Технологија

Гравитацијата на Сонцето и Месечината влијае на живиот свет многу повеќе од досега познатото

Според нова студија, двете небесни тела што можеме да ги видиме дење и ноќе имаат поголемо влијание врз флората и фауната на Земјата отколку што се мислеше.

Се чини дека гравитациската привлечност на Сонцето и Месечината навистина влијае на активноста на флората и фауната, иако точните механизми на овој процес сè уште не се јасни.

Прегледот на претходните студии на оваа тема сугерира дека гравитационите плими може да го променат начинот на кој животните и растенијата спијат, се движат и растат.

Иако гравитационото влијание на Сонцето и Месечината е релативно слабо во овој поглед, и изнесува само еден милионити дел од гравитацијата на Земјата, истражувањата покажуваат дека овие типови на плимата и осеката сè уште имаат важен ефект врз развојот на организмите.

„Целиот живот на Земјата е под влијание на гравитационите сили на Сонцето и Месечината изразени во форма на плима“, вели биофизичарот Кристијано де Мело Галеп од Универзитетот Кампинас (UNICAMP) во Бразил, според Science Alert.

„Периодичните осцилации покажуваат два дневни циклуси и се модулираат месечно и годишно со движењето на овие две небесни тела. Сите организми на планетата еволуирале во овој контекст“, додава тој.

Галеп и неговите колеги прегледале три претходни студии во кои беа достапни информации за гравитационите плими. Во една студија од 1965 година за изоподи, е забележано дека моделите на пливање на овие суштества се придржуваат до океанските гравитациони плими (циклус од околу 12,4 часа) дури и кога се преместени во лабораторија со вештачка плима.

Друг извор бил студија од 1985 година која ги анализираше коралите, која покажа дека растот на коралите и производството на ларви одговараат на локалните гравитациски плими под влијание на Сонцето и Месечината.

Студијата од 2014 година која го разгледува ртењето на семките од сончоглед, исто така, открива докази дека ртењето е во согласност со лунарните и сончевите гравитациони обрасци. Истражувачите наведоа неколку други претходни студии.

„Податоците покажуваат дека во отсуство на други ритмички влијанија, како што е бројот на сончеви часови или температура, локалните гравитациони плими се доволни за да се организира цикличното однесување на овие организми“, вели Галеп.

„Овој доказ ја доведува во прашање валидноста на т.н.

влијание на гравитационите плими врз животните и растенијата што е напишано во научните истражувања многу години, но целта на овој нов преглед беше да се привлече вниманието на неговата сеприсутност и потребата да се разгледува пошироко во истражувачките проекти.

Истражување наречено Are cyclic plant and animal behaviours driven by gravimetric mechanical forces? е објавено во Journal of Experimental Botany.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсен 40 годишен кумановец поради напад на малолетничка

Полициски службеници од СВР Куманово упасиле 40 годишен жител од Куманово поради напад на малолетничка.

-На 20.09.2026 во 02:50 часот полициски службеници од СВР Куманово ја лишија од слобода А.А. (40) од Куманово, затоа што на улицата „Тоде Мендол“ во Куманово физички нападнала малолетничка. По целосно документирање на случајот, против неа ќе следува соодветна пријава, стои во билтенот на МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Мицкоски не е на списокот на државници кои ќе се сретнат со Трамп

Претседателот на СДСМ, д-р Венко Филипче, денеска од Струга рече дека премиерот Христијан Мицкоски не е на објавениот список на државници и функционери кои ќе остварат средба со американскиот претседател Доналд Трамп.

„Гледаме огромна делегација во посета на САД, за која, според нашите информации, брои над 50 луѓе. Граѓаните имаат право да знаат кој ги плаќа високите трошоци за ова патување. Денеска е објавен списокот на државници и функционери со кои ќе се сретне претседателот Трамп, а Христијан Мицкоски не е на тој список“, рече Филипче.

Тој посочи дека американската администрација добро знае какви политики спроведува Владата на Мицкоски.

„Очигледно е дека американската администрација добро знае дека Христијан Мицкоски предводи Влада која внесува кинески пари во земјата, спротивно на нашите заеднички интереси со стратешкиот партнер Соединетите Американски Држави. Оваа власт ја поткопува демократијата и воспоставува контрола врз медиумите преку руско-српските врски“, истакна Филипче.

На тој начин, нагласи претседателот на СДСМ, не се води држава и не се исполнуваат обврските кон стратешките партнери – Европската Унија и САД.

„Еден од показателите за нарушените односи е тоа што, за првпат од осамостојувањето, Америка ја намали воената помош за нашата земја“, рече Филипче.

Филипче: Кошничката со кирија достигна 90.000 денари – во Македонија стана невозможно да се живее

Во Македонија стана невозможно да се живее поради огромниот раст на трошоците и катастрофалното управување со економијата од страна на Владата на Христијан Мицкоски, порача претседателот на СДСМ, д-р Венко Филипче, при денешната посета на Струга.

На средбите граѓаните ги споделуваат своите секојдневни проблеми, пред сè поврзани со животниот стандард, семејните финансии и растот на цените, рече Филипче.

„Синдикалната кошничка за само еден месец е зголемена за речиси 1.000 денари. Кога ќе се додадат трошоците за кирија за просечен стан или ратата за станбен кредит, таа достигнува близу 90.000 денари. Во Македонија стана невозможно да се живее со криминалната власт предводена од Христијан Мицкоски“, рече Филипче.

Тој предупреди дека огромната економска и финансиска криза, предизвикана од лошото управување на власта, во следниот период дополнително ќе се продлабочува.

„Во последниот објавен квартал од 2026 година има само 18 милиони евра странски инвестиции, во споредба со 250 милиони евра во времето на владите на СДСМ. Тоа е еден од најјасните показатели дека државата економски тоне“, истакна Филипче.

Дополнителен товар за граѓаните е најавениот нов заем од 1,3 милијарди евра, кој ќе го отплаќаат идните генерации.

„Поради промашените проекции и огромната дупка во Буџетот, Владата повторно ја задолжува државата. Новите задолжувања не се користат за развојни проекти што ќе создадат економски раст, туку за покривање тековни трошоци и исплата на плати“, рече претседателот на СДСМ.

Во услови кога работниците и семејствата не можат да врзат крај со крај, Филипче ја повика власта да го поддржи предлогот на СДСМ за зголемување на минималната плата на 600 евра.

„Тоа е најмалку што власта може да го направи за луѓето чиј единствен приход е минималната плата. Истовремено, потребно е да им се помогне на компаниите и приватните бизниси, за зголемувањето да не претставува дополнителен товар за нив. Затоа предлагаме субвенционирање на придонесите за делот од зголемувањето на платите“, порача Филипче.

Линк до видео: https://www.youtube.com/watch?v=ly1khMpBrmw

Скопје, 20.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пјонгјанг повторно лансираше балистичка ракета кон Јапонското Море

Северна Кореја лансираше проектил – за кој се претпоставува дека е балистичка ракета – кон Јапонското Море, соопшти јапонското Министерство за одбрана.

Како што пренесе новинската агенција Кјодо, проектилот паднал надвор од ексклузивната економска зона на Јапонија, а не се пријавени штети на објекти ниту повредени лица.

Ова последно лансирање на проектил уследи откако Пјонгјанг претходно во септември истрела повеќе балистички ракети кон Јапонското Море.

Јапонската министерка Санае Такаичи им наложи на надлежните владини служби да соберат и анализираат информации во врска со најновиот инцидент.

Тагови: Северна Кореја

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.