Грчки медиуми:АЕК службено загуби од Алкалоид,се соочува со опасност да биде исклучен од Европа - Канал 5

Ракомет

Грчки медиуми:АЕК службено загуби од Алкалоид,се соочува со опасност да биде исклучен од Европа

„Официјално: АЕК службено го губи натпреварот со Алкалоид, а со тоа и европската титула“; „АЕК службено изгуби од Алкалоид-сериозна опасност да биде исклучен од Европа“; „АЕК на хартија го загуби финалето во ЕХФ Европскиот куп од Алкалоид“.

Грчки медиуми:АЕК службено загуби од Алкалоид,се соочува со опасност да биде исклучен од Европа

„Официјално: АЕК службено го губи натпреварот со Алкалоид, а со тоа и европската титула“; „АЕК службено изгуби од Алкалоид-сериозна опасност да биде исклучен од Европа“; „АЕК на хартија го загуби финалето во ЕХФ Европскиот куп од Алкалоид“; се дел од насловите во грчките медиуми за вчерашната одлука на ЕХФ, според која Алкалоид е победник на Европскиот куп, јави дописничката на МИА од Атина.

Од АЕК, засега, над 24 часа по соопштувањето на одлуката од ЕХФ, нема официјална реакција, додека пак Ракометната федерација на Грција соопшти дека преку писмо добиено од ЕХФ биле информирани за одлуката на судискиот комитет.

-Судискиот комитет го досуди натпреварот со резултат 10-0 во корист на Алкалоид, кој го освои ЕХФ Европскиот куп. Според Европската федерација, АЕК има седум дена (до 12 јуни) да поднесе жалба, чиј резултат, сепак, нема суспензивен карактер, соопштија од Грчката ракометна федерација.

Спортските медиуми во Грција, во текстовите објавени денеска, со оглед на тоа што новинарите вчера имаа 24-часовен штрајк, акцентот го ставаат и на тоа дека атинскиот клуб можно е да се соочи и со исклучување од европските натпревари следната сезона, но и потсетуваат на одлуката на АЕК да не го одигра натпреварот во Скопје.

- АЕК одлучи да не се натпреварува, во знак на протест поради блокадата на навивачите на границата на Македонија, што доведе до одложување на финалето од безбедносни причини, како што е наведено во официјалното соопштение на федерацијата. Последиците од оваа одлука беа познати од самиот почеток за „жолто-црните“ и на крај се потврдија. Алкалоид беше прогласен за победник и го крена трофејот на ЕХФ Европскиот куп, пишува порталот „Спорт фм“

-Загубата на титулата на хартија не е крајот на тешкотиите за АЕК. Според соопштението на ЕХФ, можни се дополнителни дисциплински и финансиски санкции, што би можело повеќе да го оптовари клубот, пишува „Спортлајв“.

-За АЕК, случајот не завршува тука бидејќи оваа одлука се однесува исклучиво на натпреварувачкиот дел, додека во однос на дисциплинскиот дел и одговорностите што одговараат на двата тима, случајот сè уште е во тек, со ризик од понатамошни казни што остануваат отворени, пишува порталот „Еноси“ специјализиран за вести поврзани со АЕК.

Државната телевизија ЕРТ коментира дека „АЕК знаеше дека одлуката да не се натпреварува во второто финале на Европскиот куп ќе има последици“, но и дека ова може да влијае и на претстојната сезона.

- Прашањето не завршува тука, бидејќи се очекуваат и одлуки во врска со одговорностите на двата тима за фактот дека натпреварот не се одигра. Домаќините од самиот почеток тврдеа дека одговорноста не е нивна, а „двоглавиот орел“, од друга страна, дури и е во опасност две години да биде исклучен од Европа, пишува во текстот на ЕРТ.

Вториот натпревар од финалето на ЕХФ Европскиот куп требаше да се одигра во Скопје на 25 мај, меѓутоа се одложи откако гостите одбија да излезат на терен, објаснувајќи дека потегот е во знак на протест поради тоа што, како шѕо соопштија на нивни навивачи не им бил дозволен влез во земјава.

Поради инцидентите предизвикани од навивачите, РК АЕК е казнет и во домашното првенство и следниот натпревар на домашен терен ќе го игра без публика.

Поконкретно, Комитетот за борба против насилството го казни АЕК поради инцидентите што се случија во првото финале од грчкото првенство против Олимпијакос, кога, како што пишуваат грчките медиуми, по натпреварот навивачите на домашниот тим фрлиле шишиња кон навивачите на гостинскиот тим Олимпијакос.

Тагови: АЕК алкалоид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Двајца израелски војници загинаа во напад- Израел почна воена операција на Западниот Брег

Израел започна антитерористичка операција во областа Хеброн на окупираниот Западен Брег, по нападот во кој загинаа двајца војници, соопштија израелската армија и разузнавачката служба Шин Бет.

Двајца израелски војници загинаа во напад- Израел почна воена операција на Западниот Брег

„Силите започнаа прецизни, целни и темелни пребарувања на целата област за да лоцираат и демонтираат терористичка инфраструктура и оружје, додека ги испрашуваат осомничените“, соопштија армијата и Шин Бет во заедничка изјава објавена на Телеграм доцна синоќа.

Операцијата, во која учествуваат армијата, разузнавачките служби, граничната полиција и цивилната администрација, е ограничена на подрачјето од кое дејствувале напаѓачите и се очекува да трае неколку дена, се вели во соопштението.

Според армијата, двајца израелски војници се убиени, а тројца други се ранети во пукотница во близина на Хеброн претходно во петокот. Двајца осомничени палестински напаѓачи од Хеброн се убиени.

Нетанјаху објави затворање на сите премини кон Западниот Брег

Израелскиот премиер Бенјамин Нетанјаху рече дека безбедносните сили спречиле сериозен напад. Тој, исто така, објави планови за блокада на палестинската територија, што значи дека сите премини кон Западниот Брег ќе бидат затворени.

Парламентарни избори се одржуваат во Израел во вторник, а конфликтот со Палестинците е клучно прашање на кампањата. Десничарските политичари се обидуваат да привлечат гласачи ветувајќи остар одговор на палестинското насилство, додека најчесто избегнуваат да зборуваат за сè почестите напади од страна на радикалните израелски доселеници врз Палестинците на Западниот Брег, пренесува ДПА.

Војската соопшти дека ќе бидат преземени дополнителни мерки за подобрување на безбедноста во областа, вклучително и уривање на нелегални објекти што би можеле да претставуваат закана за безбедноста на местото на нападот. Безбедносните сили, додадоа тие, спроведуваат и антитерористички операции на десетици локации низ Западниот Брег.

На жителите на погодената област ќе им биде дозволено да ја напуштат зоната преку три назначени излези, откако ќе бидат проверени, се вели во соопштението. Мерките вклучуваат и блокада на Хеброн и Халхул и воспоставување контролни пунктови на патот.

Повеќе од 1.100 Палестинци се убиени на Западниот Брег од октомври 2023 година

Израел го зазеде Западниот Брег, заедно со Источен Ерусалим, за време на Шестдневната војна во 1967 година и оттогаш го држи под окупација. Денес, меѓу три милиони Палестинци, таму живеат околу 700.000 израелски доселеници.

Ситуацијата на окупираниот Западен Брег дополнително се влоши по масакрот извршен од Хамас во Израел на 7 октомври 2023 година и последователната војна во Газа. Според податоците на палестинското Министерство за здравство, повеќе од 1100 Палестинци се убиени на Западниот Брег од тогаш, за време на израелските воени операции, вооружени конфликти и напади.

Тагови: Западниот Брег Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Кинезите ја претставија новата Омода-има термовизија, караоке и три вида погон (ВИДЕО)

Omoda, кинески бренд кој привлекува сè повеќе хрватски клиенти, претстави нов теренец долг речиси пет метри. 

Кинезите ја претставија новата Омода-има термовизија, караоке и три вида погон (ВИДЕО)

Model X ќе понуди хибриден, plug-in хибриден и целосно електричен погон, а меѓу најавената опрема се издвојува систем за термичко снимање со домет до 90 метри.

Omoda X е нов и значително поголем модел, претставен на 20 октомври во Вуху, Кина, на настанот Chery International User Summit. Според порталот Motor1, не се објавени ниту цената ниту датумот на можно пристигнување на европскиот пазар.

Скоро пет метри и нагласени теренски способности

Omoda X е долг 4954 милиметри, широк 1920 милиметри и висок 1702 милиметри, со меѓуоскино растојание од 2700 милиметри. Дизајнот е базиран на насоката прикажана на помалиот модел Omoda 4, со остри рабови и изразени геометриски форми на каросеријата.

Производителот најавува и убедливи теренски способности. Растојанието од земјата е 200 милиметри, а според објавените спецификации, возилото треба да може да преминува водни пречки подлабоко од 700 милиметри.

Максималната дозволена тежина на приколката е 1.800 килограми, додека дозволеното оптоварување на покривот е 75 килограми.

Термичко снимање, караоке и 39 прегради

Кабината има дигитална инструмент табла од 10,25 инчи и централен екран од 13,2 инчи. Производителот наведува и вкупно 39 прегради за складирање.

Меѓу поинтересните елементи на опремата е интегрираниот систем за термичко снимање, за кој Omoda тврди дека има опсег до 90 метри. Понатамошни детали за неговите функции сè уште не се објавени.

Гребен на покривот навестува напредни можности за автономно возење, а Omoda најавува повеќе од 20 функции за помош на возачот. Режимот Open Mic караоке е одговорен за забавата, во кој виртуелните чудовишта на екранот реагираат на тоа колку добро или лошо пеете.

Три вида погони

Понудата ќе вклучува целосно хибридни, plug-in хибридни и целосно електрични верзии. Plug-in хибридните и електричните верзии треба да бидат достапни со погон на две или четири тркала.

Податоците за моќноста, капацитетот на батеријата, досегот и потрошувачката сè уште не се познати. За да процениме колку Omoda X би можел да биде интересен за хрватските клиенти, ќе мора да почекаме информации за европската понуда и цени.

Тагови: караоке погон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Рибокрадци во Дојран, мештаните бараат казни

На социјалните мрежи се појави објава со фотографии од двајца рибокрадци во Дојранското Езеро. 

Рибокрадци во Дојран, мештаните бараат казни

Во објавата се вели и дека езерото нема концесионер. Во коментарите на ФБ се бара итна реакција на надлежникте и казни за рибокрадците.

Секако, побарано е Министерстото за екологија и Општината да се грижат повеќе за езерото и што е можно побргу преку транспарентна постапка да биде избран концесионе, кој одговорно ќе стопанисува со Дојранското Езеро.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер