Гран при награда за филмот „Заедно, сами“ на 4. Галичник филм фестивал - Канал 5

Култура

Гран при награда за филмот „Заедно, сами“ на 4. Галичник филм фестивал

Со синоќешното прогласување на добитниците на наградите за краткометражни филмови во три натпреварувачки категории, свечено беше затворен 4. Галичник филм фестивал. 

Гран при награда за филмот „Заедно, сами“ на 4. Галичник филм фестивал

Бројната публика уживаше во 33 краткометражни филмови од различни земји, кои може да се видат од 4 до 6 август. За организаторте Дарма филм, оваа година фестивалските денови беа уште побогати со содржини, зголемен интерес од регионот и пошироко за учество на фестивалот, како и за едукативните работилници кои се одржаа под менторство на Дејан Дуковски и Андреј Волкашин.

Тричлената жири - комисија составена од актерот Сашко Коцев, продуцентката Елена Станишева и режисерот Георги Унковски, одлучуваа за добитниците на наградите. Гран при наградата на Галичник филм фестивал 2023 ја понесе филмот „Заедно, сами“ на турскиот режисер Касим Ордек. На главните протагонисти во „Заедно, сами“, Еџем Узун и Мерт Доган им припаднаа и наградите за најдобра женска и најдобра машка улога за нивниот одличен актерски израз, кој со ненаметливост и со леснотија прикажува комплексни човечки судбини.

Наградата за најдобро сценариото му припадна на швајцарскиот режисер Зоел Ешбахер за неговиот краткометражен филм „Фер игра“. Поетичниот израз на една чувствителна тема раскажана на храбар начин од страна на грчката режисерка Софија Георговасили во филмот „Мемоар за застрашувачка бура“ ја понесе наградата за најдобра режија. Канадскиот режисер Ллојд Ли Кои е добитник на наградата за најдобра кинематографија за неговиот филм „Сé по старо“. Наградите за најдобар краткометражен филм, според трите натпреварувачки категории на фестивалот припаднаа на филмот „Ти ветив рај“ на режисерот Морад Мостафа од Египет во категоријата за најдобар игран филм, филмот „Ева“ на руската режисерка Олга Смирнова се закити со наградата за најдобар документарен филм, додека пак за најдобар анимиран филм, наградата ја понесе полската режисерка Ева Смик со „Носталгија за дома“.

Галичник филм - фестивал е поддржан од Агенцијата за филм на Македонија, реализиран од „Дарма филм“ и „Месната заедница Галичник“, а главен спонзор на овогодинешното издание е Халк Банка. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: Реконструкција на водоводната мрежа во Долно Нерези

Општина Карпош во соработка со Град Скопје и ЈП „Водовод и канализација“ – Скопје, започнува акција за реконструкција на водоводната мрежа на улицата Глигор Чемерски (поранешна Партизанска 11), во населбата Долно Нерези.

О. Карпош: Реконструкција на водоводната мрежа во Долно Нерези

По повод почетокот на градежните активности, денеска на терен увид извршија градоначалникот на Град Скопје, Орце Ѓоргиевски, градоначалникот на Општина Карпош, Сотир Лукровски како и претставници од ЈП „Водовод и канализација“ и изведувачот на градежниот зафат.

За реализација на реконструкцијата на водоводната мрежа во должина од 125 метри, ЈП „Водовод и канализација“ изработи Основен проект, кој содржи детална спецификација на материјалите предвидени за вградување на предметната улица. Општина Карпош, преку избран изведувач за интервентни активности, ќе ги реализира градежните работи кои опфаќаат ископ, затрупување и асфалтирање на коловозот, со што по завршување на реконструкцијата улицата ќе биде целосно вратена во првобитна и функционална состојба.

Со реализација на овој проект, кој е резултат на заедничка соработка помеѓу Општина Карпош, Град Скопје и ЈП „Водовод и канализација“, ќе се надмине повеќегодишниот проблем со недоволен воден притисок со кој се соочуваа жителите од овој реон на Карпош.

Во рамки на денешната средба, градоначалникот Лукровски оствари средба и непосреден разговор со жителите од Долно Нерези при што ги информираше за динамиката на проектот, а воедно ги слушна и нивниѕе предлози и потреби поврзани со условите за живеење во населбата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Премиерот на Молдавија поднесе оставка

Премиерот на Молдавија, Александру Мунтеану, поднесе оставка, со што започна процесот на оставка на целата влада, беше соопштено денеска во Кишињев.

Премиерот на Молдавија поднесе оставка

Мунтеану, кој ја извршуваше функцијата премиер од ноември 2025 година, не ја образложи детално својата одлука.

Во објава на социјалната мрежа „Икс“ (X), тој наведе дека неговиот мандат завршува и дека одлучил да се повлече откако заклучил оти повеќе не може да ги извршува своите должности во согласност со своите принципи и убедувања.

62- годишниот Мунтеану, беше назначен за премиер по парламентарните избори одржани во септември 2025 година, на кои ПАС извојува убедлива победа над проруските политички ривали и обезбеди продолжување на проевропскиот курс на земјата. Пред да влезе во молдавската политика, тој работеше во странство повеќе од 20 години, вклучително и во Светската банка. Во својата објава, тој рече дека ќе продолжи да ѝ служи на Молдавија без оглед на позицијата што ја има во иднина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром: Започна реконструкцијата на краци од улицата „Тодор Чангов“ во Лисиче

Градоначалникот на Општина Аеродром, Дејан Митески, денеска изврши увид во стартот на градежните активности за реконструкција на краци од улицата „Тодор Чангов“ во населбата Лисиче.

Општина Аеродром: Започна реконструкцијата на краци од улицата „Тодор Чангов“ во Лисиче

Во рамките на проектот се врши целосно отстранување на дотраениот и оштетен асфалт, замена на постојниот тампон со нов, по што ќе следува поставување на нов асфалтен слој.

Реконструкцијата е дел од проектите што ги реализира Општина Аеродром во рамките на вториот јавен повик на Владата за финансирање на инфраструктурни проекти. Преку обезбедените средства, Општината продолжува со реализација на значајни капитални инвестиции насочени кон модернизација на инфраструктурата и подобрување на условите за живот на граѓаните.

Во текот на летниот период, Општина Аеродром ќе реализира голем број инфраструктурни проекти на повеќе локации. Во фокусот се реконструкција и санација на улици, уредување на јавниот простор, подобрување на комуналната инфраструктура и реализација на нови капитални инвестиции, со цел создавање помодерна, пофункционална и поуредена општина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер