Гутереш го повика Израел да ги прекине воените операции на Западниот брег - Канал 5

Гутереш го повика Израел да ги прекине воените операции на Западниот брег

Генералниот секретар на Обединетите нации, Антонио Гутереш го повика Израел да ги прекине воените операции на Западниот Брег, откако израелските сили соопштија дека вчера почнале голема антитерористичка операција во која загинаа најмалку 11 Палестинци

Гутереш го повика Израел да ги прекине воените операции на Западниот брег

-Генералниот секретар е длабоко загрижен од најновите случувања на Западниот Брег и силно ја осудува загубата на животи, вклучително и на деца, изјави неговиот портпарол Стефан Дижарик.

Гутереш го повикува Израел да ги исполни релевантните обврски според меѓународното хуманитарно право и да преземе мерки за заштита на цивилите и обезбедување на нивната безбедност, додаде Дижарик.

-Тој апелира до безбедносните сили да покажат максимална воздржаност и да користат смртоносна сила само кога е строго неопходно за да се заштити животот. Овие опасни настани ја поттикнуваат веќе експлозивната ситуација на окупираниот Западен Брег и дополнително ја поткопуваат палестинската власт, ​​додаде портпаролот на генералниот секретар на ОН.

„Само прекинот на окупацијата и враќањето кон значаен политички процес кој ќе воспостави решение за две држави ќе донесе крај на насилството“, додаде Дижарик.

-Обединетите нации ќе продолжат да работат со сите страни за таа цел, да бараат деескалација на сегашната ситуација и да ја промовираат стабилноста во регионот, рече тој.

Постојаниот претставник на Израел во Обединетите нации, Дени Данон, истакна дека од 7 октомври Иран активно работи на „криумчарење софистицирани експлозивни направи во Јудеја и Самарија“ (библиското име за Западниот Брег), наменети за употреба во самоубиствени бомбашки напади во срцето на израелските градови.

-Државата Израел нема да седи со скрстени раце и да чека сцени од експлозии на автобуси и кафулиња во центрите на градовите. Операциите на ИД во Јудеја и Самарија имаат јасна цел: спречување на иранскиот терор преку посредници кои би им наштетиле на израелските цивили, рече Данон.

ИД претходно соопшти дека двајца палестински вооружени напаѓачи биле убиени за време на судирите со граничните полицајци во Џенин, а уште тројца во напад со беспилотно летало во блиското село./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Потопен уште еден товарен брод во Црното море покрај брегот на Бугарија

Бугарија денеска примила повик за помош од товарен брод што тонел во нејзината ексклузивна економска зона во Црното Море, соопшти Министерството за транспорт.

Потопен уште еден товарен брод во Црното море покрај брегот на Бугарија

Бродот „Бетул 8“, кој пловел под сомалиско знаме и на кој имало 12 членови на екипажот, превезувал три тони пченица и пловел од Романија кон Египет. Од Министерството за транспорт не наведоа што се случило со посадата.

Два бугарски, еден романски и еден турски брод се упатени кон местото на настанот, се додава во соопштението.

Причината за инцидентот не е јасна, но во изминатите неколку недели имаше низа смртоносни напади со беспилотни летала врз бродови во близина на бреговите на Бугарија и Романија, за кои се верува дека се поврзани со војната во Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Деветнаесетгодишен македонски државјанин уапсен на границата со Хрватска за обид за убиство на познатиот Алибек во Белград

Деветнаесетгодишен државјанин на Македонија е уапсен под сомнение дека се обидел да го убие Ненад Алајбеговиќ, познат како Алибек, во Белград.

Деветнаесетгодишен македонски државјанин уапсен на границата со Хрватска за обид за убиство на познатиот Алибек во Белград

Осомничениот бил приведен на границата со Хрватска, додека се обидувал да ја напушти Србија, објавија српските медиуми..

По налог на Вишото јавно обвинителство во Белград, на А. А. му е одредено задржување до 48 часа поради сомнение за обид за убиство и недозволено производство, поседување, носење и трговија со оружје и експлозивни материи.

Според сомненијата, на 8 август минатата година, на улицата „Народни херои“ во Белград, осомничениот испукал повеќе куршуми од пиштол кон Ненад Алајбеговиќ, кој во тој момент се наоѓал во своето возило.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Лукаку се повлече од репрезентацијата на Белгија

Белгискиот напаѓач 33 годишниот Ромелу Лукаку денес преку социјалните мрежи, го објави крајот на својата репрезентативна кариера, која трае 16 години. 

Лукаку се повлече од репрезентацијата на Белгија

Од неговиот прв повик во националниот тим на 3 март 2010 година, кога имаше само 16 години, Ромелу го носеше дресот на репрезентацијата 135 пати и постигна 94 гола.

Со оваа импресивна статистика, тој е најдобриот стрелец на сите времиња за „Црвените ѓаволи“. „Шеснаесет години.

Во текот на овие 16 години, дадов сè што имав за националниот тим. Доживеав секакви емоции што можат да се замислат“, напиша Лукаку на Инстаграм, придружувајќи ја објавата со серија фотографии од неговата репрезентативна кариера.

Во текот на својата репрезентативна кариера, Лукаку настапи на четири Светски првенства и три Европски првенства. Тој беше клучен играч во белгиската „златна генерација“ – тим кој со години беше меѓу најдобрите во светот и подолго време го држеше првото место на ранг-листата на ФИФА. Во моментов настапува за турскиот клуб Фенербахче.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер