Грчките земјоделци повторно го затворија граничниот премин Евзони, можни блокади и на Меџитлија - Канал 5

Балкан

Грчките земјоделци повторно го затворија граничниот премин Евзони, можни блокади и на Меџитлија

Блокадата започна кусо по 13 часот по локално време, кога на граничниот премин пристигнаа дополнителни 100 трактори од градот Јаница, за дополнително да се зајакне конкретниот блок.

Грчките земјоделци повторно го затворија граничниот премин Евзони, можни блокади и на Меџитлија

Земјоделците од северниот дел на Грција, односно од регионот на Пеонија, оние кои веќе четврти ден нивните трактори ги имаат паркирано на грчката страна од граничниот премин Евзони (Богородица), денеска повторно ја затворија границата за сообраќај од и кон нашата земја.

Блокадата започна кусо по 13 часот по локално време, кога на граничниот премин пристигнаа дополнителни 100 трактори од градот Јаница, за дополнително да се зајакне конкретниот блок.

Непознато е колку време ќе трае блокадата, со оглед на тоа што, како и во изминатите денови, беше ненајавена.

Во текот на вчерашниот ден граничниот премин Евзони за влез и излез од Грција беше затворен околу два часа во периодот меѓу 12 и 14 часот по локално време, а блокада имаше и во попладневните часови.

Пракса на земјоделците, како и во изминатите години за време на нивните протести, е да не ги најавуваат блокадите, со оглед на тоа што тракторите и земјоделските возила се паркирани на преминот и остануваат таму, а на секојдневни состаноци, надлежните земјоделски комисии одлучуваат кога и на колку време ќе блокираат.

Според информациите на МИА, оваа пракса веројатно ќе се следи и во следните денови, а земјоделците, барем засега, немаат намера да отстапат.

Земјоделците од северозападна Грција во близина на Лерин, со тракторите стигнаа до граничниот премин Ники (Меџитлија) кон нашата земја и кусо го блокираа сообраќајот.

Блокади има низ цела Грција но и на другите гранични премини, Промахонас кон Бугарија затвори околу 13 часот по локално време за сообраќај и за влез и за излез од Грција, а трактори се паркирани и на преминот Кипи кон Турција, каде што не се пропуштаат камиони.

Во внатрешноста на Грција, кај месноста Никеа во близина на Лариса има околу 1.800 трактори и затворен автопатот Солун-Атина, кај градот Кардица во блокот учествуваат над 2.000 трактори, а блокада има и на излез од Солун во правец кон Атина.

На повеќе локации каде што се блокадите, земјоделците поставија и новогодишни елки, што во Грција се толкува како порака дека нема да отстапат и доколку е потребно, празниците ќе ги поминат на улица.

Грчките земјоделци, протестите ги започнаа во неделата, најавија постепено интензивирање до 5 декември, а засега нема информации до кога ќе траат. /МИА.

Тагови: грција евзони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Авион падна врз куќа во Германија- има загинати (ВИДЕО)

Драматична авионска несреќа се случила денеска непосредно пред 11 часот наутро во Гандеркезе, Германија.

Авион падна врз куќа во Германија- има загинати (ВИДЕО)

Сино-бел авион се урна на покривот на семејна куќа. Според полицијата, едно лице го загубило животот. Сè уште не е јасно дали станува збор за пилотот.

Силен тресок утрово ја потресе мирната станбена улица во Гандеркезе (округ Олденбург) во Долна Саксонија, Германија. Малиот авион претходно изгубил висина и се урнал дијагонално низ ќерамидите на покривот. Кокпитот бил целосно уништен, крилата се скршиле, а делови од остатоците паднале на земја, објави Билд.

Спасувачките служби биле во голем број на местото на падот на авионот. Пожарникарите го пребарувале покривот од мобилна скала, додека полицијата го блокирала подрачјето. Постојат индикации дека во авионот имало друго лице, но тој сè уште не е пронајден. Спасувачите користеле дрон за да се обидат да го лоцираат.

Семејството што живее во куќата не било во објектот во времето на несреќата. Очигледно, авионот полетал од Бремен непосредно пред да се случи несреќата.

Тагови: авион Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Уапсена е стажистка на НАТО, осомничена е за шпионажа

Канадска државјанка со кинеско потекло, која била на стажирање во објект на НАТО во Белгија, е уапсена под обвинение за шпионажа, соопштија денеска белгиските обвинители.

Уапсена е стажистка на НАТО, осомничена е за шпионажа

„Таа е осомничена за шпионажа во име на трета земја и дека е членка на криминална организација“, соопшти обвинителството. Додаде дека засега нема да бидат објавени дополнителни детали за жената, вклучително и нејзиното име. Обвинителството соопшти дека осомничената била стажантка во воената команда на алијансата (SHAPE) во белгискиот град Монс.

Тагови: НАТО шпионажа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Халанд и бројни фудбалски ѕвезди на свадба на капитенот на Италија (ФОТО)

Капитенот на италијанската фудбалска репрезентација, Џанлуиџи „Џиџио“ Донарума, се венча со својата долгогодишна партнерка Алесија Елефанте.

Халанд и бројни фудбалски ѕвезди на свадба на капитенот на Италија (ФОТО)

Венчавката се одржа вчера попладне во живописниот италијански регион Пуља. Религиозната церемонија се одржа во црквата „Свети Ѓорѓи Маченик“ во Локоротондо, во срцето на долината Итрија, пишува италијанскиот „Квотидијано Спортиво“. По церемонијата, младенците се преселија со нивниот двегодишен син Лео и гостите во блиското Фасано, каде што се одржа свечена вечера во луксузната резиденција Петтолекија.

Целиот настан беше под строги безбедносни мерки и затворен за јавноста, а поради свадбата беше воведен и посебен план за регулирање на сообраќајот. Меѓу гостите беа Ерлинг Халанд, Николо Барела, претседателот на здружението Џовани Малаго и техничкиот директор Паоло Малдини. Поканети беа и многу од поранешните соиграчи на Донарума од Милан. Хрватскиот репрезентативец Матео Ковачиќ и неговата сопруга Изабел беа исто така на списокот на гости.

Љубовна приказна што трае една деценија

Љубовна приказна на Џиџи и Алесија започна во 2016 година во нивниот роден град Кастеламаре ди Стабија. Во тоа време, Донарума беше на почетокот на својата блескава кариера во Милан. Врвниот спортист и дизајнерот на ентериер се неразделни оттогаш, а круна на нивната љубов е нивниот син Лео, роден во септември 2024 година.

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер