Македонија

Груби: Денот на Ромите, ден на нашата граѓанска свест

Чест ми е што денес, по повод 8 април, Денот на ромската заедница, им се обраќам на граѓаните воопшто и на ромската заедница особено.

Денес, првиот Вицепремиер и министер за Политички систем и односи меѓу заедниците, Артан Груби заедно со премиерот Зоран Заев учествуваше на средбата со претставници на ромската заедница по повод 8 април, Меѓународниот ден на ромската заедница.

„Чест ми е што денес, по повод 8 април, Денот на ромската заедница, им се обраќам на граѓаните воопшто и на ромската заедница особено, посакувајќи им среќен празник и информирајќи ги дека процесот на нивна интеграција во општеството продолжува со висок интензитет и нема да запре со тоа. Ова е знак дека без оглед на составот, програмите, различните идеологии, фокусот и интересот остануваат непроменети, па дури и волјата и ентузијазмот остануваат во целосен и постојан капацитет и се посветени на исполнување на препораките, критериумите и обврските што произлегуваат од ратификуваната универзална Декларација и Договор за нашата стратешка определба за полноправно членство во Европската Унија“, рече Груби.

Според него, целите за еднакви права и достоинствен живот се пред се желба да се изгради инклузивно општество и сo искрено верување дека ова е заедничкиот пат кон Европската Унија.

„Се разбира, министерството е институционален дом за целата заедница и ние се обидуваме да се посветиме за општо добро, и во овој случај, за доброто на граѓаните на ромската заедница. Но, во исто време, законите, правилата, принципите на недискриминација, вклученост и пристап зависи од човечкиот фактор, од изградената свест и чувството на одговорност. Неопходно е да се разберат ефектите на законските одредби, особено на теренот, каде целата грубост на недоволното вклучување го оневозможува граѓаните да уживаат во своите права, но и да ги исполнуваат своите обврски. Овие аспирации за еднакви права и достоинствен живот се пред се желба да се изгради инклузивно општество во Република Македонија и сo искрено верување дека ова е заеднички пат кон Европската Унија, како определба за култивирање на општество, без социјални, етнички, национални, верски и културни разлики“, рече Груби.

Меѓу другото, Груби исто така информираше за Владината програма и Стратегијата за ромската заедница што се подготвува и спроведува секоја година.

„Секоја година, Владата подготвува Програма за распределување на средства од Буџетот за поддршка на спроведувањето на Деценија и Стратегијата за Ромите за општински и инфраструктурни проекти. Нивното политичко учество во донесувањето одлуки во врска со унапредувањето на нивната позиција е од особено значење бидејќи со овие обврски се постигнува изедначување на степенот на вклученост. Подготвени сме да ја исполниме нашата улога како министерство одговорни за заедниците во повеќе области во кои можеме да помогнеме, и тоа го истакнав за време на последната средба со претставници на граѓанското општество од ромската заедница, каде што истакнав дека ќе бидеме отворена врата за идната соработка со сите заедници во земјата, вклучително и ромите “, рече првиот Вицепремиер и министер за Политички систем и односи меѓу заедниците, Артан Груби.

НБА

Леброн: Јокиќ е еден од најдобрите на сите времиња

Првата ѕвезда на Лос Анџелес лејкерс, Леброн Џејмс искажа комплименти за центарот на Деневер, Никола Јокиќ.

Лејкерси ќе се сретнат со Нагетс во 1. коло од плејофот, а дуелот Џејмс – Јокиќ предизвикува големо внимание кај светската кошаркарска јавност.

- Еден од најдобрите досега. Едноставно е таков. Јокиќ може се. Што е најважно, тој го менува начинот на кој неговите соиграчи размислуваат за сопствената игра. Кога некој може да ги инспирира другите да играат на ниво на кое не ни знаеле дека можат, тоа е доказ дека зборуваме за навистина одличен играч, рече Џејмс.

Првата средба во плејоф пресметките меѓу Лос Анџелес лејкерс и Денвер нагетс е закажана за утре. /МИА

Свет

Претставничкиот дом на САД треба да гласа за големиот пакет помош за Украина, Израел и Тајван

По неколкумесечно одложување, Претставничкиот дом на американскиот Конгрес денеска треба да гласа за големиот пакет помош за Украина, Израел и Тајван, вреден 95 милијарди долари, како и за евентуалната забрана на ТикТок во САД.

Предлог-законите се резултат на повеќемесечни тешки преговори меѓу демократите и републиканците, како и притисокот од сојузниците на САД и постојаните молби за помош од украинскиот претседател Володимир Зеленски.

Законите, сепак, сè уште имаат гласни противници во Конгресот, а надежите за усвојување зависат од кревката двопартиска коалиција која се обидува да ги надмине големите процедурални и законодавни пречки, пренесува Би-Би-Си.

Спикерот на Претставничкиот дом Мајк Џонсон изјави дека е решен да ги поднесе законите на гласање, и покрај фактот што радикалните републиканци може да побараат негово разрешување.

Предлогот предвидува 60,8 милијарди долари помош за Украина, 26,4 милијарди долари за Израел и 8,1 милијарди долари за индо-пацифичкиот регион, вклучувајќи го и Тајван.

Претставничкиот дом ќе гласа за секој предлог-закон поединечно, што значи дека некои може да поминат, а некои не.

Претседателот Џо Бајден и демократските пратеници во Конгресот со месеци се залагаат за нов голем пакет оружје за Украина, но републиканците под влијание на нивниот претседателски кандидат Доналд Трамп, ја условуваа помошта.

Со усвојување на законите, исто така, ќе му се овозможи на Бајден да конфискува и продава руски имот, а средствата да ги намени за помош на Украина, потег што беше прифатен и од другите земји од Г7.

Претставничкиот дом ќе ја разгледа и предложената законска одредба со која треба да се принуди ТикТок да се откаже од кинеската матична компанија ByteDance или ќе се соочи со забрана во САД, каде што има околу 170 милиони корисници.

Белата куќа соопшти дека „силно го поддржува“ вкупниот пакет помош и оти Бајден ќе ги потпише законите веднаш штом бидат усвоени од двата дома на Конгресот.

Тоа би можело да се случи за неколку дена, бидејќи лидерот на мнозинството во Сенатот, Чак Шумер, вети дека Сенатот со мнозинство од демократите брзо ќе преземе мерки штом бидат усвоени од Претставничкиот дом.

Сепак, политичките аналитичари во САД оценуваат дека усвојувањето на законите во Претставничкиот дом, би можело да го чини спикерот Мајк Џонсон губење на спикерското место. Неколку екстремно десничарски републикански пратеници предупредија дека може да го соборат Џонсон поради поддршката на нацрт-законите. /МИА

Македонија

Затруен од наркотици пронајден во бессознание во двор во Кавадарци

Кавадарчанец затруен од наркотици бил пронајден во бессознание во двор во Кавадарци, информираа денеска од СВР Велес.

- Вчера во 12.00 часот во ОВР Kавадарци, од Итна медицинска помош било пријавено дека во дворот на М.К.(42) од овој град, во бессознание бил пронајден кавадарчанецот Б.О.(40), кој бил затруен од наркотични средства. Подоцна, со судска наредба, полициски службеници извршиле претрес во домот на М.К., при што била пронајдена и одземена таблета екстази. М.К. бил лишен од слобода, појаснија од СВР Велес.

Оттаму додадоа дека по документирање на настанот, против него ќе биде поднесена соодветна пријава.