Грковска: Сајбер безбедноста во администрацијата е клучна за заштита на граѓаните

„Сајбер безбедноста во администрацијата е клучна за заштита на граѓаните и за јакнење на довербата во институциите“.

„Паралелно со дигиталната трансформација на општеството, сајбер безбедноста треба да биде третирана како највисок приоритет. Во спротивно, изложеноста на ризици ќе го надмине бенефитот кој го добиваме со дигитализацијата, што е ситуација која мора да ја избегнеме по секоја цена, затоа што би имала несогледливи импликации за севкупниот развој”, истакна заменичката на претседателот на Владата на Република Македонија, Славица Грковска на меѓународната конференција „Сајбер интегритет во јавната администрација“.

Во своето воведно обраќање, вицепремиерката Грковска се осврна на можностите кои ги дава дигитализацијата за подобрување на пристапот до услуги за граѓаните, што е една од стратешките цели на Владата и е во основите на доброто владеење. Во таа насока, според неа, клучно е градењето отпорност на сајбер напади, заради заштита на податоците на граѓаните и за зголемување на нивната доверба во институциите.

Во однос на механизмите што ги создава Владата за подобрување на знаењата, вештините и информациите со кои се јакне сајбер интегритетот на администривниот

кадар, вицепремиерката Грковска се осврна на сетот мерки за зголемување на безбедноста на информациските системи кои минатиот месец беа донесени од страна на Владата. Во рамки на споменатите мерки, Владата ги задолжи сите институции да им наложат на сите вработени задолжително да се регистрираат и да завршат една од онлајн обуките на Националниот центар за справување со компјутерски инциденти.

Во однос на понатамошното јакнење на капацитетите на државата за справување со овој вид ризици, Грковска информираше дека од ноември минатата година Македонија стана членка на Глобалниот форум за сајбер експертиза (GFCE – Global Forum on Cyber Expertise) во кој членуваат и соработуваат владите на најразвиените земји во светот.

„Во рамките на GFCE Владата ќе работи на четири теми: политики и стратегии, менаџмент на инциденти и заштита на инфраструктурата од сајбер напади,

сајбер криминал, сајбер култура и градење на капацитети“- истакна таа, додавајќи дека покрај сето ова, клучно е да се постигне повисока свест за значењето на сајбер безбедноста и улогата која ја има секој од нас во нејзиното унапредување.

Конференцијата посветена на справувањето со заканите за сајбер безбедноста во јавната администрација е организирана од ИМПЕТУС – Центар за интернет, развој и добро управување, со поддршка на Министерството за надворешни работи, Комонвелт и развој при Обединетото Кралство и Женевскиот центар за управување со безбедносниот сектор, а во соработка со Државната комисија за спречување на корупцијата.

Шпанија шампион, македонската репрезентација деветта на ЕП во ракомет У-20

На Европското првенство во Словенија за ракометари до 20 години, трофејот го освои репрезентацијата на Шпанија која синоќа во финалето ја совлада Португалија со 35:31.

Претходно, во меч за бронзата, Данска ја победи Германија со 26:23.

На првенството учествуваше и македонската репрезентација која на крајот го освои 9.место. Избраниците на селекторот Раде Стојановиќ одиграа извонреден турнир, забележаа четири победи (Црна Гора, полска, Романија и Франција), два пати ремизираа (Хрватска и Австрија) и загубија само еднаш (Франција).

Македонските ракометари со пласманот на 9.место обезбедија учество на Светското првенство до 21 година кое ќе се одржи во Полска следната година.

Ребалансот на Буџетот во четврток на седница на собраниската Комисија за финансирање и буџет

Ребалансот беше усвоен на владина седница во вторникот, а во средата на прес-конференција во Владата го образложи министерката за финансии Гордана Димитриевска-Кочовска. 

Ребалансот на буџетот во четврток ќе се најде на дневен ред на собраниската Комисија за финансирање и буџет. Според информациите од веб страницата на Собранието, седницата на Комисијата е закажана во 11 часот. Ребалансот на буџетот се очекува да биде усвоен најдоцна до првата недела од август.

Ребалансот беше усвоен на владина седница во вторникот, а во средата на прес-конференција во Владата го образложи министерката за финансии Гордана Димитриевска-Кочовска.

Растот на БДП е ревидиран од првично планираниот 3,4 проценти на 2,1 проценти, а инфлацијата е проектирана на ниво од 3,5 проценти. Во втората половина на годината се очекува забавување на растот на инфлацијата, односно стабилизирање на цените на храната и енергенсите, како и поумерен притисок од базичната инфлација.

Вкупните приходи се планирани на ниво од 318 милијарди 150 милиони денари и бележат зголемување за 8 милијарди и 22 милиони денари, додека расходите се проектирани на ниво од 362 милијарди 816 милиони денари, односно на расходна страна има зголемување од 19 милијарди 178 милиони денари.

Според министерката за финансии, измените и дополнувањата на Буџетот се насочени кон ревидирање на иницијалните фискални проекции во согласност со макроекономските движења во првата половина од годината, реструктуирањето на буџетските расходи за сервисирање на најприоритетните обврски, како и оптимизирање на изворите на финансирање на буџетскиот дефицит.

- Затекнуваме состојба која значи држава во хаос и долгови. Буџет кој е список на желби, место креиран развој. Предимензионирани плаќања. Економијата е во клиничка смрт, рече Димитриеска-Кочоска на прес-конференцијата во средата.

Вели дека се обезбедени пари за исплата на плати, пензии и законски обврски. Како што посочи, обезбедени се 4,1 милијарда денари за плати од кои 1,1 милијарда денари за блок дотации кои не биле планирани во основниот буџет, пет милијарди денари за пензиите, 600 милиони денари за исплата по судски решенија, една милијарда денари за исплата на законската финансиска помош во зоните, што не била обезбедена, 322 милиони денари за Државна изборна комисија кои не беа испланирани за исплата на медиумите согласно Изборниот законик, 644 милиони денари за студентски оброк и за стипендии....

На седницата на Владата во вторникот биле прифатени и неколку заклучоци предложени од Министерството за финансии.

Меѓу нив се задолжуваат буџетските корисници при склучување на колективните договори да ги имаат предвид одобрените буџетски средства и да не преземаат обврски за кои немаат обезбедено средства во буџетот за тековната година и утврдените максимални износи на расходи на среден рок.

Јавните претпријатија и акционерските друштва во државна сопственост при склучување на колективните договори треба да побараат мислење од Министерството за финансии. При имплементација на Буџетот, буџетските корисници да не преземаат обврски над обезбедените средства со буџетот за соодветната фискална година.

Оние буџетски корисници кои остваруваат самофинансирачки активности и имаат неискористени средства во форма на салдо на сметки, тековното работење на институцијата наместо со буџетски средства да го финансираат со користење на средства од сопствените сметки.

Буџетските корисници исто така се задолжуваат континуирано да ги спроведуваат активностите за наплата на сопствените приходи и сите субјекти согласно ЕСПЕО да ги почитуваат обврските за навремено пријавување на доспеани, а не платени обврски согласно законските рокови.

На општините, јавните претпријатија и трговските друштва во државна сопственост им се препорачува да ги консолидираат финансиите, односно да преземат активности за наплата на сопствените приходи како и да ги намалат непродуктивните трошења.

Меѓу препораките усвоена на владината седница е и препораката работодавачите од јавниот сектор да преземат итни активности за спроведување на функционална анализа и за тоа да ја информираат Владата.

Девет пожари се уште се активни низ Македонија–најсериозно и натаму е на планината Серта

Продолжува борбата со пожарите во Македонија. На територијата на државата активни се уште девет пожари, а најсериозно и натаму е на планината Серта, каде беа насочени и два ер трактори.

Изминативе денови се гаснеше и со хеликоптери од земјите од регионот откако владата побара помош. Но, во моментов дејствуваат само македонски летала, односно двата ер-трактори на дирекцијата за заштита и спасување, два хеликоптери на МВР, како и два хеликоптери на армијата

притисни ентер