Гугл прикажа нова „банана“ вештачка интелигенција- луѓето не веруваат што гледаат (ВИДЕО) - Канал 5

Технологија

Гугл прикажа нова „банана“ вештачка интелигенција- луѓето не веруваат што гледаат (ВИДЕО)

Google ја претстави најновата верзија на својот систем за креирање слики со вештачка интелигенција и веднаш привлече внимание.

Гугл прикажа нова „банана“ вештачка интелигенција- луѓето не веруваат што гледаат (ВИДЕО)

„Нано банана“ од Gemini веќе го освои првото место на листата на најдобри едитори на LMArena и добива пофалби од корисниците ширум светот. Главната предност на овој модел е можноста за одржување на конзистентност на сликата преку повеќекратни уредувања, што досега беше најголемиот проблем со алатките за вештачка интелигенција.

Корисниците сега можат да фотографираат личност и лесно да ја променат нивната фризура, облека, па дури и да ги пренесат во сосема различен временски период - додека ликот останува ист. Гугл нагласува дека е можно да се вметне истиот лик во различни средини, да се прикаже производ од повеќе агли или да се создадат идентични визуелни елементи за бренд, што отвора огромни можности за креаторите на содржини.

Што може да направи „нано банана“

Една од новините е уредувањето на повеќе нивоа. Ова значи дека е можно постепено да се додаваат елементи на сликата, како што се мебел и декорација во празна соба, без да се изгубат претходните детали. Исто така, постои можност за мешање стилови, така што дизајнот од една слика може да се пренесе на објект од друга.

Секако, сè доаѓа со заштита. Секоја креирана слика има воден печат со вештачка интелигенција и невидлив дигитален маркер наречен SynthID, кој опстојува дури и по уредувањето. Сепак, битката помеѓу најголемите системи со вештачка интелигенција во областа на сликите продолжува. Додека Илон Маск го промовира Grok со „Spicy“ режим кој дозволува NSFW содржина, ChatGPT веќе достигна речиси милијарда корисници благодарение на популарноста на илустрациите во стилот на Studio Ghibli. Meta, од друга страна, лиценцира модели за Midjourney, па затоа е јасно дека генерирањето слики со вештачка интелигенција стана поле на најголема конкуренција.

Тагови: вештачка интелигенција гугл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер