Грчките опозициски партии се очекува да достават барање за гласање недоверба на Владата - Канал 5

Балкан

Грчките опозициски партии се очекува да достават барање за гласање недоверба на Владата

Грчките опозициски партии се очекува да достават барање за гласање недоверба на Владата поради железничката несреќа.

Грчките опозициски партии се очекува да достават барање за гласање недоверба на Владата

На иницијатива на ПАСОК и со поддршка на уште три опозициски партии, во текот на денешниот ден се очекува до Парламентот да биде доставен предлог за гласање недоверба на грчката Влада, поради железничката несреќа кај Темпи пред две години, додека пак за вечерва закажани се нови протест во повеќе градови низ Грција, јави дописничката на МИА од Атина.

Откако Националната управа за истрага на авионски и железнички несреќи и безбедност на транспортот во четвртокот го објави експертскиот извештај за несреќата, лидерот на ПАСОК Никос Андруалкис најави дека ќе достави барање за гласање недоверба на грчката Влада и ги повика „сите демократски опозициски партии да ја поддржат иницијативата“.

Со оглед на тоа што за доставување предлог за гласање недоверба на Владата потребни се потписи од една шестина од вкупниот број пратеници во Парламентот, односно најмалку 50 потписи, а ПАСОК има 32 пратенички места, во изминатите денови постоела комуникација со опозициските СИРИЗА, Нова левица и Курс на слободата за заедно да го потпишат барањето.

Од друга страна, на расправата за гласање недоверба на Владата не се очекува да биде изгласан предлогот на опозицијата, бидејќи потребен е минимум 151 глас од вкупно 300 пратеници, а пратеничката група на владејачката Нова демократија има мнозинство од 156 места.

Доцна синоќа со широко мнозинство и 277 гласа „за“, грчкиот Парламент даде зелено светло за формирање предистражна комисија за евентуална кривична одговорност на Христос Триандопулос, кој во периодот кога се случи железничката несреќа кај Темпи беше министер брз ресор.

Од опозициската ПАСОК минатиот месец доставија предлог до Парламентот за предистражната комисија, бидејќи според нив постојат докази дека четири дена по железничката несреќа, било интервенирано на просторот каде што се случи несреќата и станува збор за нелегални интервенции за кои треба да се истражи евентуална кривична одговорност на тогашниот министер без ресор.

Непосредно пред вчерашното гласање, како што објави МИА, Триандопулос си поднесе оставка од актуелната функција заменик-министер за цивилна заштита и климатски промени на Грција.

Оставка вчера си поднесе и генералниот секретар во истото министерство Василис Папагеоргиу, кој се соочува со обвинение за евентуално интервенирање на местото на несреќата.

Барањето за формирање предистражна комисија за Триандопулос го поддржаа и пратениците од владејачката Нова демократија, а министерот без ресор Макис Воридис говорејќи за грчката телевизија ЕРТ утрово посочи дека „не постојат индикации дека Триандопулос е виновен“.

По масовните демонстрации во петокот на над 380 локации во земјата и странство, железничката несреќа кај Темпи од 2023 година, во која загинаа 57 лица и понатаму е главна тема во Грција, а за денеска, паралелно со доставувањето на барање за гласање недоверба на Владата се најавени нови протести во Солун, Атина и други грчки градови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Хаос во Франција повредени повеќе од 600 лица

Повеќе од 600 лица се уапсени за време на акциите за блокирање на средни училишта во Франција, а над сто ученици и полицајци се повредени во судирите со полицијата, изјави францускиот министер за внатрешни работи Лоран Нуњез.

Видео: Хаос во Франција повредени повеќе од 600 лица

Според него, уапсени се 625 лица, а 199 од нив се повредени, од кои 83 се полицајци. Тој ги осуди „нападите врз полицајци, фрлањето предмети и насилството“, како и „урбаното насилство“.

Според него, полицијата интервенирала со „голема воздржаност“ и покренала истраги во врска со повредените студенти.

„Станува збор за малолетници кои се соочуваат со полицијата. Очигледно е дека полицијата пропорционално користи средства како што е солзавецот“, изјави Нуњез. Според „Фигаро“, движењето на средношколците и понатаму е поттикнувано од поединци од левичарската партија „Непокорена Франција“ (LFI) и од поддршката на студентите.

Лидерот на LFI, Жан-Лук Меланшон, претходно во средата ги отфрли обвинувањата на францускиот претседател Емануел Макрон дека партијата поттикнува немири за време на протестите на средношколците низ земјата.

Францускиот министер за високо образование, Филип Батист, ја обвини LFI за поттикнување насилство за време на блокадите на училиштата, кои продолжуваат во неколку градови низ земјата, додека претседателот Макрон изјави дека политичките лидери не треба да бидат меѓу демонстрантите за да „шират страв и да го поттикнуваат најлошото“.

Средношколците низ Франција ги блокираат влезовите на училиштата уште од почетокот на неделата, додека државните службеници стапија во штрајк поради планираните кратења на буџетот и условите за работа.

Протестите се интензивираа во последните денови; во Париз беа блокирани околу десет отсто од училиштата, главно во предградието Сен-Дени, во Лил вчера беа запалени контејнери пред едно средно училиште, додека во Лион дојде до судир меѓу полицијата и учениците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Рекорден септември на uslugi.gov.mk: 27.345 поднесени барања за еден месец, вкупната бројка надмина 400.000

Националниот портал за електронски услуги uslugi.gov.mk во септември забележа рекордна употреба – во текот на месецот граѓаните и компаниите поднеле 27.345 барања за електронски услуги, што го прави септември убедливо најуспешен месец досега

Рекорден септември на uslugi.gov.mk: 27.345 поднесени барања за еден месец, вкупната бројка надмина 400.000

Националниот портал за електронски услуги uslugi.gov.mk во септември забележа рекордна употреба – во текот на месецот граѓаните и компаниите поднеле 27.345 барања за електронски услуги, што го прави септември убедливо најуспешен месец досега, надвор од услугата за ИКТ ваучерите со која беа услужени над 50 илјади студенти.

Со овој резултат, вкупниот број на барања поднесени преку Националниот портал надмина 400.000 и достигна 405.881 барање.

Континуираниот раст на користењето на порталот е резултат на проширувањето на бројот на достапни електронски услуги, поедноставувањето на постапките и сè поголемата соработка со институциите кои своите услуги ги прават целосно достапни онлајн.

Особено се издвојува одличната соработка со Државниот завод за статистика, со кој во изминатиот период беа дигитализирани и ставени на располагање повеќе услуги, вклучително и услуги наменети за студентите и академската заедница.

Министерот за дигитална трансформација Стефан Андоновски истакна дека бројките покажуваат дека граѓаните сè повеќе ја препознаваат вредноста на електронските услуги.

„27.345 барања за само еден месец е најдобриот резултат од постоењето на порталот. Уште поважно е што вкупно ја надминавме бројката од 400.000 барања. Ова покажува дека кога услугата е едноставна, достапна и целосно електронска, граѓаните ја користат. Нашата цел е сè повеќе постапки да можат да се завршат од дома или од мобилен телефон, без шалтери, без непотребно чекање и без носење документи од една институција во друга“, истакна Андоновски.

Министерството за дигитална трансформација продолжува со институциите да работи на дигитализација на нови услуги, нивно поврзување преку Платформата за интероперабилност и поедноставување на корисничкото искуство на Националниот портал.

Фокусот останува на услуги кои граѓаните и компаниите најчесто ги користат и кај кои дигитализацијата може да донесе најголема заштеда на време и административни трошоци.

Рекордниот септември е уште една потврда дека електронските услуги постепено стануваат стандарден начин на комуникација меѓу граѓаните и институциите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Министерство за култура: Објавен е Конкурсот за доделување на државната награда „Мито Хаџи Василев-Јасмин“ за 2026 година

Министерство за култура и туризам информира дека Одборот за доделување на државната награда „Мито Хаџи Василев-Јасмин“  распиша Конкурс за доделување на државната „Мито Хаџи Василев-Јасмин“ во 2026 година.

Министерство за култура: Објавен е Конкурсот за доделување на државната награда „Мито Хаџи Василев-Јасмин“ за 2026 година

Со државната награда „Мито Хаџи Василев-Јасмин“ се оддава признание за остварувања во областа на публицистиката и новинарството.

Државната награда им се доделува на поединци, група творци, екипи, установи, трговски друштва и здруженија на граѓани.

Државната награда, под условите определени во конкурсот, може да се додели и на странски државјани, група творци, екипи и институции од странство.

Конкурсот ќе трае од 1 до 31 октомври 2026 година.

Конкурсот и пријавата се достапни на веб-страницата на Министерството за култура и туризам.

Државни награди - Државни награди - Конкурси - Министерство за култура и туризам - Република Северна Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер