Оградата „никнува“ долж границата на Грција и Турција.
Во однос на висината, пет метри, оваа ограда ќе ги надмине другите огради на такви места во Европа, како и на границата меѓу САД и Мексико. Исто така, ќе биде опкружена со бодликава жица.
„Подигнувањето на оградата во Еврос е најмалку што можевме да сториме за да ја обезбедиме границата и жителите на Еврос да се чувствуваат побезбедно“, изјавил грчкиот премиер Кирјакос Мицотакис на 17 октомври за време на посетата низ регионот.
Новите бариери ќе служат за спречување на нелегалното преминување на границите и спречување наплив на мигранти, а во тој проект се инвестирани 63 милиони евра.
Покрај изградбата на новата, ќе се подобри и мрежата на постоечките огради со челични арматури во висина од 4,3 метри, што е во ранг на бариера како што е онаа на границата меѓу САД и Мексико.
Грчката влада ангажирашла дополнителни 400 гранични полицајци за чување на регионот Еврос.
Да потсетиме, конфликтите на границата меѓу Турција и Грција кулминираа во текот на февруари.
Мигрантите се обиделе да влезат во Грција – земја членка на ЕУ, откако Анкара ја намалила контролата, односно одлучила да не ги запре бегалците од Сирија кои се обидуваат да стигнат до Европа по копно и море.
Грчките граничари користеле солзавец за да растераат околу 500 бегалци и мигранти.
Тогаш започнале разни шпекулации, а на социјалните мрежи кружеле информации со видеа, каде се наведува дека Турција обезбедува автобуси за мигрантите и ги испраќа на граничните премини со Грција и Бугарија.