Градоначалникот го предаде клучот на карневалџиите, почнаа карневалските празнувања во Струмица - Канал 5

Македонија

Градоначалникот го предаде клучот на карневалџиите, почнаа карневалските празнувања во Струмица

Со симболично предавање на клучот од градот од градоначалникот Петар Јанков на карневалџиите, вечерва во Струмица почнаа осумдневните карневалски празнувања.

Градоначалникот го предаде клучот на карневалџиите, почнаа карневалските празнувања во Струмица

Јанков и го предаде клучот на претседателката на Организацискиот одбор на Струмичкиот карневал, Танкица Стојанова, со што беше означен почетокот на годинашното карневалско издание.

Според Јанков, со предавањето на клучот на карневалџиите започнува карневалската недела во Струмица и со тоа владеењето е во нивни раце се до траењето на Карневалот.

-Деновиве не очекува интересна програма организирана од Карневалскиот одбор и поддржана од Општината. Се надевам дека ова карневалско издание ќе биде едно од најуспешните и им посакувам добра забава и пријатна атмосфера на сите учесници во ова наше струмичко карневалско чудо, рече градоначалникот Петар Јанков.

Претседателката на Организацискиот одбор на Струмичкиот карневал, Танкица Стојанова вети дека во претстојните денови ќе бидат „мирни“ и дека ќе има ред во Струмица и сите ќе бидат насмеани, весели и разиграни.

- Вечерва ќе ветиме една работа-во таа една недела ќе има само позитивна енергија, многу насмевки, многу среќа, многу дружба, музика и да бидеме највесели, рече Стојанова.

На јарболите пред Центарот за култура „Антон Панов“ во Струмица беа кренати државното и знамињата на Струмичкииот карневал и FECC, а струмичките мажоретки традиционално со свој настап ги најавија претстојните карневалски настани, од кои најважниот-Главната карневалска вечер ќе се одржи в сабота на 21 овој месец.

Веднаш потоа во Градската уметничка галерија беше отворена изложба на карневалски маски на Цветко Багашовски, кој годинава одбележува 35 години учество на Карневалот.

Карневалските празнувања утре продолжуваат со објавување на резултатите од литературниот конкурс на струмичката библиотека на тема карневал и Карневалски мјузикл кој ќе се одржи во НУЦК „Антон Панов“.

Тагови: Струмица Струмичкиот карневал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Насилни протести против мигрантите во Јужна Африка- горат продавници и автомобили (ВИДЕО)

Вчера во јужноафриканските градови Совето и Дурбан избувнаа насилни антиимиграциски протести, поттикнати од одлуката на Уставниот суд за ублажување на правилата за барање азил. 

Насилни протести против мигрантите во Јужна Африка- горат продавници и автомобили (ВИДЕО)

За време на немирите, автомобили беа запалени, а продавници во сопственост на странски државјани беа ограбени, објавува „Еуроњуз“.

Според полициските податоци, во Совето, десет автомобили беа запалени во близина на канцеларијата на Министерството за внатрешни работи во Орландо Вест. Неколку продавници чии сопственици се странски државјани, исто така, беа ограбени. Пожарникарите ги изгаснаа пожарите на возилата, а полицијата ги блокираше околните улици. Во Дурбан, ситуацијата беше слична. Полицијата за итни случаи беше испратена таму поради пријави за грабежи и палење, а 14 автомобили беа запалени.

Судска одлука како повод

Немирите следеа по одлуката на Уставниот суд во јули со која се отстранија пречките за барања за азил. Оваа одлука важи и за мигрантите кои нелегално влегле во земјата. Властите објавија дека канцелариите за прием на бегалци се преоптоварени со барања.

Владата на Јужна Африка објави проширен капацитет за обработка на податоци и зголемени проверки на идентитетот. Исто така, нагласи дека судската одлука не доделува автоматски статус на бегалец. Полицијата потврди дека нема повредени во Совето и рече дека одговорните за насилството и уништувањето на имотот ќе бидат гонети.

Тагови: Јужна Африка мигранти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: Дваесет новозасадени украсно-декоративни дрвја во „Паркот на борците“

По повод 11 Октомври – Денот на народното востание, а на барање на Сојузот на борците на Македонија, во паркот пред споменикот на борците од Првиот скопски партизански одред, во населбата Карпош 3, беа засадени 20 нови украсно-декоративни дрвја.&nbs

О. Карпош: Дваесет новозасадени украсно-декоративни дрвја во „Паркот на борците“

Засадени се 18 фотинии и 2 спирални туи, обезбедени со средства од буџетот на Општина Карпош.

Во засадувањето учествуваа градоначалникот Сотир Лукровски и претседателот на Советот на Општина Карпош, Христо Саракинов.

Општина Карпош, преку годишната програма на Секторот за екологија и енергетска ефикасност, континуирано издвојува средства за набавка и засадување нови садници на претходно утврдени локации. Засадувањето во пролетните и есенските акции придонесува кон облагородување на јавните простори, унапредување на животната средина и зголемување на зелениот фонд на територијата на Општина Карпош.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Договорена нова авиолинија Подгорица-Скопје и поврзување на пристаништето Бар преку изгрaдба на автопатот Скопје -Блаце

Заменик претседателот на Владата, Александар Николоски е во работна посета на Подгорица, Црна Гора, каде оствари средби со премиерот Милојко Спајиќ, вицепремиерот за европски и надоврешни работи, Филип Ивановиќ.

Николоски: Договорена нова авиолинија Подгорица-Скопје и поврзување на пристаништето Бар преку изгрaдба на автопатот Скопје -Блаце

Заменик претседателот на Владата, Александар Николоски е во работна посета на Подгорица, Црна Гора, каде оствари средби со премиерот Милојко Спајиќ, вицепремиерот за европски и надоврешни работи, Филип Ивановиќ, како и со министерот за транспорт, Радош Зечевиќ.

Во продолжение интегралната изјава на заменик претседателот на Владата, Александар Николоски:

“Денеска сме во официјална посета во Подгорица, на Црна Гора, каде што имаме богата и продуктивна агенда. Остваривме средби со премиерот Милојко Спајиќ, со вицепремиерот Филип Ивановиќ, како и со министерот за сообраќај, Зечевиќ.

Разговаравме за блиската соработка којашто ја имаат Македонија и Црна Гора. Македонија и Црна Гора се две пријателски држави коишто имаат добра, одлична соработка.

Разговаравме за поврзувањето. Веќе почнавме да го градиме автопатот Скопје – Блаце, кој што значи отворање на Македонија кон трето пристаниште – тоа е отворање кон пристаништето Бар, покрај пристаништето Солун кон кое што имаме и автопатска и железничка конекција и покрај пристаништето Драч, каде што во моментот градиме и автопатска и железничка конекција. Исто така, со изградбата на автопатот од Скопје до Блаце зборуваме и за поврзување со пристаништето Бар.

Исто така, зборувавме и за авионското поврзување и очекувам во многу кратко време да се потпише договор којшто ќе значи директен лет помеѓу Скопје и Подгорица, со што ќе имаме уште еден главен град со којшто сме поврзани. Тоа многу ќе помогне за развојот на туризмот, но исто така и за развојот на бизнисот и конекцијата помеѓу двете држави. Аеродромите и во Скопје и во Подгорица растат и ова е добар начин да продолжиме да соработуваме и да продолжат да растат двата аеродроми.

Исто така, зборувавме за заеднички настап пред европските фондови и пред европските банки во делот на финансирањето, пред сè во делот на интелигентни транспортни системи и поврзување на коридорите, а зборувавме и за соработката помеѓу двете држави во делот на политиката и економијата.

Сè на сè, една плодна средба од којашто се враќаме дома со нова авиолинија, како и со убава вест дека автопатот којшто го градиме Скопје – Блаце ќе значи поврзување и со пристаништето Бар” – изјави Николоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер