Град со големина на јајце во Бугарија: Ужас, сѐ изгледа како после бомбардирање (ВИДЕО) - Канал 5

Град со големина на јајце во Бугарија: Ужас, сѐ изгледа како после бомбардирање (ВИДЕО)

Силна бура проследена со град со големина на јајце вчера предизвика хаос на неколку места во Бугарија.

Град со големина на јајце во Бугарија: Ужас, сѐ изгледа како после бомбардирање (ВИДЕО)

Селото Тенево претрпе најголема штета, каде што градот со големина на јајце кршеше прозорци, оштетуваше автомобили и покриви на куќи, а посевите беа речиси уништени.

„Сè започна со дожд, кој постепено премина во градот. Ситуацијата беше ужасна. Најголема штета беше во јужните и централните делови на селото. Уништени се повеќе од 1.500 хектари посеви. Имаше и пцовисан добиток“, рече Нели Ројдева, секретарка на селското здружение.

Таа беше дома за време на бурата

„Ужасно е, сè изгледа како по бомбардирање. Повеќето луѓе немаат осигурување за своето земјоделско земјиште“, додаде таа.

Нели вели дека предупредувањето за лоши временски услови дошло 35 до 40 минути по бурата.

Силниот град создаде хаос и во Нова Загора. Уништени се повеќе од 25.000 хектари земјоделско земјиште.

Градоначалничката Гајла Захаријева изјави дека веднаш биле испратени предупредувачки пораки.

„Штом побараа дозволи за лансирање противградни ракети, го објавивме тоа на социјалните мрежи и ги предупредивме сите преку веб-страницата на општината. За жал, не можевме точно да прецизираме каде ќе падне градот и со каква големина ќе биде“, рече таа.

YouTube video

Таа додаде дека властите ќе излезат на местото на настанот и ќе ја проценат штетата. Земјоделците во селото Бјал Кладенец се жалат дека нивните посеви се целосно уништени.

„Нашето производство е 100 проценти уништено. Има штети на куќи, амбари, механизација. Не знам како ќе се реши ова“, вели очаен земјоделец.

Тој тврди дека над тоа село не била лансирана ракета, иако има место на три километри од селото од кое е истрелана.

Лавров и Рубио разговараа за Украина и американско-руските односи

- Одржана е суштинска и искрена размена на мислења за решавање на прашањето за Украина, ситуацијата околу Иран и Сирија, како и низа други меѓународни проблеми, се вели во соопштението на руското Министерство за надворешни работи.

Лавров и Рубио разговараа за Украина и американско-руските односи

Рускиот министер за надворешни работи Сергеј Лавров и американскиот државен секретар Марко Рубио денеска разговараа во Куала Лумпур за Украина и нормализацијата на функционирањето на дипломатските мисии, соопшти руското Министерство за надворешни работи.

- Одржана е суштинска и искрена размена на мислења за решавање на прашањето за Украина, ситуацијата околу Иран и Сирија, како и низа други меѓународни проблеми, се вели во соопштението на руското Министерство за надворешни работи.

За време на состанокот на маргините на Регионалниот форум на Асоцијацијата на земјите од Југоисточна Азија (АСЕАН), Лавров и Рубио исто така ја истакнаа важноста од продолжување на работата за нормализирање на функционирањето на билатералните дипломатски мисии.

- Нагласена е важноста од понатамошна работа за нормализирање на функционирањето на билатералните дипломатски мисии. Конструктивниот и меѓусебно почитуван дијалог меѓу надворешнополитичките ресори на Русија и Соединетите Држави за сè поголем број прашања од заеднички интерес ќе продолжи, се наведува на веб-страницата на министерството.

Се додава дека дипломатите исто така ја потврдиле заедничката посветеност за изнаоѓање мирни решенија за конфликтите и обновување на соработката, вклучително и во економската сфера.

Истовремено, Рубио изјави дека имал „важен и искрен“ разговор со Лавров, на кого му го пренел незадоволството на претседателот на САД, Доналд Трамп, што Русија не покажала повеќе „флексибилност“ по прашањето за Украина.

- Потребно ни е да видиме план за понатамошно постапување за тоа како овој конфликт може да заврши, рече Рубио.

Жените се почесто бираат меѓу кариерата и мајчинството

Неретко се случува жената да бира помеѓу тоа да се оствари како мајка или да ги оствари своите професионални желби.

Жените се почесто бираат меѓу кариерата и мајчинството

Неретко се случува жената да бира помеѓу тоа да се оствари како мајка или да ги оствари своите професионални желби па покрај законските можности од владата за подобрување на демографската состојба, потребно е тоа да го сторат и работодавците и да бидат отворени и флексибилни за потребите на семејствата – вели Афрофита Шаља, шеф на канцеларијата на УНФПА во Македонија. Анкетите од таму покажуваат дека младите парови сакаат да имаат деца, но како пречка ги гледаат најчесто економските, но и глобалните и климатските состојби.

- Покрај обврските работни на жените, на девојчињата, на мажите на работното место, да се стават и нивните лични потреби кои и те како влијаат на нивната продуктивност. Да не бидат жените казнети ако останат бремени, па да можат да ја изгубат работата или да не можат да се вратат и со тоа да ги изгубат можностите за развој на нивната кариера,- Афродита Шаља – Шеф на канцеларија на УНФПА во Македонија.

За демографските прашања и предизвици Македонија нема повеќе време за чекање – дециден е заменик министерот за социјална политика, демографија и млади Ѓоко Велковски. Тој вели дека Владата активно работи на изготвување стратегија за подобрување на демографската состојба со конкретни активности и мерки, меѓу кои оперативниот план за вработување и намалување на листите на чекање во градинките, со оглед на тоа што за над 4500 деца во земјава нема место низ градинките. Сепак додава тој, потребно е вклучување на сите релеватни чинители за стратегијата да не остане само на хартија.

-Сето тоа можеме да го направиме доколку имаат стабилни работни места, добри плати, сигурност во системот каде што живеат од судство и обвинителство, па се до тоа да дечињата на крајот од денот да имаат детски градинки, да нема дилема кој денеска детенцето ќе го чува и каде ќе биде во текот на денот додека они работат бидејки знаеме дека секој еден од нас работи и мажот и жената во семејството,- Ѓоко Велковски – заменик министер за социјална политика, демографија и млади.

Македонија е меѓу шесте земји со најголем пад на населението – покажуваат податоците на Евростат од 2022 година во која споредбено со 2012 земјата изгубила 227 илјади жители . Премиерот Мицкоски пак посочи дека само во изминатите четири години, Македонија изгубила 33 илјади жители.

YouTube video

Тоа е како кога глушецот го задева лавот, вели Мицкоски за изјавата на бугарскиот министер Георгиев

Тоа е како кога глушецот го задева лавот, вака денеска претседателот на Владата Христијан Мицкоски ја квалификува изјавата на бугарскиот министер за надворешни работи Георг Георгиев дека е „северномакедонски премиер“.

Тоа е како кога глушецот го задева лавот, вели Мицкоски за изјавата на бугарскиот министер Георгиев

Мицкоски порача на Георгиев да не му се обрнува внимание зашто „одработува“ и зашто тој што го раководи во позадина му дал задача „да се закача“.

- Тоа момче е пратено да привлече мое внимание. Мислам дека не треба да му дадеме можност. Апелирам и до вас медиумите, оставате го. Тоа е Влада која во позадина друг ја раководи. Тие луѓе треба да одработат. Му рекле, му дале задача „ајде сега закачај се, тоа е исто како кога глушецот го задева лавот“, одговори кусо Мицкоски.

Министерот за надворешни работи на Бугарија, Георг Георгиев во интервју за БТВ се пофали дека неговата држава станала фактор во ЕУ и во регионот, со став дека Македонија тоа треба да го има предвид. Зборувајќи за премиерот Мицкоски, го нарече „северномакедонски“ премиер.

притисни ентер