Грчки поп со децении ја злоставувал сопругата- жената водела дневник, ги измачувал и децата - Канал 5

Грчки поп со децении ја злоставувал сопругата- жената водела дневник, ги измачувал и децата

Јавноста во Грција ја потресе страшен случај на семејно насилство откако беше откриено дека свештеник на Грчката православна црква ја малтретирал сопругата повеќе од 50 години.

Грчки поп со децении ја злоставувал сопругата- жената водела дневник, ги измачувал и децата

Жртвата (64) водела дневник на тортурата која започнала кога имала само 14 години. Свештеникот, чиј идентитет не е прецизиран, сега има 74 години, објави порталот „Прототема“.

Случајот се случил во Ханија (Крит), а свештеникот наводно ги малтретирал и сопствените деца. Случајот е пријавен до надлежните органи и обвинителството покрена истрага. Судот на свештеникот му изрече забрана за приближување. Притоа црковните власти не се огласија и тој непречено продолжи да ги извршува своите должности.

Жртвата им открила на властите дека од 14-годишна возраст трпела насилство, љубоморни сцени, силување, изливи на гнев, закани и вербална злоупотреба. Жртвата водела дневник за тортурата и сето она што го доживеала. Ова го откриле децата кои го пронашле дневникот кога нивната мајка била во болница.

Кога ја соочиле со дневникот, мајката им признала сѐ на децата и ги замолила да ѝ помогнат да покрене правна постапка против нејзиниот сопруг и нивниот татко.

Во јули, кога случајот беше изнесен пред обвинителството, ќерката го тужеше таткото за семејно насилство и навреда на сексуалното достоинство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тројца пожарникари загинаа во пожарите кои беснеат во Грција, најкритично на Крит и Пелопонез, евакуирани туристи

Јужна Европа и натаму е во пламен. Разорните шумски пожари и натаму беснеат во повеќе европски земји, оставајќи зад себе уништени домови, опожарени шуми и илјадници евакуирани жители и туристи. 

Тројца пожарникари загинаа во пожарите кои беснеат во Грција, најкритично на Крит и Пелопонез, евакуирани туристи

Најтешка е состојбата во Грција, каде што во борбата со огнената стихија животот го загубија тројца пожарникари.

На југот на островот Крит беснеат најголемите пожари. Двајца пожарникари загинале откако со службеното возило ја изгубиле ориентацијата во густиот чад, додека уште еден нивен колега бил пронајден мртов во близина на пристаништето Гитео на Пелопонез. Причината за неговата смрт сè уште не е соопштена.

Поради силните ветрови, хеликоптерите и противпожарните авиони привремено ги прекинаа летовите, што дополнително ја отежна борбата со пожарите. Евакуирани се неколку населени места, а околу 6.000 туристи биле погодени од евакуациите.

Грчките власти предупредуваат дека опасноста останува исклучително висока и во наредните денови.

-Во името на целиот владин кабинет изразувам длабоко сочуство кон семејствата на загинатите пожарникари, кои ги загубија своите животи во борбата со пламените јазици, додека се обидуваа да ги спасат животите на своите сограѓани, и нивните домови. Државата ќе ги одликува со најголеми почести. Владата ќе застане зад нивните семејства и ќе ги зајакне акциите со кои ќе се превенираат ефективно заканите од климатската криза – изјави Мицотакис.

Во Франција пак, пожарникарите се борат со десетици активни пожари. Во јужниот департман Вар се евакуирани неколку стотици жители, а нови огнени жаришта се регистрирани и во шумите, јужно од Париз, каде што веќе изгореле повеќе од 120 хектари.

Во регионот кај Бордо, каде што пожарите ова лето уништија околу 42 илјади хектари, состојбата постепено се стабилизира и властите најавуваат враќање кон нормален живот.

Во исто време нови пожари се шират и во Шпанија. Најкритично е во Националниот парк на границата со Португалија, каде што се евакуирани дванаесет населени места и речиси илјада жители. Иако во делови од земјата мерките постепено се укинуваат, околу 9.500 луѓе во регионот на Мадрид сè уште не можат да се вратат во своите домови.

Со пожарите се бори и Турција. Во туристичката област Анталија противпожарните екипи веќе неколку дена интервенираат на повеќе жаришта, а дел од населението е евакуирано како мерка на претпазливост.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Митева: На 16 август уште еден голем настан во Струмица за 35 години независност

 Настанот ќе биде од отворен карактер и со слободен влез, соопшти портпаролката на владата Марија Митева.

Митева: На 16 август уште еден голем настан во Струмица за 35 години независност

Пионерите на транс музиката, диџеите Пол Ван Дајк и Пол Окенфолд, ќе настапат во Струмица на 16 август во Градскиот парк, како дел од манифестацијата „35 години независност на Македонија“ која започнува на празникот 2 август-Илинден во Битола, а завршува на денот на независноста, 8 септември во Скопје.

Настанот ќе биде од отворен карактер и со слободен влез, соопшти портпаролката на владата Марија Митева.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Андоновски: Нема да се уништува животната средина за да се градат дата-центри

Нема да се уништува животната средина за да се градат дата-центри – уверува минситерот за дигитализација Стефан Андоновски.

Андоновски: Нема да се уништува животната средина за да се градат дата-центри

Според него, се размислува дата-центрите да бидат лоцирани во технолошко-индустриските развојни зони, на места каде што веќе има постоечки фабрики

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер