Група граѓани вечерва се обидоа да дојдат во црквата Свети Спас

Неколку десетици лица вечерва, како што рекоа, самоораганизирани од плоштадот Македонија дојдоа до скопското Кале во намера да го посетат гробот на Гоце Делчев.

Таму беа дочекани од кордон полиција и барикади и не им беше дозволено да се доболижат до црквата Свети Спас.

Во изјави за новинарите кажаа дека се револтирани што не им било дозволено вечерва да му оддадат почит на Делчев..

Лефков: Филипче да каже од кои пари е изградена милионската хациенда на Водно

Филипче да каже од кои пари е изградена милионската хациенда на Водно, и дали тие средства се поврзуваат со државни тендери.

Ова позади нас е хациендата на семјеството на Венко Филипче на Водно.

Од овде се гледа цело Скопје, а да се изгради овој објект на оваа локација потребни се 1 милион евра.

Овој објект е граден во ек на министерувањето на Филипче, кога тој управуваше со милиони евра во здравството.

Филипче мора да одговори како е градена оваа хациенда, како се стекнати парите за истата и дали истите се доведуваат во врска со тендери или друг вид работа со државата додека тој бил на функција. Филипче мора да одговори како се прави ваква хациенда со плата?

Филипче да не се обидува да користи изговори дека оваа хациенда е на името на неговата сопруга или нејзиниот татко. Тоа што истата е градена додека тој е министер говори доволно дека може да станува збор за потенцијално криење на имот на туѓо име.

ДКСК да отвори случај и да истражи како е финансирана оваа хациенда и дали парите се доведуваат во корелација со некој тендер или државна работа.

Очекуваме ДКСК да отвори истрага за овој имот на Филипче.

Миле Лефков, пратеник и член на ИК на ВМРО-ДПМНЕ

Центар за комуникации на ВМРО-ДПМНЕ

Дурмиши - Туркменоглу: Поддршката од нашите партнери има голем придонес

Министерот за економија и труд Бесар Дурмиши денеска оствари работна средба со шефот на Канцеларијата на Европската банка за обнова и развој (ЕБОР) во Скопје, Фатих Туркменоглу.

На средбата, како што соопшти Министерството за економија и труд, се разговарало за главните приоритети на Министерството согласно последната реорганизација на министерствата, за досегашната соработка со ЕБОР, како и за идни проекти.

Министерот Дурмиши истакнал дека фокусот на работа на Министерството за економија и труд од сега ќе биде подобрување на бизнис климата во земјата, односно поддршка на домашните компании и подобрување на условите за странските инвеститори, како и развојот на пазарот на труд, односно подобрување на работничките права во државата.

-ЕБОР е еден од најголемите поддржувачи на нашата држава со инвестиции во различни проекти во различни сектори и има огромен придонес во економскиот и социјалниот развој на нашата држава, се наведува во соопштението.

Министерот Дурмиши на состанокот потенцирал дека инвестициските активности и поддршката од ЕБОР се значајни за развојот на нашата економија и има голем придонес за подобрување на деловната клима во земјата.

Министерот искажал уверување дека веќе воспоставената соработка со ЕБОР ќе продолжи и во наредниот период преку подготовка и реализација на приоритетни проекти кои имаат големо позитивно влијание врз нашата економија и условите за живот на граѓаните.

-Како министер за економија и труд се надевам дека заеднички со ваша поддршка ќе работиме на подобрување на условите за работа на домашните и странските компании во земјата, се со цел подобрување на животниот стандард, рекол министерот Дурмиши на средбата.

Двајцата соговорници се согласиле дека ЕБОР е важен стартешки партнер, а инвестициските активности од различни партнери се од големо значење за тековниот и идниот развој и на државниот и на приватниот сектор.

Пожар во росоманското село Сирково

Пожар избувна денеска и во росоманското село Сирково. Како што информираа од кабинетот на кавадаречкиот градоначалник Митко Јанчев, кавадаречките пожарникари интервенирале во гасење на пожар во село Сирково со две противпожарни возила. 

МИА се обрати до Територијалната противпожарна единица Кавадарци и оттаму ни беше кажано дека дополнителна екипа пожарникари со противпожарно возило се упатува на овој пожар што се уште не е локализиран.

Засега не можеа да дадат повеќе детали за пожарот.

притисни ентер