоритети. Јас ќе се фокусирам заедно со моите советници јадрото на функциите или основните функции на Централната банка кои ги наведов. Во изминатиот период нормално тоа беше на некој начин поттикнато од надвор од однесувањата на Светска банка и други централни банки, централните банки да ги шират своите надлежности, интереси на одредени прашања, кои се наметнуваат од поширок социјален интерес како на пример зелена енергија и слично јас мислам дека тоа треба да се остави на другите институции и Централната банка да се фокусира на трите основни цел, посочи Славески.

Додаде дека очекувањата на јавноста се дека ќе има стабилен девизен курст, но дека тој како професионален економист го следи и реалниот девизен курс.

-Очекувањата на јавноста се дека ќе има стабилен девизен курс, но овде сакам да кажам една работа пошироката јавност е фокусирана на она што се нарекува номинален девизен курс, кој очекуваме да биде фиксиран, но јас како професионален економист го следам и реалниот девизен курс кој зависи од односот на нашите домашните цени и цените со нашите трговски партнери пред се оние во еврозоната. За жал во изминатиот период особено по 2022 година имаме значителна реална прецијација на реалниот девизен курс, а тоа се должи на високата инфлација кај нас, која беше повисока во просек од онаа во еврозоната. Реалниот девизен курс на денарот од 2002 година ноември до јануари од оваа година е зајакнат за 5,4 проценти во однос на сите трговски партнери, а во однос на еврото денарот има апресирано цели 9 проценти, изјави Трајковски.

Појасни дека тоа значи губење на конкурентноста на македонската економија.

-Република Македонија станува поскапа за нашите трговски партнери тоа го погодува извозот, еве ни претстои туристичка сезона во нашите туристички центри имаме и откажувања на аранжмани со изговор од агенциите од странство дека Република Македонија станала релативно скапа земја. Ова значи дека ќе треба инфлацијата, стапката на инфлација да ја држиме во рамки на онаа во еврозоната. Тоа што имавме стабилен фиксен девизен курс изминатиов период се должеше на една единствена причина, нашата стапка на инфлација беше во рамкиите на онаа во еврозоната со која е врзан денарот, смета тој.

На прашањето дали по стабилноста на курсот на денарот веднаш ќе биде воведен флексибилен девизен курс рече дека во никој случај нема да се случи тоа.

-Ако е преценета вредноста со ниска инфлација во рамките на таа од еврозоната со тек на времетоо ќе се испеглаат тие разлики,посочи Трајковски.

Собранието синоќа Трајко Славески го именуваше за гувернер на Народната банка на Република Северна Македонија. За Славески 68 пратеници гласаа „за“, а 16 беа против.

Во рамки на општата расправа и низа реплики и контрареплики пратениците изнесоа различни ставови при што пратениците од власта се фокусираа на неговата стручност и компетентност, додека, опозицијата на политичката припадност на Славески и визијата за независноста на институцијата.

Тагови: Народна Банка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Разбиена шема за нелегално посвојување - мајка го продала бебето за 500 евра, кривична за шест лица

35 годишна мајка од Куманово заедно со нејзиниот партнер од Тетово го продале своето новороденче за 500-тини евра, а во текот на бременоста и биле плаќани и гинеколошките прегледи од страна од брачен пар од Скопје кои сакале да посвојат бебе.

Во целиот процес посредувала 63 годишна згрижувачка на деца од Скопје која воспоставила пертходен договор со брачниот пар за продажба на бебето. Во целиот случај бил вклучено уште едно лице од Скопје кое ја избегнало процедурата за посвојување на деца согласно Законот за семејство ја користела нивната бременост и тешка материјална и социјлна состојба.

„Поради тоа што не можеле да се грижат за нивните новородени деца, ги доведувала родителите во заблука и ги убедеувала да реализираат за одреден паричен надомест и други бенефиции незаконско посвојување на нивното новородено бебе“, велат од МВР.

Откако се породила жената, таа со нејзиното бебе заминале во домот на 63 годишната згрижувачка. Од нејзиниот дом било продадено новороденчето на брачниот пар и тие го однеле во својот дом. Во октомври во 2025 година бил склучен договор за заем на 500 евра помеѓу таткото на бебето и новиот родител кој му ја исплатил сумата.

Националната единица за сузбивање на криумчарење мигранти и трговија со луѓе поднесе кривична пријава против сите инволвирани шестмина од Скопје, Куманово и од Тетово, осомничени за кривично дело „трговија со дете“, поврзано со незаконско посвојување новородено бебе за паричен надоместок.

Од судија на претходна постапка на лицата им е определена мерка домашен притвор. Засега се уште нема одговор од страна на надлежните од министерството за социјална политика дали има соменавања за лицата кои се вмешани во скандалот со продажба на децата и дали има и други случаи?

Живот

Купиле куќа за едно евро, а потоа се збогатиле од неа!

Купиле куќа за едно евро, а потоа се збогатиле од неа: Куќа од 11 квадратни метри стана светска сензација!

Куќа од само 11 квадратни метри во германскиот Рипс се смета за еден од кандидатите за најмал смештај за одмор во светот, а ноќевање во неа чини 92 фунти. Сопствениците се надеваат на официјално признавање на таа титула.

Во свет кој сè повеќе ја цени едноставноста, одржливоста и слободата, малите куќи стануваат симбол на поинаков начин на живот. Сепак, зад секој минијатурен дом не стои само практичност и естетски минимализам, туку и цела филозофија - филозофија која ја слави слободата на избор, поврзаноста со природата и креативноста во секој квадратен метар.

Она што ги прави особено интересни во 2025 година е растечкиот интерес на пазарот. Малите куќи се се повеќе барани како куќи за одмор, куќи за одмор, Airbnb домови, па дури и како алтернативна опција за урбан живот.

Нивната изградба е побрза и поевтина, трошоците за одржување се минимални, а потенцијалот за поврат на инвестицијата е изненадувачки висок.

Во мирното село Рипс, кое се наоѓа во германската покраина Мекленбург-Западна Померанија, се наоѓа куќа која привлече внимание низ целиот свет.

Со површина од само 11 квадратни метри, оваа двокатна зграда е кандидат за титулата „најмала куќа за одмор во светот“. Сопствениците, Марита Ханеман-Мос и нејзиниот сопруг Андреас Мос, ја купија напуштената куќа од тули за симболична цена од една фунта.

Иако куќата беше во лоша состојба, двојката инвестираше околу 161.000 фунти во нејзината реновација, вклучувајќи 44.000 фунти во грантови и 117.000 фунти од сопствени средства.

И покрај скромните димензии, куќата нуди сè што ви е потребно за пријатен престој.

На приземјето има компактна бања со подно греење, додека надворешно скалиште води до кујна опремена со чајник, мијалник, микробранова печка, мал шпорет и мини фрижидер. Исто така, има маса со столчиња и софа на расклопување, а стаклениот покрив им овозможува на гостите да спијат под ѕвездите. Марита и Андреас веќе поседуваат уште две куќи за одмор, но овој минијатурен дом претставува нивна најамбициозна авантура.

Нивната страст за дизајн и одржливост во комбинација со претприемачки дух, создаваат уникатно искуство за гостите. Со цена од 92 фунти за ноќевање, двојката се надева дека нивниот дом наскоро ќе биде препознаен како најмалата куќа за одмор во светот.

Македонија

Битиќи: Економската лага на Мицкоски се распаѓа на каса во маркет

Економската лага на Христијан Мицкоски се распаѓа на каса во маркет, обвини пратеникот на СДСМ, Фатмир Битиќи, посочувајќи дека Владата со лаги се обидува од една статистичка бројка да создаде „економска бајка“

Економската лага на Христијан Мицкоски се распаѓа на каса во маркет, обвини пратеникот на СДСМ, Фатмир Битиќи, посочувајќи дека Владата со лаги се обидува од една статистичка бројка да создаде „економска бајка“, додека граѓаните секојдневно се соочуваат со сè поскапи производи и намалена куповна моќ.

„Да ја извадиме економијата од владиниот прес-центар и да ја сместиме таму каде што ѝ е местото , на пазар и во маркет. А таму со 1.000 денари може да се купат 2 килограми цреши по 140 денари, 1,5 килограм праски по 95 денари, 1,5 килограм кајсии по 130 денари, една табла од 30 јајца за 275 денари и само 150 грама пилешки стек. Значи, една илјадарка едвај покрива неколку килограми сезонско овошје, една табла јајца и мало парче месо“, потенцираше Битиќи на денешната прес-конференција.

Битиќи нагласи дека економските резултати не се мерат со политички пораки и самопофалби, туку со реалниот животен стандард на граѓаните.

„Економијата не се мери со самопофалби, туку со тоа што граѓаните реално можат да купат со својата плата, колку килограми овошје, колку месо, колку литри млеко, колку бензин, колку денови им се исполнети со достоинствен живот. Кога граѓаните плаќаат повеќе за истите производи, номиналната потрошувачка расте. Но тоа не значи подобар живот, тоа значи поскап живот“, појасни Битиќи.

Битиќи укажа на фактот дека храната и безалкохолните пијалаци се поскапени за околу 8 отсто на годишно ниво, додека инфлацијата во земјава изнесува 5,7 отсто и е повисока од просекот во Европската Унија и еврозоната.

Осврнувајќи се на владините тврдења за некаков „економски успех“, Битиќи посочи дека иако Државниот завод за статистика регистрирал раст на БДП од 3,1 отсто во првиот квартал, истиот извештај покажува дека финалната потрошувачка учествува со дури 86,4 отсто во БДП, што значи дека растот главно се темели на потрошувачка во услови на високи цени.

„Премиерот Мицкоски прво ја прогласи Македонија за „третата најбрзорастечка економија во Европа“, а вчера ја спушти амбицијата на „првите пет земји во Европа според растот на БДП“. Но и во едниот и во другиот случај станува збор за иста политичка намера, од една статистичка бројка да се направи економска бајка, додека граѓаните живеат во кошмарна економска реалност“, рече Битиќи.

Тој нагласи дека БДП расте за 3,1 отсто, а инфлацијата изнесува 5,7 отсто, што значи дека цените растат побрзо од економијата, а граѓаните трошат повеќе пари и добиваат помалку производи за возврат.

„Владата може да слави проценти, но граѓаните секој ден бројат денари. Вистински економски напредок, постои само тогаш кога граѓаните со својата плата можат да купат повеќе, да живеат посигурно и да ја планираат иднината без страв од нови поскапувања и повисоки сметки, потенцираше пратеникот на СДСМ, Фатмир Битиќи.

СДСМ