Град во источна Германија нуди 14 дена бесплатен престој и можности за работа - Канал 5

Живот

Град во источна Германија нуди 14 дена бесплатен престој и можности за работа

Германскиот град Ајзенхутенштат, којшто се наоѓа на границата со Полска, нуди 14 дена бесплатен престој, сместување и можности за работа, со цел да привлече нови жители и да ја обнови заедницата.

Град во источна Германија нуди 14 дена бесплатен престој и можности за работа

Апликациите се отворени до почетокот на јули.

„Проектот е наменет за сите заинтересирани да се преселат во Ајзенхутенштат - како што се патници, луѓе заинтересирани да се вратат во градот, квалификувани работници или самовработени луѓе кои бараат промена на живеалиштето. Тие ќе имаат можност да го запознаат животот, работењето и заедницата (на Ајзенхутенштад) за време на 14-дневен пробен престој - бесплатно и во центарот на градот“, соопштија властите.

Избраните кандидати ќе живеат во опремен стан од 6. до 20 септември како дел од „иновативниот проект за имиграција“ насловен „Направи план сега“, додава Градскиот совет.

За да им помогне на кандидатите „да го почувствуваат“ градот, советот ќе понуди низа активности, вклучувајќи патувања и излети. Властите ќе ги охрабрат кандидатите да останат трајно во градот со околните компании коишто нудат поволни можности за интервју, стажирање и работа.

Основан во 1950 година, Ајзенхутенштат, што во превод значи „Градски работилници на челик“, бил првиот целосно планиран град под социјалистичката власт на поранешна Источна Германија. Наоѓајќи се на бреговите на реката Одра, тој бил изграден околу огромна челичарница. Многу згради од социјалистичката ера се наведени како историски споменици, а распоредот на градот, според многумина - е неверојатна, па претежно ги привлекува посетителите кои се заинтересирани за архитектура.

YouTube video

И денес, Ајзенхутенштат е дом на најголемата интегрирана фабрика за челик во источна Германија, којашто вработува 2.500 луѓе, а исто така е центар за обработка на метали.

Порано познат како Сталинштат или „Градот на Сталин“ - според поранешниот советски претседател Јосиф Сталин, градот е преименуван по обединувањето на Источна и Западна Германија по падот на Берлинскиот ѕид во 1989 година. Како и многу градови во поранешна Источна Германија, бележи намалување на населението - од над 50.000, на сегашните околу 24.000 жители, јавуваат околните медиуми. /МИА

Тагови: Германија работа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер