Грција во шок: Полицаец со години ги силувал децата и го принудувал синот на инцест- приведен е - Канал 5

Балкан

Грција во шок: Полицаец со години ги силувал децата и го принудувал синот на инцест- приведен е

Полицаец од Грција, кој е осомничен дека најмалку осум години физички и сексуално ја малтретирал сопругата полицајка и четирите нивни малолетни деца, во јавноста и на социјалните мрежи се претставувал како прекрасен татко и сопруг.

Грција во шок: Полицаец со години ги силувал децата и го принудувал синот на инцест- приведен е

Полицаец од Грција, кој е осомничен дека најмалку осум години физички и сексуално ја малтретирал сопругата полицајка и четирите нивни малолетни деца, во јавноста и на социјалните мрежи се претставувал како прекрасен татко и сопруг, кој дома се претворал во монструм.

Сопругата, која исто така е полицајка, кон крајот на ноември го пријавила за насилство, а потоа открила дека осомничениот почнал да ги силува неговите три ќерки кога имале само пет години, а го принудил и синот на инцест. Во шокантното сведочење полицајката изјавила дека сопругот ја терал да се изживува над децата и со ќотек да им ги прави најгрозоморните работи, објави Катимерини.

Семејството живеело низ терор со години, а никој не се сомневал во тоа. Медиумите јавуваат дека осомничениот речиси редовно објавувал фотографии од децата на социјалните мрежи, со трогателни зборови како „семејство“, „среќа“, „уживање“... Објавувал фотографии од возења со мотоцикл, заедно со сопругата. .. Се чинело дека сè функционираше идилично... И тогаш на крајот на ноември се дознало какво чудовиште е.

Дотичниот полицаец бил распореден како обезбедување во собраниската зграда од 2019 година. Колегите верувале дека е семеен човек, добар сопруг и татко, иако слушнале дека има одредени психички проблеми, кои извесно време го спречувале да носи оружје... Тоа никој не го знаел од 2016 година, па сѐ до неговото апсење минатата недела , го изложил семејството на секојдневна тортура, психичко, физичко и сексуално насилство, поради што, се претпоставува, неговиот тогашен десетгодишен син, пред четири години, се обидел да се самоубие скокајќи од 3 кат од зградата.

Медиумите, повикувајќи се на извори, пишуваат дека полицајката се обидела да го пријави сопругот за насилство уште во 2016 година. Ова се случувало во момент кога тој бил во болница и животот му бил во опасност. Наводно на пријател му се доверила дека сопругот ја тепал неа и децата. Но, кога нејзиниот сопруг се опоравил, таа му се јавила на истиот пријател и го рекла следново: „Ако дознае дека сум го пријавила, ќе биде уште полошо. Ќе го осудат, а кога ќе излезе ќе ме убие“.

Насилството се влошуваше со текот на годините. Осомничениот почнал да ги силува своите ќерки кога имале само пет години, а потоа го принудил синот да ги напаѓа неговите сестри. Потоа со брутално насилство би ја принудил сопругата да се изживува врз децата. Секогаш кога ќе помислела да го пријави, тој ѝ се заканувал: „Само пробај, ќе одиш и ти во затвор, ти си мој соучесник“.

На 18 ноември, несреќната жена конечно собрала храброст и им кажала на колегите дека нејзиниот сопруг ја претепал. Истиот ден полицаецот бил уапсен додека бил на должност во Парламентот. Веќе следниот ден тој бил суспендиран, а на 20 ноември му е одреден притвор.

Но, тогаш полицаецот ѝ рекол на мајка си дека ќе се самоубие, поради што итно бил пренесен од притвор во психијатриското одделение на воената болница. Кога повторно се нашол „под клуч“, неговата сопруга повторно отишла во полиција и го раскажала целиот ужас што се случил зад затворени врати - дури и најстрашните детали за силување на децата.

Според портпаролот на полицијата, децата на распитот ги потврдиле сите изјави на мајката. Засега не се знае дали против неа ќе биде покрената постапка, со оглед на тоа што и таа учествувала во најбруталното малтретирање деца, а поради тоа што осум години ја криела тортурата низ која поминувале децата.

Според медиумите, осомничениот за време на рочиштето негирал сѐ. Додека трае истрагата, му е одредена мерка притвор. Засега не се знае дали тој ќе биде задржан во болница или префрлен во притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Проговори Германецот, кој криел милион евра во минибус- уапсен е на границата меѓу Србија и Косово

Германски државјанин, осомничен за поврзаност со заплената на еден милион евра на преминот Мердаре во февруари, вчера се јавил во Специјалното обвинителство на Косово на сослушување. 

Проговори Германецот, кој криел милион евра во минибус- уапсен е на границата меѓу Србија и Косово

Косовската полиција соопшти дека мажот признал дека парите се негови, но не можел да го докаже потеклото на средствата. По сослушувањето, му е одреден притвор, пишува Коха.

Полициски извештај

„На 23 октомври 2026 година, осомничен маж, германски државјанин, дошол во ПСРК на сослушување поради случајот од 24 февруари 2026 година. Потоа, на граничниот премин Мердаре, во возило со албански регистарски таблички, во обработениот простор биле пронајдени и конфискувани 1.000.000 евра. За време на сослушувањето, осомничениот признал дека конфискуваните пари се негови, но не успеал да го докаже потеклото на парите, како и поврзаноста со осомничените лица кои го превезувале“, објави полицијата.

Апсење во февруари

Во февруари, тројца осомничени беа уапсени на истиот премин додека превезувале непријавени пари. Минибусот го управувал Е. А., а еден од патниците, А. К., бил полицаец од Тирана. Тој бил суспендиран веднаш по апсењето.

Детали за заплената

Еден милион евра биле скриени во специјално дизајниран простор на подот од минибусот. Парите биле распределени во 18 пакети, во апоени од 10, 20, 50, 100 и 200 евра. На секоја кеса во која биле завиткани парите имало напишан број.

Сомневањето кај цариниците било предизвикано од фактот дека минибусот патувал од Србија до Косово без ниту еден патник, што ги навело да извршат детален преглед на возилото.

Сите обвинети во овој случај се товарат за кривично дело перење пари.

Тагови: Косово минибус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Руски олимпиец загина во војната во Украина

Поранешниот руски велосипедист и двократен олимпиец Сергеј Кучеров беше убиен во војната во Украина на 46-годишна возраст. 

Руски олимпиец загина во војната во Украина

Веста за неговата смрт ја објави руската државна новинска агенција ТАСС, повикувајќи се на Велосипедскиот сојуз на Тулската област. Кучеров ја претставуваше Русија на Олимписките игри во Пекинг во 2008 година и во Лондон во 2012 година.

„Кучеров беше убиен додека учествуваше во специјална воена операција“, соопшти регионалната велосипедска федерација, користејќи го терминот што руските власти го нарекуваат инвазијата на Украина.

Руските медиуми објавија дека неговиот погреб е планиран за петок, 23 октомври, во неговата родна Тула, на гробиштата каде што се погребани паднатите припадници на руските сили. Не е објавено каде точно загинал Кучеров, во која воена единица служел, ниту под какви околности починал. Веста за неговата смрт ја објавија руските медиуми на 21 октомври, додека се наведува дека починал еден ден претходно.

Настапил два пати на Олимписки игри

Кучеров е роден на 18 јули 1980 година во Тула, а во текот на својата спортска кариера се специјализирал во велодромски велосипедизам, особено во индивидуални и тимски спринтови. На Олимписките игри во Пекинг во 2008 година, се натпреварувал во екипниот спринт со Денис Дмитриев и Сергеј Полински. Руската репрезентација го завршила натпреварувањето на 12-то место.

Четири години подоцна во Лондон, тој повторно ја претставувал Русија во истата дисциплина. Овој пат настапил со Дмитриев и Сергеј Борисов, а руската репрезентација го освоила седмото место.

Во текот на својата кариера, тој неколку пати ја освоил титулата руски шампион во поединечен и тимски спринт. Тој бил и победник на една етапа од Светското првенство во велодромски велосипедизам, а освоил и медали на натпреварите од Светското првенство во Германија, Кина и Москва.

Руската велосипедска федерација се збогувала со Кучеров, кој го опишал како сигурен колега, голем професионалец и човек посветен на велосипедизмот. Неговата смрт е уште еден случај на поранешен врвен спортист кој починал за време на руската инвазија на Украина, која започнала во февруари 2022 година.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кирков: Филипче и Горан Бетон Герасимовски, каде се паркинзите и зеленилото во Буњаковец?

Денес се наоѓаме во населбата Буњаковец, на улицата „29 Ноември“, денес позната како „Костурски херои“, каде што повторно се отвораат сериозни прашања за урбаното уредување и квалитетот на животот на граѓаните.

Кирков: Филипче и Горан Бетон Герасимовски, каде се паркинзите и зеленилото во Буњаковец?

Според информациите за овој објект, не е предвиден соодветен паркинг-простор, се сечат дрвја, а тротоарот е зафатен со градежни активности. Ова е особено загрижувачко во населба како Буњаковец, каде што паркирањето и движењето на пешаците и онака претставуваат сериозен проблем.

Господине Горан Герасимовски, како е можно да се планираат и реализираат вакви проекти без јасни одговори за паркирањето, зеленилото и безбедното движење на пешаците? Кој ги штити интересите на жителите на Буњаковец?

Господине Венко Филипче, заедно со вашиот градоначалник дојдете на терен и погледнете со какви проблеми се соочуваат граѓаните. Во кампањите се ветуваа хумано уредени населби, повеќе зеленило и подобри услови за живот, но граѓаните имаат право да прашаат дали тие ветувања се преточени во конкретни резултати.

Не е доволно само да се зборува за модерен и уреден Центар. Потребно е да се обезбедат услови во кои граѓаните ќе можат нормално да живеат, да паркираат, безбедно да се движат по тротоарите и да имаат пристап до зелени површини.

Затоа бараме Општина Центар јавно да ги разјасни условите под кои се одвива изградбата на оваа локација, дали се почитуваат одобрените планови и како ќе се заштитат пешачкиот простор и зеленилото.

Граѓаните на Буњаковец заслужуваат конкретни решенија, а не само предизборни ветувања. Центар треба да се развива во интерес на луѓето што живеат во него!, рече Стефан Кирков, член на Градски комитет на ВМРО-ДПМНЕ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер