Гран при на „Мал битолски монмартр“ за ателје „Професор Вејсел Аџар“ од Трабзон, Турција - Канал 5

Култура

Гран при на „Мал битолски монмартр“ за ателје „Професор Вејсел Аџар“ од Трабзон, Турција

Домаќинот и организатор на колонијата денеска информира дека најновото 44. издание на „Мал битолски Монмартр“ ќе биде најголемо, со учество на потврдени над 180 ученици и ликовни педагози, од 18 држави во светот.

Гран при на „Мал битолски монмартр“ за ателје „Професор Вејсел Аџар“ од Трабзон, Турција

Ученици, членови на ателјето на професорот Вејсел Аџар од турскиот град Трабзон се годинaшни добитници на највисокото признание, наградата Гран При што ја доделува Детското ликовно студио „Свети Кирил и Методиј”-Битола за најдобро училиште и најдобра колекција за светската детска ликовна изложба на претстојниот „Мал битолски Монмартр“ (МБМ).

Домаќинот и организатор на колонијата денеска информира дека најновото 44. издание на „Мал битолски Монмартр“ ќе биде најголемо, со учество на потврдени над 180 ученици и ликовни педагози, од 18 држави во светот.

-Оваа година на светскиот ликовен конкурс учествуваа над 800 приватни и државни школи од 85 земји кои формираа фонд од над 80.000 нови детски ликовни цртежи на 70.000 млади ликовни уметници од цел свет. На наша покана од 23 до 30 мај во Битола ќе престојуваат делегации од Албанија, Босна и Херцеговина, Бугарија, Кина, Хрватска, Чешка, Индија, Израел, Јапонија, Малезија, Црна Гора, Полска, Португалија, Романија, Србија, Словачка и Турција, од каде доаѓаат годинешните добитници на највисокото признание, наградата Гран При, која ќе ја врачиме на членовите на ателјето на професорот Вејсел Аџар, истакна Славчо Неделковски, претседател на управниот одбор на ДЛС „Свети Кирил и Методиј“-Битола.

Со одлука на жирито, големата награда „Чувар на наследството на Коста“ за исклучителен придонес во развојот на мисијата на основачот на организираната форма на оценување и грижа за уметничкиот талент кај младите уметници и талентирани студенти, годинава се доделува на ликовниот уметник Мариа Дима од Романија.

-Жири комисијата одлучи оваа година Романија како делегација да ја претстави младата ликовна уметничка Мариа Дима која живее во Букурешт, позната учесничка на бројни изданија на „Мал битолски Монмартр". За потсетување, Мариа Дима во 2019 година беше единствената во историјата на МБМ која доби Гран При во лично име, а годинава во Битола ќе престојува со својот сопруг поетот Санџот Синг од Индија со кого ќе реализира и уметничко поетски перформанс, посочи Неделковски.

Освен во Турција и Романија, наградите на ДЛС „Свети Кирил и Методиј“-Битола, патуваат и во други држави, а наградата „Професор Коста Хаџи-Антоновски“ која се доделува за глобална промоција на организираната форма на оценување и грижа за уметничкиот талент кај младите ликовни уметници и талентирани студенти ја добива професорот Рузмира Беќирај Бејај од Албанија, додека пак, наградата „Бисер на уметноста“ за особен напредок на студент поединец во неговиот развој и уметнички опус, жирито ја додели на Лена Павковиќ од Србија.

Од ДЛС „Свети Кирил и Методиј“-Битола, денеска потврдија дека специјална награда за колекција „Златна четка” која се доделува за збирка ликовни дела ќе биде доделена на ученици од Кина, Малезија и Индија, а големата награда „Професор доктор Богомил Карлаварис“ за животно дело и најдобар професионален пристап кон едукација и негување на уметнички талент кај младите уметници и талентирани студенти, годинава ја доби професорот Ширли Сигал од Израел.

Тагови: битола турција Гран при

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американците убиле 153 цивили за една година

Во американските воени операции во 2025 година беа убиени 153 цивили и ранети 243, според проценка на Пентагон од американски функционер кој зборуваше под услов на анонимност.

Американците убиле 153 цивили за една година

Ова е значително зголемување од 2024 година, кога Пентагон процени дека двајца цивили биле убиени, а двајца повредени во американските воени операции, објави Ројтерс.

Според извештајот на Пентагон до Конгресот, сите смртни случаи и повреди на цивили регистрирани во 2025 година биле во три американски напади во Јемен во април истата година.

Американската војска спроведува напади во Јемен со цел ослабување на капацитетите на Хутите.

Пентагон соопшти дека разгледува уште 15 инциденти во Јемен од февруари 2026 година по извештаите од невладини организации за можни цивилни жртви.

Извештајот не ги вклучуваше жртвите на американските напади врз бродови во Карибите и источниот Пацифик.

Од септември 2025 година, американската администрација изврши серија напади врз бродови за кои тврди дека превезуваат наркотици и ги означи целите како „наркотерористи“.

Според бројките за жртвите објавени од САД по нападите, повеќе од 200 луѓе загинале во овие операции.

Хјуман рајтс воч и Амнести интернешнл ги опишаа нападите како незаконски вонсудски убиства, додека Американската унија за граѓански слободи ги критикуваше тврдењата на администрацијата на американскиот претседател Доналд Трамп за луѓето кои беа цел на нападите како неосновани.

Извор: Б92

Тагови: САД цивили

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Неславен рекорд на Владимир Путин

Руските сили претрпеа 42.860 загуби на персонал во јули, што е најголем месечен број од јануари 2025 година, соопшти украинското Министерство за одбрана, повикувајќи се на податоци од Генералштабот на вооружените сили на Украина.

Неславен рекорд на Владимир Путин

Јули беше исто така четвртиот најефикасен месец за украинските сили во однос на загубите на руски персонал од почетокот на целосната руска инвазија.

Генералштабот на Украина проценува дека вкупните загуби на руски персонал од февруари 2022 година достигнале 1.461.660 луѓе.

Во текот на јули, украинските сили продолжија да ги напаѓаат руските капацитети за воздушна одбрана и логистика.

Беа погодени 68 руски системи за воздушна одбрана, додека 13.998 возила беа уништени или оштетени, што е најголем месечен број регистриран за време на целосната војна.

Министерството за одбрана изјави дека украинските сили претходно ги регистрирале своите најголеми месечни загуби на руската артилерија во јуни, кога повеќе од 2.000 руски артилериски системи беа уништени или онеспособени.

Во текот на јули, украинските сили, исто така, погодија 162 руски тенкови, вклучувајќи 28 тенкови на 22 јули. Покрај тоа, беа уништени или оштетени 204 оклопни борбени возила и 2.016 руски артилериски системи.

Украинското воено разузнавање користеше поморски беспилотни летала „Магура“, опремени со беспилотни летала „FPV“, за да нападне два руски лансери на системот за воздушна одбрана С-400 „Триумф“, како и антена што се користи за контрола на беспилотни летала „Орион“ во привремено окупираниот Крим.

Извор: Б92

Тагови: Владимир Путин украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„ChatGPT“ конечно доаѓа на „Linux“

„OpenAI“ ја објави официјалната десктоп апликација „ChatGPT“ за „Linux“ платформи.

„ChatGPT“ конечно доаѓа на „Linux“

„ChatGPT“ е присутен на компјутери низ целиот свет, но имаше едно место каде што недостасуваше: заедницата на „Linux“. Тоа сега се менува.

Одредени сектори од заедницата на развивачи со отворен код долго време бараа од „OpenAI“ да го донесе својот четбот на нивните платформи. Почнувајќи од оваа недела, „OpenAI“ го решава тој недостаток со лансирање на наменска апликација „ChatGPT“ за „Linux“.

„Linux е една од најбараните платформи за десктоп апликација, а ова лансирање ги проширува ChatGPT и Codex на сите главни десктоп оперативни системи“, соопшти компанијата.

Новата апликација, која се објавува како дел од рана верзија, ќе им овозможи на корисниците на „Linux“ да користат „ChatGPT“, „ChatGPT Work“ и „Codex“ на неколку различни дистрибуции. Апликацијата е достапна низ целиот свет почнувајќи од вторник.

„OpenAI“ вели дека поддржаните дистрибуции вклучуваат десктоп варијанти за „Ubuntu 24.04“ и „26.04 LTS“, „Debian 13“, како и „Fedora 43“ и „44“. Целата заедница на „Linu“x вклучува стотици дистрибуции, иако дистрибуциите што „OpenAI“ ги избра тука служат како основа за голем број деривативни десктоп дистрибуции или варијанти, кои затоа треба да бидат компатибилни и со апликациите на „OpenAI“.

„OpenAI“ е малку зад „Anthropic“, кој ја лансираше десктоп апликацијата „Claude“ за „Linux“ пред околу еден месец. Апликацијата на „Anthropic“ е достапна за „Ubuntu 22.04“ или понова верзија и „Debian 12“ или понова верзија.

Тагови: ChatGPT

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер