Градот Ниш со одлука нуди бесплатно сместување за семејствата на повредените во Кочани - Канал 5

Балкан

Градот Ниш со одлука нуди бесплатно сместување за семејствата на повредените во Кочани

Граѓани на српскиот град Ниш и претставници на македонската заедница се собраа во центарот на градот да им оддадат почит на настраданите од пожарот во дискотека во Кочани, јави МИА.

Градот Ниш со одлука нуди бесплатно сместување за семејствата на повредените во Кочани

Здружението на граѓани на македонското национално малцинство „Вардар“ од Ниш, во соработка со Националниот совет на Македонците во Србија, организираше палење свеќи и потпишување во Книга на жалост.

Претседателот на Здружението на Македонците „Вардар“ Ниш, Благе Петрушевски, изрази длабоко сочувство со народот на Северна Македонија, објавија локални медиуми.

Градот Ниш се стави на располагање на семејствата на загинатите и повредените во разорниот пожар што однесе 59 животи во Кочани.

На седницата на Градскиот совет беше донесена одлука да им се обезбеди бесплатно сместување во институциите на системот, а градоначалникот на Ниш, Драгослав Павловиќ истакна дека ќе биде пружена сета потребна помош за погодените семејства да се чувствуваат безбедно и згрижени.

„Горд сум и што ние како град Ниш можеме да помогнеме. Денеска на Градскиот совет донесовме одлука да препорачаме одредени институции во системот да сместат семејства на настрадани во пожарот“, рече градоначалникот.

„Во моментов имаме двајца пациенти во Воената болница и еден во Клинички центар. Мораме да им се ставиме на располагање и да им обезбедиме се што им е потребно. Сега не зборувам само како градоначалник, туку и како човек. Најважно е да се види што им треба на овие луѓе и нивните семејства во овој момент“, рече тој.

Павловиќ утрово посети повредените во пожарот во дискотека во Кочани во Воената болница во Ниш. Градоначалникот Павловиќ на младите им посака брзо закрепнување и рече дека градот Ниш е тука да им помогне на нив и на нивните семејства во се што прават.

Според директорот на Воената болница во Ниш, полковник Небојша Ѓениќ, двајцата се млади момчиња на возраст од 17 и 25 години. Нивната моментална состојба е стабилна и покрај тешките повреди и изгорениците од втор и трет степен.

„На двајцата пациенти им е извршена операција, им се санирани изгорениците и се сместени на одделението за Интензивна нега каде се под постојан лекарски надзор. Нивните витални параметри постојано се следат и лекарите ќе ги користат за да донесат одлуки за следните чекори во лекувањето, рече Ѓениќ.

Покрај двајцата млади момчиња кои се сместени во Воената болница, во Ниш е донесена и жена која е тешко повредена во пожарот во Кочани.

Како што соопштија од Универзитетскиот клинички центар Ниш, пациентката е на 45-годишна возраст, хоспитализирана на одделението за Интензивна нега на Клиниката за анестезија на Универзитетскиот клинички центар Ниш и е под постојан медицински надзор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руски дизел утре тргнува за Америка- „Танкерот има капацитет од 40.000 тони“

Русија утре треба да ја испрати првата пратка дизел во Соединетите Држави, во рамките на спорниот договор меѓу американскиот претседател Доналд Трамп и рускиот претседател Владимир Путин. 

Руски дизел утре тргнува за Америка- „Танкерот има капацитет од 40.000 тони“

Рускиот вицепремиер Александар Новак изјави дека танкерот ќе има капацитет од 40.000 тони, пренесува Интерфакс. Се очекуваат и дополнителни пратки.

Новак не ја исклучи можноста за извоз на дизел и во други земји, но напомена дека тоа ќе зависи од капацитетите на руските рафинерии во текот на наредните месеци.

На почетокот на октомври, Трамп и Путин се договорија за продолжување на испораките на руски дизел за САД. Вашингтон привремено ги суспендираше постојните санкции против Русија за да овозможи реализација на овие пратки. Договорот наиде на остри критики од Украина, Европската Унија, па дури и од некои републикански членови на американскиот Конгрес, додека Москва го поздрави договорот.

Руските рафинерии за нафта често се цел на украински беспилотни летала со голем дострел, а оштетувањата и поправките го ограничуваат производниот капацитет на земјата.

Москва одговори со воведување забрана за извоз на бензин и дизел. Трамп ги критикуваше украинските напади, обвинувајќи го Киев за порастот на цените на горивата во пресрет на ноемвриските избори за Конгресот на САД, на кои се очекува републиканците да остварат слаб резултат.

Киев, пак, тврди дека нафтените постројки се легитимни воени цели, бидејќи обезбедуваат гориво и финансиски средства за војната на Путин. Од февруари 2022 година, Украина се брани од целосна руска инвазија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 10 возачи за „безобѕирно управување со моторно возило“, седум возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 10 возачи поради сторено кривично дело „безобѕирно управување со моторно возило“ по член 297-а од Кривичниот законик.

Лишени од слобода 10 возачи за „безобѕирно управување со моторно возило“, седум возеле без положен возачки испит

Од нив, седум управувале возило без положен возачки испит и тоа: Д.А.(41), Ш.Џ.(23), 20-годишната Е.Љ. и 16-годишник, сите од Скопје, Ф.И.(45) и С.К.(56), двајцата од скопско и С.Х.(44) од Тетово. Со активна мерка - забрана за управување на возило возеле Б.Д.(45) од Велес и С.Б.(25) од Гостивар. Додека, пак, под дејство на алкохол возел Т.Н.(37) од Гостивар. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Државниот секретар Петрушевски учествуваше на 27. состанок на Советот на СЕЛЕК во Букурешт

На 21 октомври 2026 година, во Букурешт, Романија, се одржа 27. состанок на Советот на СЕЛЕК – Центарот за спроведување на законот на Југоисточна Европа.

Државниот секретар Петрушевски учествуваше на 27. состанок на Советот на СЕЛЕК во Букурешт

На состанокот учествуваше државниот секретар во Министерството за внатрешни работи, Сашо Петрушевски, во својство на постојан член на Советот, предводејќи ја македонската делегација.

Во рамки на состанокот беа презентирани резултатите од оперативната работа на СЕЛЕК за 2025 и 2026 година, при што беше разгледан придонесот на Центарот во унапредувањето на регионалната соработка и координацијата меѓу надлежните институции во справувањето со прекуграничниот и организираниот криминал.

Во продолжение, се одржа гласање за избор на нов генерален директор на СЕЛЕК. За функцијата беа номинирани кандидати од Албанија, Романија и Србија. По спроведената изборна постапка, за генерален директор беше избрана кандидатката на Романија, Мадалина Сорина Влангар.

Состанокот претставуваше можност за размена на информации и искуства меѓу земјите членки, како и за унапредување на регионалната соработка во спречувањето и сузбивањето на прекуграничниот и организираниот криминал.

Република Македонија, преку своето учество во работата на Советот на СЕЛЕК, продолжува да придонесува кон зајакнување на соработката меѓу надлежните институции и унапредување на безбедноста во Југоисточна Европа.

Тагови: Сашо Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер