Балкан

Грчките сеизмолози воздржани, но и изненадени од континуираните земјотреси кај Санторини

Сеизмичката активност започна на 26 јануари, а една седмица подоцна се интензивираше што доведе илјадници посетители, но и привремени жители на Санторини да го напуштат островот.

Ваква појава немаме видено досега, ништо не е нормално, вели директорот за истражувања од Геодинамичкиот институт Атанасиос Ганас за грчката државна телевизија ЕРТ, додека пак претседателот на Организацијата за антисеизмичко планирање и заштита Ефтимиос Лекас за порталот „Ајефимерида“ коментира дека „се движат низ непознати води“, во однос на континуираните земјотреси во морскиот дел меѓу островите Санторини и Аморгос, јави дописничката на МИА од Атина.

Сеизмичката активност започна на 26 јануари, а една седмица подоцна се интензивираше што доведе илјадници посетители, но и привремени жители на Санторини да го напуштат островот.

Од почетокот на месецов земјотресите се секојдневие на Санторини, а доста често во помали временски периоди има по неколку силни земјотреси, а досега беа регистрирани вкупно три земјотреси од 5 или над 5 степени.

Најсилниот беше синоќа со јачина од 5,3 степени, во неделата вечерта имаше еден од 5, а минатата среда од 5,2 степени.

Грчките сеизмолози генерално изразуваат изненадување, зачуденост, но и загриженост, со оглед на тоа што не можат со сигурност да кажат дали синоќешниот беше главниот земјотрес, но и поради тоа што сеизмичката активност е сѐ уште интензивна, а паралелно ја објаснуваат како „сеизмички рој“, односно земјотреси што се случуваат за многу краток временски период во одредено подрачје.

- Во оваа серија ништо не може да се смета за нормално. Многу нè загрижува затоа што никогаш порано не сме ја виделе оваа појава. Ова што се случува е динамична појава што ќе има варирања. Односно, може еден ден да биде релативно мирен и потоа да следи силен земјотрес, проследен со дополнителни земјотреси. Појавата еволуира, станува збор за серија што, според мене, се должи на движење на вулкански течности во средната кора на длабочина од 10 до 12 километри и тоа треба да дополнително да се развие додека не се смири, истакна за ЕРТ директорот за истражувања од Геодинамичкиот институт Атанасиос Ганас.

Во однос на епицентарот на земјотресите, објасни дека во изминатите два дена се префрлени на север, односно во близина на островот Аморгос и посочи дека „постои нестабилност во серијата, каква што досега немаме видено“ и затоа се резервирани во однос на тоа кога ќе заврши.

Претседателот на Организацијата за антисеизмичко планирање и заштита Ефтимиос Лекас за „Ајефимерида“ коментира дека станува збор за „феномен без преседан во светот, серија земјотреси каква што досега не сме виделе“.

- Генерално, одиме во непознати води. Имаме формулирано мислења кои се многу веројатни, како што е она за сеизмички рој, но сите можности се отворени и ништо не можеме категорично да исклучиме. Одиме ден за ден, час по час, објасни професорот Лекас и додаде дека многу од параметрите на природниот феномен сè уште остануваат непознати.

Според податоците од Интердисциплинарен комитет за управување со опасности и кризи при Атинскиот Универзитет од почетокот на серијата земјотреси во морскиот дел меѓу Санторини и Аморгос, односно од 26 јануари заклучно со 8 февруари, биле регистрирани над 12.800 земјотреси.

За попладнево е закажан нов состанок на Комисијата за процена на сеизмичката опасност и на Комисијата за следење на вулкански активности при Министерството за климатски кризи и цивилна заштита на Грција за да се оцени ситуацијата./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

МЗТ Скопје Аеродром во Европа

Македонскиот кошаркарски шампион МЗТ Скопје Аеродром по пауза од повеќе од 25 години се враќа на европската сцена, каде што во вторник (6 октомври) со почеток во 19:00 часот, во спортскиот центар „Јане Сандански“ ќе го пречека тимот на Ираклис.

Македонскиот кошаркарски шампион МЗТ Скопје Аеродром по пауза од повеќе од 25 години се враќа на европската сцена, каде што во вторник (6 октомври) со почеток во 19:00 часот, во спортскиот центар „Јане Сандански“ ќе го пречека тимот на Ираклис од Грција.

Пресметката на теренот ќе биде кулминација на една вечер за паметење, која ќе започне неколку часа претходно пред спортскиот центар „Јане Сандански“.

Почнувајќи од 17:00 часот, посетителите ќе може да уживаат во одлична музика со DJ Alen, вкусна храна, ладно пиво и други пијалоци, додека за најмладите навивачи е обезбедено цртање на лица во боите на клубот.

Исклучително возбудлив дел од пред-натпреварувачката програма ќе биде ADMIRAL FREE SHOOT CHALLENGE-натпревар во слободни фрлања со богат награден фонд (iPhone 17, спортска опрема и друго). Ова е одлична можност за присутните да ја покажат својата прецизност и да освојат примамливи награди.

Билетите за овој спектакл се веќе пуштени во продажба по цена од 200 денари и истите може да се набават преку продажната мрежа на mktickets.mk.

Веруваме дека настанот пред спортскиот центар дополнително ќе ги обедини навивачите, нивните семејства и сите останати љубители на кошарката низ една богата и интересна двочасовна програма. Потоа, дружењето го продолжуваме на трибините, со силна поддршка за МЗТ Скопје во овој голем европски предизвик!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Вејн Руни по двете трансплантации ја осигурал својата коса

Европскиот фудбалски великан Вејн Руни одлучил да ја осигура својата коса.

Легендата на англискиот фудбал и на „Манчестер Јунајтед“ – кој сега има 40 години – пред повеќе од една деценија се подложи на две постапки за трансплантација на коса за да го реши проблемот со опаѓањето на косата.

Тој сега е толку задоволен од својот изглед што одлучи дополнително да ги заштити резултатите од тие зафати. Руни, кој моментално работи како фудбалски аналитичар и ко-коментатор во емисијата *Match of the Day*, откри дека поседува полиса за осигурување на својата коса.

Тој го обелодени ова во најновата епизода од документарната серија за неговото семејство, *The Real Rooneys*, која се прикажува на платформата Disney+.

Пред да замине на скијање, тој потврди дека ја осигурал својата коса, додавајќи дека тоа е единствениот дел од неговото тело што некогаш го осигурал.

Во последните месеци, Руни значително го промени својот изглед, а особено внимание привлече неговата фризура. Поранешниот напаѓач исто така имаше операција на носот, откако двапати го скрши за време на својата играчка кариера.

Покрај тоа, тој изгуби значителна тежина откако престана да консумира алкохол, почна да се храни поздраво и редовно вежбаше во теретана.

Руни својата трансформација ја припишува на новите животни навики и ги отфрла шпекулациите дека користел инјекции за слабеење. За оваа тема тој зборуваше во емисија во која учествуваа и неговата сопруга Колин (40) и нивните четири сина – Каи (16), Клај (13), Кит (10) и Кас (8).

„Се чувствувам одлично. Веќе некое време не пијам алкохол. Едноставно сакав да се чувствувам поздраво и да бидам поздрав“, рече Руни. „Исхраната ми е многу подобра и тренирам. Сите зборуваат дека користам инјекции за слабеење, но тоа не е точно – сакам да го разјаснам тоа. Навистина се трудам да изгледам подобро и да бидам поздрав.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп ќе побара од европските земји да ослободат дел од своите резерви на дизел

Доналд Трамп изјави дека можеби ќе побара од европските земји да ги ослободат дел од своите резерви на дизел, додека размислува за забрана на извозот на ова гориво од САД пренесува Би-Би-Си.

Коментарот на американскиот претседател уследи откако министерот за финансии Скот Бесент ја повика Европа да се подготви за итно ослободување на залихите на дизел, тврдејќи дека американските земјоделци, возачи на камиони и бизниси „Не треба да го носат товарот“ додека цените вртоглаво растат.

САД се заканија дека ќе го ограничат извозот на дизел откако војната во Иран предизвика нагло зголемување на цените за американските гласачи пред ноемвриските избори.

Вчера Обединетото Кралство одржа разговори со европските партнери за можното ослободување на резервите на дизел како одговор на евентуалната забрана.

Забраната за извоз би го преплавила американскиот пазар со дизел и би можела значително да ги намали цените за американските возачи.

Сепак, експертите предупредуваат дека таквата забрана би извршила дополнителен притисок врз цените на дизелот во другите земји, освен ако тие не можат да обезбедат дополнителни залихи. Цените на бензинот и дизелот на глобално ниво вртоглаво пораснаа по избувнувањето на конфликтот меѓу САД и Иран во февруари. Затворањето на виталниот Ормутски теснец преку кој вообичаено се транспортира околу една петтина од светската нафта и гас, доведе до поскапување на производите добиени од нафта.Забраната за извоз од Русија, која исто така е голем снабдувач на дизел, дополнително придонесе за притисокот врз цените.

Тагови: Дизел Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.