Гуту: Шумите не се само резерва на дрвна маса, тие се и извор на храна - Канал 5

Свет

Гуту: Шумите не се само резерва на дрвна маса, тие се и извор на храна

Од Виорел Гуту, Помошник генерален директор и Регионален претставник на Организацијата за храна и земјоделство на Обединетите нации (ФАО) за Европа и Централна Азија

Гуту: Шумите не се само резерва на дрвна маса, тие се и извор на храна

Земјиште со површина поголема од 0,5 хектари со дрвја повисоки од 5 метри и покривка од крошни поголема од 10 проценти, или дрвја што можат да ги достигнат овие прагови во одредена област – тоа е основната дефиниција за шума. Сепак, ако си замислиме шума, внатрешната слика веројатно ќе биде исполнета со најразлични бои, бидејќи шумите се многу повеќе од она што нивната дефиниција сугерира.

Според најновите податоци, повеќе од 30 проценти од копнената површина на Европа е покриена со шуми, и таа бројка полека, но сигурно расте. Во нашиот регион има земји кои се рангираат високо дури и на глобално ниво во однос на пошумените области. Шумите се јасно значаен ресурс во овој дел од светот.

Луѓето имаат корист од шумите како место за одмор и релаксација – ментално и физички. За многумина, дрвото служи како огрев во домовите во зимскиот период и обезбедува оган за готвење. Но, уште поважно, шумите обезбедуваат живеалиште за огромен број диви животински и растителни видови, го прочистуваат воздухот и играат клучна улога во глобалните екосистемски процеси како најголем копнен резервоар на јаглерод. А тоа се само дел од нивните придобивки.

Сепак, шумите не се само резерва на дрвна маса – тие се и извор на храна.

Во 2025 година, централната тема на Меѓународниот ден на шумите (21 март) им оддава признание на шумите за нивната улога како извор на храна, славејќи го нивниот клучен придонес за обезбедноста со храна, исхраната и егзистенцијата.

Таканаречените недрвни шумски производи (како што се јаткасти плодови, бобинки, печурки, месо од дивеч, лековити растенија и шумски мед) се основа или здрав додаток во исхраната за многу луѓе.

Дополнително, шумските прехранбени производи се составен дел од секојдневниот живот: 90 проценти од европските домаќинства редовно консумираат барем еден од овие производи, додека околу една третина собираат некој вид недрвни шумски производи најмалку еднаш годишно, било за лична употреба или за продажба. Во некои земји, сиромашните и ранливите категории на населението често се потпираат на сезонските шумски производи за да обезбедат приходи и да ги нахранат своите семејства.

Консумацијата на шумски прехранбени производи нуди бројни нутритивни придобивки и придонесува кон разновидна исхрана. Меѓу другото, месото од дивеч е значаен извор на протеини и микронутриенти, има понизок процент на масти и не содржи антибиотици. Шумите го поддржуваат обезбедувањето на храна и нудат алтернативни извори на приходи за време на кризи, како што се неуспешни жетви или конфликти – а такви ситуации имавме многу во изминатите години. Тие се клучни за опстанокот на руралните заедници кога вообичаените извори на храна стануваат недостапни.

Сепак, сегашната, а особено идната економска вредност на шумските прехранбени производи во голема мера останува незабележана во официјалните статистики и анализи за иднината. Ова се должи на фактот што многу недрвни шумски производи се дел од неформалната економија и не се соодветно евидентирани во официјалните записи.

Во 1945 година, Организацијата за храна и земјоделство на Обединетите нации (ФАО) беше основана со цел борба против гладта и поддршка на руралните заедници. Осумдесет години подоцна, сè уште работиме на остварување на оваа цел, а шумите се наши тивки, но силни сојузници во создавањето одржливи и отпорни агро-прехранбени системи.

Да ги заштитиме и славиме не само на 21 март, туку 365 дена во годината и да ги зачуваме за идните генерации!

ФАО

Тагови: храна ФАО Обединетите нации

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер