Грчките земјоделци одбија средба со Мицотакис и решија да ги интензивираат протестите - Канал 5

Балкан

Грчките земјоделци одбија средба со Мицотакис и решија да ги интензивираат протестите

Да не се сретнат со грчкиот премиер в понеделник, да ги испратат писмено нивните барања до Владата, да не се повлечат од блокадите, но и да ги интензивираат протестите.

Грчките земјоделци одбија средба со Мицотакис и решија да ги интензивираат протестите

Да не се сретнат со грчкиот премиер в понеделник, да ги испратат писмено нивните барања до Владата, да не се повлечат од блокадите, но и да ги интензивираат протестите, одлучија земјоделците од Грција на денешниот состанок одржан во Лариса, јави дописничката на МИА од Атина.

На неколкучасовниот состанок со масовно учество на претставници на земјоделците од целата земја, била разгледана отворената покана за средба в понеделник попладне од грчкиот премиер, но и следните чекори, а засега, не само што нема да се повлечат, туку и дополнително ќе ги засилат активностите.

Говорејќи на вчерашниот состанок на пратеничката група на Нова демократија, Мицотакис освен што повтори дека Владата е отворена за дијалог, упати и покана до земјоделците за средба, велејќи дека в понеделник попладне, во 17 часот, во неговата канцеларија ќе ја чека делегацијата што ќе биде одредена, „за да разговараме, како што сме правеле многупати во минатото“.

Земјоделците денеска пак, донеле одлука да не одат на средбата и писмено да ги испратат нивните барања до премиерот и надлежните министри, а според државната новинска агенција АНА-МПА, на состанокот било истакнато дека без конкретни решенија и опипливи одговори на нивните барања, дијалогот не може да има суштинска содржина.

Паралелно ќе продолжат со протестите и блокадите низ цела Грција и дополнително ќе ги засилат, што веројатно значи дека и на граничните премини кон Македонија, Бугарија и Турција, нема да има нормализирање на сообраќајот, со оглед на тоа што во изминатите две седмици имаше блокади.

Главниот блок на земјоделците е во централна Грција, кај Никеа, во близина на Лариса, на автопатот Солун – Атина, што е затворен и сообраќајот се одвива по споредни патишта.

Протестите на земјоделците започнаа на 30 ноември, поради зголемените трошоци за производство и ниските цени за продажба на нивните производи, поради скандалот со европските земјоделски субвенции, а главното барање е исплатата на заостанатите субвенции.

Блокади се поставени на низа автопати и локални патишта низ цела Грција, со што отежнат е сообраќајот и се одвива по споредни улици, а од 1 декември над 300 трактори се паркирани на граничниот премин Евзони и по неколку часа во текот на денот се блокира сообраќајот за сите возила.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русија и Украина разменија по 160 воени заробеници

Русија и Украина повторно разменија воени заробеници, а по 160 војници беа вратени на секоја страна, потврдија официјални лица од двете земји, пишува Анадолу.

Русија и Украина разменија по 160 воени заробеници

Руското Министерство за одбрана прво ја објави веста, потврдувајќи дека Обединетите Арапски Емирати дејствувале како посредник. Тие исто така изјавија дека ослободените војници се во Белорусија. „Вратените руски војници моментално се во Белорусија, каде што со нив работи комесарката за човекови права Јана Лантратова“, се вели во соопштението.

Недолго потоа, се огласи и украинскиот претседател Володимир Зеленски. Во објава на социјалната мрежа X го потврди враќањето на украинските заробеници. „Продолжуваме да ги враќаме нашите луѓе од руско заробеништво. Денес, 160 наши војници беа ослободени. Сите беа заробени од 2022 година“, напиша Зеленски.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

ОН: Фентанилот во голема мера го замени хероинот

Глобалната нелегална трговија со дрога е во подем, а производството на кокаин и заплените на метамфетамин се на рекордни нивоа, покажа извештајот на Обединетите нации објавен денеска.

ОН: Фентанилот во голема мера го замени хероинот

Глобалната нелегална трговија со дрога е во подем, а производството на кокаин и заплените на метамфетамин се на рекордни нивоа, покажа извештајот на Обединетите нации објавен денес, во кој се предупредува за пораст на нови дроги за да се пополни празнината што ја остави падот на залихите на хероин.

Производството на кокаин се зголеми на приближно 4.100 метрички тони чист производ во 2024 година, последната година во историјата, што е четирикратно зголемување за една деценија. Заплените на метамфетамин сугерираат дека производството расте за 13 проценти годишно, соопшти Канцеларијата на Обединетите нации за дрога и криминал (УНОДЦ) во својот годишен извештај за дрога во светот.

„Сведоци сме на невидено зголемување на нови видови дроги на пазарот и, загрижувачки, некои се посилни или поопасни од порано“, изјави извршната директорка на УНОДЦ, Моника Џума. Производството на опиум во Авганистан, долго време доминантен снабдувач, нагло падна во 2023 година откако Талибанците ја презедоа власта и ја забранија, и оттогаш не се опорави.

„Фентанилот во голема мера го замени хероинот“

Ова доведе до пад на залихите и употребата на хероин, кој се добива од него. Сепак, во 2024 година, имаше нагло зголемување на пријавите за нови синтетички опиоиди, како што се фентанил или уште посилниот нитазен, што би можело да пополни дел од празнината што ја остави падот на снабдувањето со хероин, особено во Европа, соопшти UNODC.

„Случаите на нови психоактивни супстанции од синтетички опиоиди пријавени во системите за рано предупредување се зголемија во 2023 и 2024 година во повеќето региони, но најзначајно во Европа, Океанија и Африка“, соопшти UNODC.

„Северна Америка, каде што фентанилот во голема мера го замени хероинот, пријави зголемување од околу 10 проценти на бројот на нови психоактивни супстанции од синтетички опиоиди идентификувани во 2024 година во споредба со претходната година, додека овој број се зголеми за повеќе од 80 проценти во Европа и за 150 проценти во Океанија“, се вели во извештајот.

Употребата на крек кокаин е во пораст

Во извештајот се вели дека понудата и побарувачката за кокаин, која е потешко да се процени, продолжија силно да растат. Исто така, се вели дека начинот на кој се консумира кокаинот се променил, со зголемување на чистотата, а опаѓање на цените.

„Квалитативното истражување спроведено во 2024 година укажува на ширење на употребата на кокаин во социјалните средини надвор од ноќниот живот и негово вклучување во секојдневните рутини, заедно со зголемување на употребата на крек кокаин кај социоекономски загрозените групи и премин од хероин кон употреба на крек кокаин“, се вели во извештајот.

Податоците за оние кои се вклучуваат во третман за зависност од дрога силно укажуваат на зголемување на употребата на крек кокаин во Западна и Централна Европа од 2015 година, се додава во извештајот.

Тагови: хероин фентанил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Џејмс Марсден и неговата 24 години помлада манекенка блеснаа на Неделата на модата во Париз (ФОТО)

Џејмс Марсден и неговата девојка Фредерик Бронс ја искористија Неделата на модата во Париз за да излезат заедно.

Џејмс Марсден и неговата 24 години помлада манекенка блеснаа на Неделата на модата во Париз (ФОТО)

Актерот и холандската манекенка беа фотографирани во средата, 24 јуни, држејќи се за раце и позирајќи со насмевки на модната ревија на Dior Homme, каде што беше претставена колекцијата пролет 2027.

Модно усогласени во Париз

За оваа елегантна пригода, 52-годишниот актер и 28-годишната манекенка избраа соодветни комбинации. Марсден носеше зелена карирана кошула, која ја комбинираше со панталони и мокасини во земјени нијанси и очила за сонце.

Бронс, од друга страна, носеше елегантен бел фустан со асиметричен крој со набори и вратоврска на половината, а комбинацијата ја надополни со мала чанта Dior и розови чевли со висока потпетица.

Додека позираа за фотографите, Марсден и Бронс разменија суптилни допири, а насмеаниот пар беше фотографиран и држејќи се за раце пред местото на одржување на ревијата. Двајцата објавија фотографии од настанот на своите профили на Инстаграм, покажувајќи ги своите модни избори, како и детали од новата колекција на Dior.

Врска далеку од очите на јавноста

Ѕвездата на *Jury Duty* и моделот првпат беа поврзани во октомври 2023 година, кога беа фотографирани како се бакнуваат додека се во Њујорк, но оттогаш тие најчесто ја кријат својата врска подалеку од очите на јавноста. Сепак, во последно време тие се појавија заедно на неколку важни настани.

Минатиот септември, тие присуствуваа на доделувањето на наградите Еми за прв пат како пар, а овој март се појавија заедно на премиерата на втората сезона од серијата *Your Friends & Neighbors*.

Мардсен има три деца со својата поранешна сопруга

Иако ретко зборува за својот приватен живот, Марсден претходно откри за *Cosmopolitan* колку го цени поминувањето време со најблиските.

„Станувам потрадиционален и старомоден со возраста“, рече тој во 2015 година. „Преферирам да разговарам лице в лице отколку да пишувам пораки. Мора да се потрудите да поминете квалитетно време заедно, мора да имате вечерно излегување. Без разлика дали имате деца, кариера или нешто друго, за да функционира врската, клучно е да посветите време еден на друг.“ Марсден е татко на три деца. Тој има 25-годишен син Џек и 20-годишна ќерка Мери со неговата поранешна сопруга Лиса Линде, како и 13-годишен син Вилијам со неговата поранешна девојка Роуз Коста.

Тагови: манекенка Недела на модата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер