Технологија

Гугл го надмина Епл и стана втора највредна компанија- голема смена на врвот на ИТ светот

„Алфабет“, матичната компанија на „Гугл“, официјално го престигна „Епл“ и стана втора највредна компанија во светот, веднаш зад „Нвидија“.

На крајот од тргувањето, „Алфабет“ имаше пазарна вредност од околу 3,89 трилиони долари, додека „Епл“ остана на околу 3,85 трилиони долари.

Предноста беше дополнително зголемена следниот ден, кога акциите на „Алфабет“ пораснаа за околу 1%, со што пазарната капитализација на компанијата достигна речиси 3,94 трилиони долари, додека „Епл“ падна на околу 3,84 трилиони долари. Ова е прв пат од 2019 година „Алфабет“ да го надмине „Епл“ во однос на вкупната вредност.

Главната причина за овој пресврт е нејзиниот агресивен пресврт кон вештачката интелигенција. Во текот на изминатите две години, „Гугл“ успеа да ја промени својата перцепција од заостанат во трката со вештачка интелигенција до еден од лидерите во оваа област. Нејзините чипови за вештачка интелигенција, познати како „ТПУ“, станаа сериозна конкуренција за „Нвидија“ и веќе привлекуваат интерес од компании како „Мета“ и „Антропик“. Најновиот модел на вештачка интелигенција, „Џемини 3“, се покажа многу добро на индустриските тестови.

„Алфабет“ беше и најдобро остварената акција меѓу таканаречените технолошки компании „Величествените седум“ во 2025 година, со раст од околу 65 проценти, додека „Нвидија“ забележа раст од 39 проценти. Аналитичарите очекуваат „Алфабет“ да го задржи својот силен моментум во 2026 година.

Од друга страна, „Епл“ се соочува со предизвици. Компанијата е во процес на промени во врвниот менаџмент и се подготвува за периодот по заминувањето на извршниот директор Тим Кук. Иако „Епл“ постепено воведува функции на вештачка интелигенција во своите уреди, инвеститорите сè уште чекаат значаен пробив, особено кога станува збор за следната генерација на асистентот „Сири“.

И покрај силниот раст, „Алфабет“ сè уште заостанува зад „Нвидија“, чија пазарна вредност е околу 4,5 трилиони долари. Во наредниот период, инвеститорите внимателно ќе следат како „Алфабет“ ќе успее да ги монетизира своите огромни инвестиции во сервери, центри за податоци и целата инфраструктура на вештачка интелигенција.

Аналитичарката Стејси Разгон од „Бернштајн“ истакнува дека успехот на моделот „Џемини“ е позитивен сигнал, но дека фокусот сега се префрла од самите перформанси кон вистинска имплементација и заработка.

Тагови: гугл Епл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Фнидек во вонредна состојба по мигрантската криза

По масовниот наплив на мигранти кон шпанската енклава Сеута, состојбата во соседниот марокански град Фнидек останува крајно напната.

Властите воведоа засилени безбедносни мерки, додека стотици луѓе и натаму се обидуваат да стигнат до Европа.

Плажите во Фнидек се обезбедени со жичени огради и засилено полициско и воено присуство, со цел да се спречат нови обиди за нелегално преминување на границата со Сеута.

Мигрантите кои се вратија од шпанската енклава сведочат за тешки услови, недостиг на храна и насилство, додека многумина и понатаму не се откажуваат од обидите да стигнат до Европа.

Експертите оценуваат дека мигрантскиот бран е последица на влошените односи меѓу шпанија и мароко, поврзани со спорот за западна Сахара. Според проценките, во обидот за влез во сеута учествувале повеќе од 50 илјади луѓе.

Во меѓувреме, Европската унија подготвува итен состанок на министрите за внатрешни работи, на кој ќе се разгледуваат натамошните чекори за справување со мигрантската криза и зајакнување на соработката со Мароко.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Грција и натаму беснее опасна огнената стихија

Во Грција и натаму беснее опасна огнената стихија. Пожарникарските служби водат тешка битка со десетици шумски пожари, а најкритична останува состојбата во регионот Атика.

Во Грција и натаму беснее опасна огнената стихија. Пожарникарските служби водат тешка битка со десетици шумски пожари, а најкритична останува состојбата во регионот Атика, каде еден од пожарите се доближи на само неколку километри од градот Мегара, кој е лоциран околу 50 километри западно од Атина. Градоначалникот ја оцени состојбата како хаотична, додека жителите на повеќе населени места добија предупредувачки пораки за евакуација.

Во гаснењето на пожарите се ангажирани стотици припадници на службите за итни интервенции, меѓу кои и пожарникари од Романија и Франција. Само во областа Порто Гермено се распоредени речиси 500 пожарникари, а дополнителни околу 100 интервенираат на северот од Пелопонез. Според грчката противпожарна служба, низ земјата се регистрирани 73 шумски пожари, од кои 51 избувнале во еден ден.

-Не знам. Пожарите се активни многу денови. Овде има црква, а изутринава видов на телевизија дека областа ја зафатила пожар. Пожарите се на 1 км далечина од овде. Фрустриран сум. Ми изгореа маслиновите дрва овде, а пожарот се уште е активен,- Тасос Ѕемпеликос - Локалец.

Првичните проценки покажуваат дека од почетокот на пожарите во Грција изгореле повеќе од 10 илјади хектари шума, како и куќи, штали и земјоделски површини. Како можна причина за големиот пожар кај Мегара се посочуваат небрижност на локалното население а во врска со случајот приведени се две лица.

-Пожарот е активен од вчера доцна вечерта. Очигледно е дека не може сегде да има пожарникари. Ние како локално население правиме се што можеме да помогнеме. Се мобилизиравме и на своите поседи го чиниме истото, да видиме дали е изгорено. Дали нешто е потребно да направиме до еден км од овде,- -Манолис Далас - Жител од регионот на Атика.

Трагедијата дополнително ја засени операцијата за гаснење откако кај Псата, западно од Атина, се судрија два противпожарни хеликоптери од типот „Бел“. Во несреќата загинаа дански пилот и грчки координатор, додека британскиот пилот и неговиот грчки колега беа повредени. По налог на обвинителството, полицијата спроведува истрага за причините за судирот. Со ова, бројот на жртви поврзани со пожарите во Грција се искачи на пет, откако претходно животот го загубија и тројца пожарникари.

Со големи пожари деновиве се соочува и поширокиот регион на јужна Европа. Високите температури, долготрајната суша и силните ветрови ја отежнуваат работата на пожарникарите во Франција и Шпанија, каде службите остануваат во состојба на висока подготвеност поради зголемениот ризик од нови огнени жаришта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Околу 50 тони небезбедна храна открила АХВ во првата половина од годината

Речиси педесет тони небезбедна храна уништиле или вратиле инспекциските служби на Агенцијата за храна и ветеринарство.

Најчеста причина за заплена на небезбедната храна биле изминат рок на употреба, непознато потекло, нерегистрирани оператори..

Повеќе од Елизабета Дамјановска Спасеноска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.