Граѓаните на Србија се повикани да застанат 15 мин.и да им оддадат почит на жртвите во Нови Сад - Канал 5

Балкан

Граѓаните на Србија се повикани да застанат 15 мин.и да им оддадат почит на жртвите во Нови Сад

 Граѓаните на Србија повикани се денеска во 11 часот и 52 минути да застанат 15 минути за да им оддадат почит на загинатите од падот на настрешницата на влезот на Железничката станица во Нови Сад на 1 ноември.

Граѓаните на Србија се повикани да застанат 15 мин.и да им оддадат почит на жртвите во Нови Сад

Студентите кои блокираат неколку белградски факултети барајќи одговорност за смртта на 15 лица и тешките повреди на двајца, најавија во 11:52 неколкублокади на сообраќајници, јави Бета. Поддршка имаат и од членовите на Нова демократска партија на Србија.

Претставникот на иницијативата „Мостот останува“, Ѓорѓе Микетиќ најави дека пред РТС, граѓаните на Белград ќе им оддадат почит на жртвите во Нови Сад и ќе укажат на, како што рече, молкот на јавниот медиумски сервис, од кои бараат барем симболично да се прекине програмата во 11:52 часот.

Студентите на Електротехничкиот факултет (ЕТФ) во Белград, во знак на солидарност со колегите од другите факултети и граѓаните изложени на репресија, почнуваат од денеска со целосна блокада.

Тие најавија дека секој ден во 11:52 часот ќе организираат 15-минутна блокада пред тој факултет, почнувајќи од сабота на 7 декември, додека денеска ќе биде блокирана крстосница во Белград.

Во Белград, студентите блокираа неколку факултети како и Ректорската управа на Универзитетот, барајќи да се објави целата документација за реконструкцијата на Железничката станица во Нови Сад и да одговараат сите оние кои ги репресираа студентите и професорите на претходните собири.

Зелениот и левиот фронт (ЗЛФ) ги повика граѓаните на Србија да застанат 15 минути во спомен на загинатите во Нови Сад.

„Блокирајте ја раскрсницата, излезете од автомобилот, пред институциите, каде и да сте! Нема да се откажеме додека вие кои сте одговорни за ова злосторство не одговарате“, се вели во објавата на Фејсбук.

Новосадските опозициски партии најавија дека специјално собирно место ќе биде во близина на Собранието на Војводина.

Претставниците на опозицијата во Ниш најавија дека граѓаните повторно ќе застанат 15 минути за да им оддадат почит на загинатите и да испратат порака за солидарност до семејствата на загинатите. Собир и почит оддадоа и во претходните два петока, јави Бета.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Хаос во Истанбул: Песочна бура го погоди градот

Силна песочна бура го зафати Истанбул вчера.

Видео: Хаос во Истанбул: Песочна бура го погоди градот

Силна песочна бура го зафати Истанбул вчера, пред да почне поројниот дожд,небото се затемнило, ветерот корнел дрвја и кревал покриви, а возачите се соочиле со тешкотии поради намалената видливост предизвикана од облаците прашина.

Поради силниот ветер и неповолните временски услови, некои авиони што се обидувале да слетаат на аеродромите „Истанбул“ и „Сабиха Ѓокчен“ биле принудени да кружат во воздухот, објави порталот „Сон Саика“.

Деца што си играле на улицата и еден минувач за малку ќе настрадале откако силниот ветер откорнал дел од покрив во истанбулската општина Есенлер; инцидентот бил снимен од безбедносна камера, пренесува „ТРТ Хаберлер“.

Силниот јужен ветер подигна високи бранови во близина на Ускудар, што им го отежна движењето на граѓаните долж крајбрежјето.

Ветарот откорна дел од шатор поставен на плажата, кој падна врз едно лице. Во центарот на Истанбул, во областа Фатих (населба Лалели), дрво падна на патот и предизвика краткотраен застој во сообраќајот.

Во населбите Зејтинбурн и Бејоглу ветрот откорна покриви од згради, а дрво што падна на улица во Бахчелиевлер удри во паркиран автомобил.

Бурен ветер проследен со слаб дожд на одредени места уследи по топлотниот бран, за време на кој температурата во Истанбул надмина 35 степени.

Метеорологот Адил Тек изјави за „Сабах“ дека од правец на Бугарија и Романија кон Турција се движи нов систем што носи дожд; тој во текот на вечерта најпрвин ги зафати Едрене и Киркларели, а потоа дождот ќе ја зафати цела Тракија, особено европскиот дел и северните делови на Истанбул.

Тагови: Истанбул

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП „Комунален сервис“ Валандово со итно предупредување до граѓаните - зголемено е нивото на арсен во водата

По Гостивар забренета за пиење и водата во Валандово. 

ЈП „Комунален сервис“ Валандово со итно предупредување до граѓаните - зголемено е нивото на арсен во водата

Од јавниот комунален сервис соопштуват дека лабораториските анализи покажале зголемено присуство на арсен и упатија итно предупредување до жителите на овој град да не ја пијат водат, туку да ја корситат само за технички потреби.

Според градоначалникот на општината Ѓоко Камчев можно е да настанала печатна грешка при објавувањето на резултатите. – тврди дека се прават нови анализи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лионел Меси најавил повлекување?

Аргентински новинар близок до фудбалерот предизвика хаос со својата изјава! Тој повторно се огласи.

Лионел Меси најавил повлекување?

Многу светски медиуми ја пренесоа ексклузивната изјава на Кастиљо дека Меси, по финалето, во соблекувалната им кажал на соиграчите оти тоа бил неговиот последен натпревар за Аргентина.

Фудбалскиот свет сè уште ја очекува одлуката на Лионел Меси, кој размислува дали да продолжи да игра за Аргентина.

Меси го напушти финалето на Светското првенство во солзи, што многумина го протолкуваа не само како пораз, туку и како збогување.

Во таква ситуација, информацијата на познатиот аргентински новинар Ернан Кастиљо, кој е многу близок до самиот Меси, одекна како гром од ведро небо.

Многу светски медиуми ги пренесоа зборовите на Кастиљо, кои беа ексклузивни, дека Меси им рекол на своите соиграчи во соблекувалната по финалето дека тоа е неговиот последен натпревар за Аргентина. Меси одржа емотивен говор во кој објави дека се збогува со националниот дрес.

Веста се прошири со брзината на светлината на социјалните мрежи, а токму кога сите веќе го сумираа учинокот на Меси во националниот тим, повторно се огласи Ернан Кастиљо.

Кастиљо изјави дека Меси им рекол на соиграчите во соблекувалната: „Ова може да биде мојот последен натпревар“, ублажувајќи ја првичната категорична изјава.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер