Грковска: Политичарите треба да водат со личниот пример во справувањето со корупцијата - Канал 5

Македонија

Грковска: Политичарите треба да водат со личниот пример во справувањето со корупцијата

Во коментар за последната најава за проширување на „црната листа“ на Стејт департментот на САД нови 19 лица од Западен Балкан меѓу кои и од Македонија, Грковска вели секоја помош е добредојдена, но главната работа е наша, домашна.  

Грковска: Политичарите треба да водат со личниот пример во справувањето со корупцијата

Кога толку е голема перцепцијата за корупцијата тоа не е на адреса само на политичарите туку генерално, меѓутоа политичарите треба да бидат први и да бидат пример како со професионалност и интергритет треба сите ние да си ги вршиме нашите обврски без разлика на која позиција сме. Тука не мислам само на политичари како членови на Владата, туку политичарите и во сите сегменти - и во законодавната и во локалната власт затоа што креирањето и имплементацијата на политиките се на различни нивои и треба свесноста и одговорноста на сите нивоа да биде подеднакво висока.

Ова го истакна вицепремиерката задолжена за политики за добро владеење Славица Грковска на новинарско прашање колку политичарите тргнуваат од себе во борбата против корупцијата, по учеството на сесијата на Националната конвенција за Европската Унија во Македонија на тема „Справување и борба со корупцијата и заштита на финансиските интереси на државата“.

-Во рамките на активностите на кабинетот во изминатата година и пол можам да бидам задоволна за краток временски период колку прашања сме отвориле и колку за дел од прашањата сме постигнале одреден успех. Ние имаме обврска и соработка со Државниот завод за ревизија и ги следиме наодите во извештаите што доаѓаат од ДЗР, ја следиме понатака имплементацијата дали има корекции или не. Врз основа на реакциите кои што се дојдени до Кабинетот и врз основа на извештаите од ДЗР вчера на седница не беше избран еден директор со што сметам дека Владата покажува дека има слух и реагира на наодите, од овие институции кои придонесуваат во намалување на незаконските постапувања од страна на институции и претставници на институции, вели Грковска.

Во коментар за последната најава за проширување на „црната листа“ на Стејт департментот на САД нови 19 лица од Западен Балкан меѓу кои и од Македонија, Грковска вели секоја помош е добредојдена, но главната работа е наша, домашна.

-Секоја помош во борбата против корупцијата е добредојдена, и помошта која ја добиваме од САД и другите партнери е од големо значење и има голема улога во успешноста на справувањето со борбата против корупцијата. Со нетрпение ја очекувам проширената листа. Имињата што досега беа објавени ги сметам само како вовед во понатамошниот процес, меѓутоа пак ќе кажам, главната домашна задача е наша, на нашите институции, на нашите лидери, на сите нас, на сите можни начини да покажеме дека можеме и имаме капацитет да изградиме едно општество и институции кои успешно можат да се справат со каков било проблем, вели вицепремиерката.

На прашањето колку е задоволна како институциите го истражуваат случајот со струшкиот градоначалник Рамиз Мерко кој минатиот месец се најде на објавената црна листа на американскиот Стејт департментот поради вмешаност во значајна корупција, Грковска вели дека без да се меша во работата на правосудството, смета дека динамиката на работа секогаш може да биде побрза затоа што граѓаните тоа го очекуваат.

-Кога станува збор за прашања кои тангираат политички фигури, поранешни или актуелни, бизнисмени и луѓе од тој естаблишмент ризикот за споро постапување или за непостапување, секогаш е голем имајќи предвид дека таквото однесување ја руши довербата кај граѓаните што резултира со малиот процент на доверба. Од друга страна е шанса на правосудните органи да покажат дека се непристрасни, дека брзо решаваат вакви случаи. Се разбира брзината на решавањето на случаите не смее да се одрази на релевантноста на одлуката која ќе ја донесат, вели Грковска.

Таа се согласува дека казните се еден од најдобрите механизми за справување со корупцијата, но вели, не е доволно само законски да се утврдат туку и да се испорачуваат.

-Ако продолжи оваа перцепција на неказнивост, тогаш пропишаните казни, ако не се ефектуираат ќе останат само можност. Станува збор за систем на врзани садови - систем на одлуки од различни институции, за да дојдеме до казните треба да имаме претходно некој кој ќе одлучи дека некој згрешил и дека треба да ја плати таа казна. Ние сме, за жал, многу далеку имајќи предвид колкав е процентот на доверба во правосудните органи за да дојдеме до тој случај, децидна е вицепремиерката Славица Грковска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Погоден е воен авион од 40 милиони долари- објавени се сателитски снимки од нападот (ВИДЕО)

Руски бомбардер Су-34 е значително оштетен во воздухопловната база Ахтубинск, тврдат аналитичарите на OSINT.

Погоден е воен авион од 40 милиони долари- објавени се сателитски снимки од нападот (ВИДЕО)

Руски бомбардер Су-34 е значително оштетен во воздухопловната база Ахтубинск, тврдат аналитичарите на OSINT, а пренесува украинскиот РБЦ.

Украинските вооружени сили извршија напади со долг дострел врз повеќе цели длабоко на руска територија во ноќта меѓу 19 и 20 август, објави украинскиот претседател Володимир Зеленски.

Зеленски рече дека е погодена рафинерија за нафта во Пермската област, оддалечена повеќе од 1.600 километри од украинската граница, како и руската воена воздухопловна база во Мариновка во Волгоградската област.

„Продолжуваме да ги враќаме последиците од војната таму од каде што дојдоа со нашите длабински напади. Синоќа, нашите длабински напади ја погодија рафинеријата за нафта во Перм, оддалечена повеќе од 1.600 километри од границата, како и воената воздухопловна база во Мариновка во Волгоградската област“, ​​рече Зеленски.

Според него, украинските сили постигнале резултати и во Црното Море, додека последиците од претходните напади се потврдени.

Тој посебно истакна дека рускиот повеќенаменски ловец-бомбардер Су-34 бил оштетен во воздухопловната база Ахтубинск, која се наоѓа на околу 600 километри од фронтовската линија.

Сателитски снимки од последиците од нападот беа објавени од аналитичарите на OSINT од проектот Exilenova+. Според нив, авионот претрпел значителна штета за време на нападот со беспилотни летала.

„Дошло до истекување на гориво, по што избувнал пожар. Самиот бомбардер бил значително оштетен“, велат аналитичарите.

Нападот врз Ахтубинск се случил ноќе, а по ударот, на аеродромот е регистрирана термичка трага. Објавените слики и анализа укажуваат дека еден од руските бомбардери на фронтовската линија, воениот авион Су-34, бил погоден и оштетен.

Су-34 е една од клучните руски платформи за спроведување воздушни напади. Овие авиони користат, меѓу другото, водени воздушни бомби опремени со универзални модули за планирање и корекција, како и други средства за воздушен напад.

Според проектот „Војна и санкции“, некои од компаниите вклучени во снабдувањето со компоненти за производство на Су-34 сè уште не се предмет на санкции од страна на земјите-членки на Коалицијата на волјата, што им овозможува потенцијален пристап до странски компоненти и технологии.

Украина изврши напади врз неколку руски воени и енергетски објекти преку ноќ, а според украинските власти, важни објекти во Донецк и Приморски-Ахтарск биле меѓу погодените локации.

Киев во последните месеци сè повеќе користи напади со долг дострел за да ја погоди руската воена инфраструктура, воздухопловните бази и енергетските објекти длабоко во заднината.

Тагови: воен авион напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Аларм на Алпите: Научник предупредува дека се случува нешто невидено

Глечерите на Алпите се топат со забрзано темпо и би можеле целосно да исчезнат за неколку децении, покажува најновото истражување на италијанската еколошка организација „Легамбиенте“.

Аларм на Алпите: Научник предупредува дека се случува нешто невидено

Од 2000 година, површината на глечерот е намалена за 39 отсто, што се вели дека придонело за глобалното затоплување.

Тотално исчезнување до 2050 година?

Секое лето, организацијата „Легамбиенте“ ги истражува најважните глечери на Алпите, а како што истакна Ванда Бонардо, патеките кои порано минувале преку мразот, сега делумно минуваат низ карпестиот терен.

Според неа, на други места водата тече над области кои не така одамна биле целосно замрзнати, а се појавиле и длабоки пукнатини што некои тури ги прави крајно опасни.

Исто така, се тврди дека е можно сите алпски глечери под 3.500 метри да исчезнат до 2050 година.

„Се распадна на парчиња“

Глечерот Форни во близина на Бормио во Ломбардија покажува колку брзо пејзажот може да се промени, а глациологот Клаудио Смираља, кој го набљудува 65 години, вели дека она што го доживеал летово било нешто што досега не го видел во целата негова кариера - глечерот се распаднал на неколку делови, пишува Кронен Цајтунг.

Неговата површина на многу места изгледа сиво и црно, а во исто време глечерот губи мраз.

Светската служба за следење на глечерите тврди дека од 2000 година годишно исчезнуваат во просек 273 милијарди тони мраз, а до 2025 година тој број веќе достигна 408 милијарди тони.

Исклучителна топлина во планините

Процесот би можел да биде особено брз на Алпите.

Екстремната топлина во планините игра значајна улога во ова - во лето нивото на замрзнување често беше помеѓу 4.000 и 5.000 метри, што значи дека дури и на височини каде што обично останува снег, сега може да биде премногу топло на долги периоди.

Се вели дека е „двојно проблематично“ за глечерите бидејќи снежната покривка обично делува како заштитен слој и го спречува сонцето директно да го загрее мразот, но, кога овој снег се топи, мразот останува незаштитен.

Тагови: Алпите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Две торнада по погодија Њујорк: Беше надреално! (ВИДЕО)

Две ретки торнада вчера ги погодија Њујорк Сити и Лонг Ајленд, додека силната бура зафати делови од средноатлантскиот регион на Соединетите Американски Држави и предизвика проблеми со сообраќајот на некои главни автопати.

Две торнада по погодија Њујорк: Беше надреално! (ВИДЕО)

„Две пијавици, или колони од воздух и влага што ротираат над вода, се појавија покрај јужниот брег на Квинс, Њујорк и округот Насау, Лонг Ајленд, пред да се преселат во внатрешноста и да станат торнада“, рече Џон Мареј, метеоролог од Националната метеоролошка служба.

Торнадо во Квинс се упати кон источниот Рокавејс, јужно од меѓународниот аеродром Џон Ф. Кенеди, соопшти метеоролошката служба.

Оштетени кабини и објекти во одморалиштето

Торнадо на Лонг Ајленд ги оштети кабините и објектите во одморалиштето Sun and Surf Beach Club во Атлантик Бич, округ Насау, предизвикувајќи негово привремено затворање, објави одморалиштето на социјалните медиуми.

„Торнадото оштети околу 50 кабини и однесе делови од покриви и ѕидови. Едно лице претрпе полесни повреди на главата“, рече Џосија Грин, шеф на противпожарната служба во Инвуд, град во округот Насау.

„Имаше извештаи за луѓе заглавени во возила поради поплави, но никој не е сериозно повреден“, објави на социјалните мрежи извршниот директор на округот Насау, Брус Блејкман.

YouTube video

„Гледањето како се движи кон брегот беше сосема надреално“

Алеја Сковил, 32, изјави дека добила предупредување за торнадо на својот мобилен телефон околу 18:45 часот. Неколку минути подоцна, погледнала низ прозорецот на нејзиниот стан во Квинс и видела голем ротирачки столб од воздух над океанот кој изгледал како да се движи кон Атлантик Бич.

„Кога вртлогот се урна, големи парчиња остатоци полетаа во воздух од она што изгледаше како клуб на плажа“, рече таа. Кратко потоа, торнадото ослабе и почна да се враќа кон океанот.

„Возилата за итни случаи и спасување брзо почнаа да пристигнуваат во областа каде што торнадото се урна, а екипите останаа таму неколку часа. Гледањето торнадо во живо беше нешто што никогаш не го очекував, а гледањето како се движи од водата кон брегот беше сосема надреално“, рече таа.

Торнада и во Делавер

Торнадата се „ретки“ во Њујорк Сити и Лонг Ајленд, иако нивната сила и времетраење обично се многу помали од торнадата во централниот дел на САД, рече Мареј. Атлантскиот океан ги ублажува температурите на воздухот и морето во областа, спречувајќи ја силната атмосферска нестабилност потребна за формирање на торнада, објасни тој.

Торнадо, исто така, погоди област во близина на Довер, Делавер, во неделата, соопшти Националната метеоролошка служба. Властите во Довер, главниот град на државата, прогласија вонредна состојба и ги повикаа жителите да останат дома. Бурата предизвика прекини во електричната енергија и собори дрвја, но немаше извештаи за сериозни повреди, соопшти полицијата во Довер.

Во Њујорк, властите накратко го затворија автопатот Бруклин-Квинс поради поплави. Автопатот Лонг Ајленд беше затворен во двата правци на булеварот Франсис Луис во Квинс, а беа пријавени застои во сообраќајот кон исток на автопатот Џеки Робинсон Парквеј.

Тагови: Њујорк торнада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер