Градоначалник на Њујорк Мамдани денеска ја презема функцијата - Канал 5

Свет

Градоначалник на Њујорк Мамдани денеска ја презема функцијата

 Демократот Зохран Мамдани, првиот муслимански избран градоначалник на Њујорк, денеска ја презема функцијата со четиригодишен мандат.

Градоначалник на Њујорк Мамдани денеска ја презема функцијата

Мандатот на противникот на американскиот претседател Доналд Трамп има значајна политичка и симболична вредност.

Мамдани ќе положи заклетва кратко по полноќ по локално време во тесен круг луѓе, вклучувајќи ја и главната обвинителка на Њујорк Летиција Џејмс, заколната противничка на Трамп, коо го тужеше. За возврат, претседателот се обиде да поднесе контратужба.

Првата церемонија, која ќе биде приватна, но ќе биде телевизиски емитувана, ќе се одржи на историската станица на метрото под Градското собрание. По неа ќе следи уште една јавна церемонија денеска, под водство на сенаторот Берни Сандерс, популарна личност меѓу американската левица, и голема прослава. Се очекува да присуствуваат десетици илјади луѓе.

Празничниот настан е во согласност со „една од главните пораки“ што новоизбраниот градоначалник ја повтори за време на својата кампања - дека „Њујорк е прекрасен град за живеење“, изјави Линколн Мичел, професор по политички науки на Универзитетот Колумбија.

Мамдани се опишува себеси како социјалист во земја каде што зборот се поврзува со крајната левица. Тој ја изградил својата програма околу превисоките трошоци за живот во метрополата со 8,5 милиони жители.

Шансите другите ветувања на Мамдани (изградба на 200.000 прифатливи домови, универзална градинка, евтини општински супермаркети, бесплатни автобуси) да бидат исполнети сè уште се непознати. Неговиот одличен однос со Кети Хокл, демократската гувернерка на државата Њујорк, работи во негова корист. Многу одлуки се одобрени на ниво на гувернер, особено зголемувањето на даноците што тој ги планира.

Наспроти сите очекувања по жестоката кампања, средбата меѓу Доналд Трамп и Зохран Мамдани на крајот на ноември беше срдечна. По изборите, „резултатите се поважни од симболиката“, забележува Џон Кејн, професор на Универзитетот во Њујорк.

Идниот градоначалник „мудро побара заедничка мисија со Трамп: да го направи Њујорк град каде што луѓето можат повторно да живеат“.

Со зголеменото присуство на имиграциската полиција во градот, тешко е да се каже колку долго ќе трае ова затоплување на односите. Гласачите „навистина очекуваат“ нивниот нов градоначалник остро да се спротивстави на политиките на Трамп, вели Мичел.

На 34 години, Мамдани е еден од најмладите градоначалници во Њујорк, а неговиот единствен претходен мандат беше како претставник на неговиот округ во државното собрание. Критикуван поради недостаток на искуство, новоизбраниот градоначалник се опкружува со искусни соработници, од кои некои работеле за претходни градоначалници или дури и за администрацијата на поранешниот претседател Џо Бајден.

Популарна е и неговата сопруга, Рама Саваф Дуаџи, уметница родена во Сирија. Според Соушл Блејд, нејзиниот Инстаграм профил добил над милион следбеници од ноември. Неодамна на насловната страница на списанието за мода и култура Cut изјави дека не е политичка фигура, но го поддржува својот сопруг и сака да ја искористи својата улога како прва дама на Њујорк „на најдобар можен начин“.

Тагови: Зохран Мамдани Њујорк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

13 возачи лишени од слобода за „безобѕирно управување со возило“ во изминатото деноноќие

Во текот на изминатото деноноќие, на територијата на целата држава, полициски службеници лишија од слобода 13 лица поради „безобѕирно управување со возило“.

13 возачи лишени од слобода за „безобѕирно управување со возило“ во изминатото деноноќие

Од нив, 11 возачи управувале возило без возачка дозвола, и тоа од Велес, Скопје и Прилеп.

Двајца возачи, од Куманово и Скопје, управувале возило под дејство на алкохол.

При преземање на мерки и активности, кај возач од Скопје кој управувал возило без возачка дозвола, било констатирано дека на патничкото моторно возило предната регистарска таблица не припаѓала на возилото.

По целосно документирање на случаите, ќе бидат поднесени соодветни кривични пријави.

