Регион

Грчките земјоделци денеска на средба со Мицотакис

Грчките земјоделци веќе три седмици протестираат со поставени над 55 блокади низ целата земја, повремено блокираат патишта, автопати и гранични премини.

Претставници на земјоделците, вкупно 15 лица од цела Грција, напладне ќе бидат примени од грчкиот премиер Кирјакос Мицотакис, средба од која ќе зависи дали ќе продолжат со блокадите со зголемен интензитет или ќе се постигне решение, јави дописничката на МИА од Атина.

Грчките земјоделци веќе три седмици протестираат со поставени над 55 блокади низ целата земја, повремено блокираат патишта, автопати и гранични премини, како што е случај со преминот Ники кон Македонија, а по одржаниот состанок минатиот вторник побараа средба со Мицотакис и ги соопштија нивните барања за намалување на трошоците за производство.

Бараат земјоделската нафта да биде ослободена од данок, намалување на цената на струјата на седум центи за киловатчас, субвенција за добиточна храна, 100 отсто надомест и оштета за загубениот приход од производите.

Велат дека нема да отстапат од барањата и најавуваат ескалација на активностите во случај да не се постигне договор.

Вчера земјоделците од северозападна Грција три часа го затворија граничниот премин Ники (Меџитлија) кон Северна Македонија, но само за товарни возила, кои во најголемиот дел се камиони што пренесуваат лигнит, додека пак сообраќајот на автомобили од и кон нашата земја се одвиваше регуларно.

Од друга страна, земјоделците од северниот дел на земјата преку Поликастро се упатија кон граничниот премин Евзони (Богородица), на неколку пати попатно наидоа на полициски блокови, кои успеаја да ги избегнат преку локални и споредни патишта, а иако најавија неколкучасовна блокада за товарни возила, сепак, решија да го чекаат исходот од денешната средба и границата остана отворена.

Портпаролот на грчката Влада Павлос Маринакис на вчерашниот брифинг со новинарите изрази оптимизам за денешната средба, објаснувајќи дека овој оптимизам произлегува од како што рече, тоа што, земјоделците сфаќаат дека и покрај тешкотиите со кои се соочуваат пред нив имаат Влада која презеде инцијативи за поддршка и не остана само на зборови.

Паралелно го повтори ставот на грчкиот премиер дека „дијалогот не може да се одвива со затворени патишта“ и мора да постои слободен проток на граѓаните, а процената на Маринакис е дека нема да стигнат до степен земјоделците дополнително да ги засилат блокадите.

Свет

Хаос во Стразбур: Експлозија во воз, со кој патувале европските парламентарци

Денеска се слушнала експлозија во возот кој ги превезувал евро пратениците во Брисел и патниците биле принудени да се евакуираат.

Според извештаите, се слушнала експлозија во возот кој превезувал пратеници од Европскиот парламент во Брисел.

Од локомотивата на возот на станицата во Стразбур попладнево било пријавено дека доаѓал чад.

Противпожарните екипи се на терен.

Властите побарале од сите да останат смирени и да не паничат, пишува РТБФ.

„Имаше технички инцидент во вагонот на возот на станицата во Стразбур“, потврди прес-службата на ЕП.

Здравје

Црни прогнози:40 милиони луѓе ќе загинат до средината на векот поради инфекции, за кои нема лек

Патогени отпорни на лекови може да предизвикаат повеќе од 39 милиони смртни случаи во следните 25 години!

Ова го покажаа новите проценки објавени во вторникот во The Lancet, кој е еден од најстарите медицински списанија. Студијата, исто така, предвидува дека 169 милиони смртни случаи ќе бидат поврзани со инфекции отпорни на лекови до средината на векот, пренесе Политико.

Истражувачите ги базираат своите прогнози на анализа на неодамнешните смртни случаи и влијанието на мерките за контрола на смртните случаи од отпорност на антибиотици (АМР) со текот на времето. Тие откриле дека повеќе од милион луѓе годишно умираат од инфекции отпорни на лекови помеѓу 1990 и 2021 година. За тоа време, смртните случаи кај децата под 5-годишна возраст од АМР се намалиле за 50 проценти, додека смртните случаи кај луѓето на 70 и постари се зголемиле за повеќе од 80 проценти.

Се очекува трендовите да продолжат, при што се предвидува дека смртните случаи од АМР кај децата под 5 години ќе се преполоват до 2050 година, додека смртните случаи кај луѓето над 70 години ќе се удвојат.

Студијата, спроведена од проектот Глобално истражување за антимикробна отпорност (ГРАМ), предвидува дека смртните случаи од АМР постојано ќе се зголемуваат во наредните децении, доколку не се преземат мерки за помош.

Авторите проценуваат дека 1,91 милиони луѓе би можеле да умрат како директен резултат на АМР до 2050 година - зголемување од скоро 70 проценти во споредба со 1,14 милиони смртни случаи во 2021 година. Исто така, се предвидува дека АМР ќе придонесе за смртта на 8,22 милиони луѓе годишно - што претставува зголемување од речиси 75 проценти на 4,71 милиони поврзани смртни случаи во 2021 година.

Според студијата ГРАМ од 2022 година, АМР била директно одговорна за 1,27 милиони смртни случаи во 2019 година и придонела за уште 4,95 милиони смртни случаи. Авторите забележале дека падот на смртните случаи поврзани со АМР во 2021 година во споредба со 2019 година најверојатно се должи на мерките воведени за време на пандемијата „Ковид-19“, додавајќи дека тие веруваат дека ова било привремено.

- Наодите нагласуваат дека АМР е значајна глобална здравствена закана со децении и дека оваа закана расте. „Да се ​​разбере како трендовите на смртните случаи од АМР се менуваат со текот на времето и како тие веројатно ќе се променат во иднина е од витално значење за донесување информирани одлуки кои ќе помогнат да се спасат животи“, рече авторот на студијата Мохсен Нагави од Универзитетот во Вашингтон.

Глобалните лидери ќе се соберат на состанокот на високо ниво на Генералното собрание на Обединетите нации следната недела за да ја потпишат долгоочекуваната политичка декларација која ќе ги обедини глобалните планови за борба против АМР.

Македонија

Средба Божиновска-Пјат на маргините на конференцијата за чиста и безбедна енергија во Истанбул

На маргините на Конференцијата за чиста и безбедна енергија, министерката за енергетика, рударство и минерални суровини Сања Божиновска, оствари средба со Џефри Пјат, помошник државен секретар за енергетски ресурси во Стејт Департментот.

На маргините на Конференцијата за чиста и безбедна енергија, организирана од америкаснкиот Атлантски совет, денес, во Истанбул, министерката за енергетика, рударство и минерални суровини на Македонија, Сања Божиновска, оствари средба со Џефри Пјат, помошник државен секретар за енергетски ресурси во Стејт Департментот.

На средбата, министерката Божиновска и помошник државниот секретар Пјат разговараа за гасните интерконектори со Грција и Србија како клучни стратешки проекти за обезбедување стабилна енергетска иднина за нашата држава и регионот.

Овие проекти се од суштинско значење за диверзификација на изворите на енергија и зголемување на енергетската независност на земјата.

"Гасните конектори со соседите се од огромно значење за нашата енергетска стратегија. Тие не само што ќе ја зголемат нашата сигурност во снабдувањето, туку и ќе ја подобрат нашата конкурентност на пазарот", истакна министерката Божиновска.

Исто така, на средбата беше дискутирано и за стратешката соработка со САД во областа на енергетиката, при што министерката ја акцентираше важноста на американската поддршка во развојот на проекти за обновливи извори на енергија и технологија за енергетска ефикасност, но и важноста од споделување искуства со САД во делот на борбата со корупцијата во доментот на енергетиката.

"Нашата соработка со САД е од клучно значење за имплементацијата на иновациите во енергетскиот сектор. Заедно можеме да создадеме одржливи решенија кои ќе придонесат за развојот на регионот", додаде таа.

На крајот, министерката Божиновска и помошник државниот секретар Пјат разговараа за идната соработка и регионалните иницијативи, нагласувајќи ја потребата за продолжување на дијалогот и партнерството меѓу државите во областа на енергетиката, соопштуваат од Министерството.

притисни ентер