Гран При за Ема Зафировска на ИФАДФ Камера 300 во Битола - Канал 5

Култура

Гран При за Ема Зафировска на ИФАДФ Камера 300 во Битола

Македонката Ема Зафировска, која е родена и живее во Велика Британија, е годинашен добитник на највисокото признание, наградата Гран При што ја доделува Интернационален фестивал на аматерскиот (непрофесионален) документарен филм (ИФАДФ) Камера 300.

Гран При за Ема Зафировска на ИФАДФ Камера 300 во Битола

Еден од иницијаторите на „Браќа Манаки“, Стефан Хаџи Антоновски изјави за МИА дека Фестивалот ИФАДФ Камера 300 во Битола, годинава слави јубилеј 120 години од првиот снимен филм, односно првиот филмски запис на овие простори со баба Деспина како преде волна, со познатата камера 300 на браќата Манаки.

-Интересот за нашиот ИФАДФ Камера 300 не стивнува, напротив е се поголем. На нашата адреса пристигнаа документарни филмови од многу европски држави на автори кои обработуваат најразлични теми од своето поднебје. Годинава сите славиме 120 години од првиот филмски запис на овие простори. Да потсетам, за македонскиот филм, како и за повеќето во светот, 20-от век, буквално е век на неговото создавање и растеж. Како што е познато, десет години по првата проекција на филм во Гранд Кафе во Париз, браќата Јанаки и Милтон Манаки со нивната сега веќе легендарна Камера 300, купена во Лондон од компанијта „Урбан“ од моделот „биоскоп“, сериски број 300, во дворот на нивната родна куќа, во 1905 година ги снимиле првите подвижни слики, воедно први на Балканот. Камен темелникот на македонската филмска историја е поставен со тие подвижни слики, односно снимениот материјал на браќата Манаки на нивната 114 годишна баба Деспина како преде со други жени од семејството и соседството, посочи Хаџи Антоновски.

Со одлука на меѓународно стручно жири, освен Зафировска, автор на филмот „Мајчински инстинкти“, со награди се стекнаа и Валентина Андреиќ од Македонија за филмот „Три манастирски цркви во регионот Куманово“ која освои златна Камера 300, на Ервин Спренгер од Австрија за филмот „Мефисто“ ќе му биде доделена сребрена Камера 300, додека бронзена Камера 300 ќе му биде доделена на Фригман Мејс од Германија за докуметарниот филм „Зората во Њујорк“.

Според востановената традиција на свечена церемонија, Општина Битола ќе додели посебна плакета, а годинешен добитник на тоа признание е Франц Моге од Словенија автор на документарецот „Клукајдрвци“, плакета за режија ќе добијат Мјожген Исуф, Апостол Фанев и Красимир Георгиев од Бугарија, автори на филмот „Домот“, а наградата сребрен медал на УНИКА годинава и припадна на Надица Петковиќ од Македонија за документарниот филм „Макраме“.

Организаторите на фестивалот Кино видео клуб „Студио Милтон Манаки“, Народна техника-Битола и Кино сојуз на Македонија наградите ќе ги доделат во петок на 31 октомври, на посебна свеченост во Битола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер