Грчкиот Парламент го изгласа законот за отворање приватни факултети во земјата

Со 159 гласа „за“, од кои 158 од владејачката Нова демократија и еден од независен пратеник, грчкиот Парламент кусо по полноќ го изгласа законот за „Зајакнување на државниот универзитет – рамка за работа на непрофитни оддели на странски универзитети.

Со 159 гласа „за“, од кои 158 од владејачката Нова демократија и еден од независен пратеник, грчкиот Парламент кусо по полноќ го изгласа законот за „Зајакнување на државниот универзитет – рамка за работа на непрофитни оддели на странски универзитети“, закон што предизвика низа реакции во Грција, но и инциденти на вчерашниот масовен студентски протест, јави дописничката на МИА од Атина.

По маратонската тридневна расправа што траеше речиси 47 часа, доцна синоќа гласаа вкупно 299 од 300 пратеници во Парламентот, против беа 128, сите од опозициските партии, а 11 беа воздржани.

На гласањето му претходеше дискусија во Парламентот, со говори на лидерите на партиите, но и масовен протест вон Парламентот, организиран од студентски здруженија од цела Грција, кои уште еднаш порачаа дека високото образование мора да остане државно и бесплатно.

На протестот на кој, според полицијата, присуствуваа околу 17.500 лица се случија сериозни инциденти меѓу студентите и полицијата, во кои повредени беа девет лица, од кои еден новинар и седум полицајци.

Инцидентите започнаа кога дел од студентите се обидоа да се доближат до Споменикот на Незнајниот јунак пред Парламентот, по што полицијата интервенираше со солзавец и шок бомби.

Следеа десетици молотови коктели, камења и разни предмети од демонстрантите кон полицијата, кои интервенираа со солзавец и шок бомби, но и со пендреци, при што беа повредени студенти.

По инцидентите протестот продолжи, а студентите до доцна вечерта останаа пред грчкиот Парламентот во центарот на Атина.

На почетокот на февруари министерот за образование на Грција, Кирјакос Пиеракакис претставувајќи го предлог-законот соопшти дека недржавните и непрофитни универзитети од септември 2025 година ќе почнат со работа, а приемот на студентите ќе се врши исклучиво преку државни испити.

Вчерашниот протест на студентите беше деветти по ред, а од почетокот на јануари, секој четврток одржуваа собири како во Атина, така и во останатите грчки градови.

Хамас навести дека сака да ги продолжи преговорите за прекин на огнот

Портпаролот на Хамас, Абдел Латиф Ал-Кану изјави за Франс Прес дека неговата организација ќе продолжи со преговорите за постигнување договор „кој обезбедува неодреден прекин на огнот“, пренесува Бета.

Палестинската исламистичка милитантна организација Хамас денеска навести дека сака да ги продолжи преговорите за прекин на огнот во Појасот Газа, иако Израел побара да се евакуираат жителите од источните населби на градот Рафа на југот на територијата пред можна воена операција.

Портпаролот на Хамас, Абдел Латиф Ал-Кану изјави за Франс Прес дека неговата организација ќе продолжи со преговорите за постигнување договор „кој обезбедува неодреден прекин на огнот“, пренесува Бета.

Израелската армија денеска им нареди на жителите да евакуираат неколку населби во источниот дел на Рафа, предупредувајќи дека војниците се подготвуваат за воена операција.

Египет, Катар и САД веќе неколку месеци се обидуваат да придонесат за воспоставување примирје меѓу Израел и Хамас во Појасот Газа, првенствено со цел пауза во борбите и ослободување на Палестинците од израелските затвори во замена за израелските заложници киднапирани од палестинските екстремисти во терористичките напади во јужен Израел во октомври.

Индиректните разговори во Каиро вчера завршија без напредок.

Хамас бара договорот за прекин на огнот да обезбеди крај на израелската офанзива во Појасот Газа, на која Израел се противи, тврдејќи дека сака да го уништи Хамас.

Египетската телевизија Ал Кахера њуз, повикувајќи се на добро информиран извор, денеска јави дека вчерашниот смртоносен напад на Хамас на граничниот премин Керем Шалом од Израел кон Газа предизвикал ќорсокак во преговорите за примирје. Хамас и Владата на Израел меѓусебно се обвинуваат за недостиг на напредок во преговорите.

Во меѓувреме, египетските преговарачи ги засилија напорите да се запре ескалацијата на насилството, рекол изворот.

Израелските медиуми јавуваат дека четворица војници загинале во ракетниот напад на Хамас во близина на преминот преку кој минувале илјадници камиони со хуманитарна помош за Газа.

Игнорирајќи ги меѓународните повици за воздржаност, израелскиот премиер Бенјамин Нетанјаху постојано повторува дека планира да почне голема копнена офанзива во Рафа, каде што тврди дека се кријат последните баталјони на Хамас.

Јанчев: Ставена во функција спомен фонтаната во чест на Сашко Гешовски

Ставена во функција спомен фонтаната во чест на Сашко Гешовски, информираше градоначалникот на Општина Кавадарци, Митко Јанчев. 

По повод 33 години од смртта на првата жртва во бившата ЈНА, војникот Сашко Гешовски првите луѓе на Кавадарци го реализираа ветеното.

Биелса во репрезентацијата на Уругвај повика играч од аматерската лига

 Селекторот на репрезентацијата на Уругвај, Марсело Биелса во репрезентацијата го повика 24-годишниот фудбалер Валтер Домингез кој настапува во аматерската лига, објави „TNT Sports“.

Уругвајците на крајот на овој месец ќе одржат подготвителен тренинг камп за Купот на Америка во 2024 година.

Домингез настапува за клубот Хувентуд Соријано, каде сезонава на 39 натпревари постигна 57 гола.

Биелса е во репрезентацијата на Уругвај од мај 2023 година. Под негово водство репрезентацијата одигра девет натпревари, на кои забележа шест победи, два пораза и едно реми.

Купот на Америка 2024 ќе се одржи во САД од 20 јуни до 14 јули.

притисни ентер