Гугл наполни 21 година

Интернет гигантот Гугл денес го одбележува својот 21-ви роденден со ретро слика на својот пребарувач која прикажува како изгледале компјутерите во времето кога е поставен темелот на оваа компанија.

Студентите Сергеј Брин и Лери Пејџ, пред 21-на година објавиле труд под име „Анатомија на големите хипертекстуални машини за пребарување на интернетот“.

Тие тогаш го опишале Гугл како прототип на голем пребарувач на светските информативни мрежи кој има база од најмалку 24 милиони страници.

Компанијата од тогаш драматично пораснала, а Гугл пребарувачот сега има база од неколку стотини милијарни веб страници.

Гугл сега е дел од матичната компанија „Алфабет“, која се бави со многу технолошки аспекти, од автономни возила и софтвер за мобилни (андроид), до продолжување на човековиот живот.

Интересно е дека компанијата низ историјата го одбележува својот роденден на различни датуми.

Од 2006-та тоа го прави на 27-ми септември, но минатата година тоа го направи на 26-ти септември, додека во 2004-та и 2003-та година роденденот е одбележан на 7-ми односно на 8-ми септември.

Од компанијата нема објаснување,иако е познато дека официјално е регистрирана на 4-ти септември 1998-ма година.

Санкционирани 167 возачи во Скопје

Сообраќајните контроли продолжуваат и во наредните денови, соопшти МВР.

На територија на град Скопје вчера се изречени вкупно 167 мерки, меѓу кои за возење повеќе од дозволената брзина 16 санкции, 10 мерки за возење без возачка дозвола, 14 санкции за минување на затворен сигнал - црвено светло, девет мерки за користење на мобилен телефон при возење.

Сообраќајните контроли продолжуваат и во наредните денови, соопшти МВР.

Хантер Бајден бара отфрлање на обвиненијата за затајување данок

Хантер Бајден бара отфрлање на обвиненијата за затајување данок, за кои тврди дека се политички мотивирани.

Адвокатите на Хантер Бајден, синот на американскиот претседател Џо Бајден, побараа да се отфрлат обвиненијата против него за федерално затајување данок како дел од политички мотивираното гонење.

Ејб Ловел, главниот бранител на Хантер Бајден, истакна дека ова не е обичен случај, тврдејќи дека има неправилности во начинот на кој бил покренат и истражен, што федералните обвинители го отфрлија, пренесува Си-Би-Ес њуз.

Во правните поднесоци поднесени во последниве недели, канцеларијата на специјалниот советник Дејвид Вајс соопшти дека политиката нема никакво влијание врз случајот и ги отфрли тврдењата дека обвиненијата се покренати за да се смират републиканците, нарекувајќи го тврдењето „поттикнување заговор“.

Окружниот судија на САД Марк Скарси подоцна укажа на недостиг на докази за поддршка на тврдењето дека политиката има какво било влијание врз обвиненијата.

Хантер Бајден не се појави на сослушувањето во средата, но се изјасни за невин по девет федерални даночни обвиненија во Централниот округ на Калифорнија во јануари, откако федералните обвинители наведоа дека тој се вклучил во „четиригодишна шема“ за да избегне плаќање најмалку 1,4 милиони долари даноци и го обвинија за непријавување и неплаќање данок, односно затајување.

Видео: Четворица убиени, петмина избодени во напад во Илиноис

 Четири лица се убиени, а пет се повредени во напад во Рокфорд, Илиноис, додека 22-годишен осомничен маж е уапсен.

Полицијата, исто така, соопшти дека некои од жртвите биле избодени со нож, но во нападот не било употребено огнено оружје, пренесуваaт локалните медиуми.

Убиени се 15-годишно девојче, 63-годишна жена, 49-годишен маж и 22-годишен млад човек.

Шефицата на полицијата во Рокфорд, Карла Ред, изјави дека загинале вкупно четири лица, додека еден е тешко повреден.

Четири лица се префрлени во болници, каде состојбата им е стабилизирана.

Полицијата соопшти дека засега не е позната причината за нападот.

притисни ентер