Гренландскиот премиер остро реагира на заканите на Трамп дека ќе ја преземе контролата врз Гренланд - Канал 5

Европа

Гренландскиот премиер остро реагира на заканите на Трамп дека ќе ја преземе контролата врз Гренланд

„Доста е“, напиша гренландскиот премиер Јенс-Фредерик Нилсен на социјалните мрежи како одговор на повторените закани на американскиот претседател Доналд Трамп дека ќе ја преземе контролата врз островот.

Гренландскиот премиер остро реагира на заканите на Трамп дека ќе ја преземе контролата врз Гренланд

„Доста е со притисокот. Доста со инсинуациите. Доста со фантазиите за анексија. Отворени сме за дијалог и дискусија, но тоа мора да се направи преку соодветни канали и во согласност со меѓународното право“, напиша Нилсен на својата Фејсбук страница.

На прашањето од американското издание „Атлантик“ за последиците за Гренланд од операцијата на американските специјални сили во Венецуела, Доналд Трамп рече дека неговите сојузници треба сами да одлучат.

„Ни треба Гренланд од перспектива на националната безбедност, а Данска нема да може да се грижи за тоа“, им рече Трамп на новинарите во неговиот авион „Ер Форс Уан“.

„Ќе се справиме со Гренланд за околу два месеци, ајде да разговараме за Гренланд за 20 дена“, додаде американскиот претседател.

Минатиот месец, Трамп се пожали дека кинеските и руските бродови се „насекаде“ покрај брегот на Гренланд.

Вчера вечерта, данската премиерка Мете Фредериксен, исто така, ги осуди изјавите на Трамп за Гренланд: „Ги повикувам САД да престанат да се закануваат на историски близок сојузник и на друга земја и народ кои многу јасно ставија до знаење дека не се на продажба. Сосема е апсурдно да се каже дека САД треба да ја преземат контролата врз Гренланд.“

Повиците за солидарност со Данска не доцнеа денеска, откако Шведска, Норвешка, Финска и Франција ја изразија својата поддршка за суверенитетот на Данска и Гренланд. „Не може да има промена на границите со сила“, нагласи портпаролот на француското Министерство за надворешни работи, Паскал Конфравро.

Полуавтономниот и огромен арктички остров Гренланд, дом на 57.000 луѓе, има значајни минерални ресурси кои се во голема мера неоткриени, а неговата географска локација се смета за стратешка. САД имаат воена база на островот, а за време на Студената војна имало околу десетина.

Тагови: Гренланд Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Погоден танкер во Ормускиот теснец

Агенцијата за поморски трговски операции на Велика Британија соопшти дека во Ормускиот теснец, во близина на брегот на Оман е погоден танкер од „непознат проектил“.

Погоден танкер во Ормускиот теснец

Моторот на бродот е оштетен, но нема повредени луѓе и причинета еколошка штета.

Инцидентот се случи околу 20 километри североисточно од оманскиот град Лима.

Иран бара бродовите да ја користат рутата низ ормуска теснина долж неговиот брег, повторувајќи дека само рутата одредена од Техеран е безбедна за пловидба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Евроњуз: ЕК ја изгуби институционалната меморија и капацитет од последниот бран на проширување

Проширувањето на ЕУ се забрзува, но во надлежниот оддел на комисијата снемува капацитет за управување со преговорите со неколку земји-кандидатки одеднаш – тврди бриселскиот медиум Евроњуз повикувајќи се на свои извори.

Евроњуз: ЕК ја изгуби институционалната меморија и капацитет од последниот бран на проширување

Притисокот врз Европскиот генерален директорат за проширување и источно соседство се должи на забрзаното затворање на преговарачките поглавја од страна на четири земји кандидатки, што изискува значително прераспределување на ресурсите а според Евроњуз, проблеми со внатрешниот капацитет има и Советот на ЕУ.

„Генералниот директорат, како и многу други оддели на комисијата, во голема мера се потпира на привремени договори и малку постојани службеници. Ова значи дека има висока стапка на флуктуација на кадри и малку искуство во затворањето на преговорите, со оглед на тоа дека последната примена земја во блокот беше хрватска во 2013 година.„ – пишува Евроњуз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку деветмина загинати при руските напади врз Киев

Русија ноќеска повторно ја нападна украинската престолнина Киев со балистички ракети, при што загинаа и беа повредени повеќе луѓе. 

Најмалку деветмина загинати при руските напади врз Киев

Според државната служба за вонредни состојби на Украина, бројот на жртвите изнесува најмалку девет. Повредени се 23 лица.

Градоначалникот на Киев, Виталиј Кличко на телеграм објави дека градот утрово е нападнат со балистички ракети.

-Експлозии одекнуваат во градот. Киев е нападнат со балистички ракети. Скријте се во засолништата за бомби, наведе Кличко.

Градови беа цел на обемен руски напад. Според украинските власти, низ целата земја тогаш загинале најмалку десет лица, а десетици биле повредени.

Големи штети претрпе и градот Лавов на западот од земјата, во близина на полската граница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер