Грожан објави вознемирувачки фотографии од рацете по месец и пол од страшната несреќа

Поранешниот возач на Формула 1, Ромен Грожан објави нови фотографии од неговите раце по страшната несреќа на ГП на Бахреин на 29-ти ноември.

Да потсетиме, на трката во Бахреин тој се заби во оградата. Автомобилот на Хас веднаш се запали и прелета низ оградата, Грожан брзо, навидум без поголеми повреди, успеа да излезе од запалениот автомобил без една патика. По несреќата бил задржан во болница три дена поради изгореници, а заздравувањето продолжило во неговиот дом во Швајцарија. Од таа причина, тој не ја возеше последната трка во сезоната во Абу Даби.

Првите фотографии од рацете ги објави по несреќата пред три недели, а сега ги извадил завоите.

Неговиот тим Хас Ферари веќе одлучи дека нема да ги продолжи договорите со него и клупскиот колега Кевин Магнусен. На нивните места се донесени новодојденците Мик Шумахер и Никита Мазепин.

Русите го слават Богојавление со нурнување во ледена вода (ВИДЕО)

Православните христијани на далечниот исток на Русија го слават Богојавление со нурнување во ледена вода.

На денешниот празник, Русите три пати влегуваат во водата , мислејќи дека се чистат од гревовите. На 18ти јануари, денот пред Водици тие постат.

Капењето во осветените води се практикува од времето кога Исус Христос бил крстен во реката Јордан.

Денеска се затвори ковид-центарот на Kлиниката за уво, нос и грло

По вчерашното затворање на ковид – центарот на Oчната клиника, денеска се затвораи  ковид-центарот на Kлиниката за уво, нос и грло.

Четирите пациенти сместени во оваа клиника ќе се преместат во друга. Затворањето доаѓа откако се бележи намалување на бројот на хоспитализирани пациенти.

Според денешните извештаи, во ковид-центрите во Скопје се сместени 283 пациенти, а во болниците во цела држава се хоспитализирани 359 пациенти бројот на слободни кревети,пак, изнесува 621.

Независни експерти со критики кон Кина и СЗО за бавниот одговор на пандемијата

Независен одбор на експерти во денешниот извештај објавиле дека кинеските власти можеле да воведат поостри здравствени мерки во јануари ,а СЗО за прогласување глобална вонредна состојба дури на 30 јануари.

Експертите предводени од поранешната премиерка на Нов Зеланд,Хелен Кларк и поранешната претседателка на Либерија, Елен Џонсон Сирлиф, во прелиминарниот извештај изјавиле дека „глобалниот систем за предупредување за пандемија не е погоден “.

„Светската здравствена организација не беше во можност да ја заврши работата“, додава.

„Она што на Комитетот му е јасно е дека локалните и националните здравствени власти во Кина беа во можност да применат поостри мерки за јавното здравје во јануари“, се вели во извештајот, повикувајќи се на појава на новиот вирус во градот Вухан во провинцијата Хубеи.

Одборот додава дека кога се појавиле докази за пренесување од човек на човек, „во премногу земји, тој сигнал бил игнориран“.

Исто така, се наведува дека се поставува прашањето зошто Комитетот за вонредни состојби на СЗО не се состанал до третата недела од јануари и не прогласил меѓународна вонредна состојба до вториот состанок на 30 јануари 2020 година.

"Иако терминот пандемија не е употребен или дефиниран со Меѓународните здравствени регулативи (2005), неговата употреба служи за привлекување внимание на сериозноста на здравствениот настан. СЗО го употреби терминот дури на 11 март", се вели во извештајот.

Комитетот на експерти повика на „глобална реконструкција“ и рече дека препораките ќе бидат дадени во финалниот извештај до министрите за здравство во мај.

притисни ентер