Министерството за внатрешни работи продолжува со засилените контроли во сообраќајот, со цел санкционирање на несовесните возачи и спречување на однесувања со кои се загрозува безбедноста на сите учесници во сообраќајот. Почитувањето на сообраќајните правила и прописи, поседувањето важечка возачка дозвола и управувањето со возило во трезна состојба се основа за безбеден сообраќај.

Тагови: безобѕирно возење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мелони повлекува црвена линија: „Не сум добрa за сите годишни времиња“

Италијанската премиерка Џорџија Мелони ги отфрли шпекулациите дека би можела да формира сојузи со политички сили кои се противат на воената помош за Украина.

Мелони повлекува црвена линија: „Не сум добрa за сите годишни времиња“

Во интервју за италијанскиот весник „Ил Фодлио“, Мелони рече дека не е подготвена да се откаже од своите верувања за политичка или изборна корист.

„Џорџија Мелони сигурно не е подготвена да го стори спротивното од она што го направила или во што верува, заради политичка или изборна пресметка“, рече таа, одговарајќи на прашањето дали поставила јасни црвени линии за приклучување кон коалиција.

Нејзините зборови се предупредување до Роберто Ваначи, поранешен генерал кој стана екстремно десничарски политичар и отворен критичар на Европската Унија и воената помош за Украина.

„Кој бара премиер кој се предомислува во зависност од тоа која партија го поддржува, секогаш и исклучиво за лична корист, треба да бара некој друг. Јас сум сериозна личност и не сум добра за сите годишни времиња“, рече Мелони.

Мелони ќе се соочи со гласачите на изборите следната година, откако штотуку стана премиер со најдолг мандат во италијанската историја. „За мене, во текот на овие години, од изборна гледна точка, ќе беше покорисно да не ја поддржувам Украина отколку да ја поддржувам неа. Не ја поддржував Украина за Киев, туку за Рим“, нагласи италијанската премиерка.

Тагови: Џорџија Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП анализа: Спротивно од премиерот, иселувањето ќе се интензивира во наредните години!

Македонија денес не се соочува со изолирани грешки, туку со невидена серија на скандали што го уништуваат секојдневието на граѓаните.

ЛДП анализа: Спротивно од премиерот, иселувањето ќе се интензивира во наредните години!

Додека премиерот шири розева пропаганда за наводен просперитет, суровата реалност и најновите PISA резултати покажуваат поразителна слика за Македонија: загрижувачка елементарна и функционална неписменост кај младите и целосен слом на образовниот систем. Оваа општествена хаварија директно се пресликува и во судството, каде што одлуките станаа целосно неразбирливи за обичниот човек. Во оваа држава, за ситен криминал се одговара експресно, додека за најголемите коруптивни процеси постапките немаат завршница или завршуваат со ослободителни пресуди за кои дури и не се објавуваат пишани образложенија, како што е случајот со „Талир 2“ и седиштето на ВМРО-ДПМНЕ. За да се види каде завршиле искрадените пари од џебот на граѓаните, не треба замислување или правни филозофии — доволно е само да се отворат очите во центарот на Скопје и да се погледнат онаа огромна камена палата со толку спратови и целиот плоштад пред неа.

Македонија денес не се соочува со изолирани грешки, туку со невидена серија на скандали што го уништуваат секојдневието на граѓаните. Власта новата учебна година ја започна со скандалозно преображение на наставните програми и слушање црковни писма наместо наука, додека прославата на независноста ја претвори во коруптивен спектакл со приватизација на државни функции. Генералната неказнивост гарантирана преку Кривичниот законик, законите заглавени со месеци, и трагичниот, животозагрозувачки недостиг на лекови на Онкологија се само потврда дека системот е целосно заглавен. По истиот овој коруптивен модел денес на сите им е јасно зошто бегаме од европските правила и зошто по истиот принцип паѓаат економијата, здравството и образованието.

Во вакви катастрофални околности, Либерално-демократската партија (ЛДП) констатира дека, спротивно од празниот оптимизам на премиерот, иселувањето од Македонија не само што нема да запре, туку драматично ќе се интензивира во наредните години како директна последица на ова лошо владеење. Кој нормален човек, млад професионалец или родител би останал да живее во земја каде што ги нема основните услови за здравје, правда и заштита на сопствените деца? Единствените кои со задоволство ќе останат во ваква заглавена држава се луѓето од партиската елита на ВМРО-ДПМНЕ, кои се и единствените кои ја градат сопствената иднина врз грбот на оние кои си заминуваат.

Со почит,

Либерално-демократска партија

Тагови: ЛДП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер