Град Скопје го раскина договор со „Слобода Превоз“, приватниците утре го блокираат градот

Нема крај за маките на скопјани. Покрај најави за бомби, денеска стигна и нова најава за сообраќаен колапс на главниот град.

  • Додека приватните превозници се спремаат за протест поради неисплатен долг од 1,5 милиони евра, Град Скопје ја раскина соработката на „Слобода превоз“. Како што се наведува во соопштението, причина е неисполнување на обврските од договорот, односно два дена во континуитет не извршувале превоз на патници. Од друга страна приватниците, утре од 6 часот делумно ќе ја блокираат „Илинденска“ со 200 автобуси, односно десната коловозна лента во двата правци, од Влада до крстосницата кај „Мида“. А, ако не се изнајде решение за долгот од 1,5 милиони евра од понеделник ќе се блокира целиот град, порача директорот на „слобода превоз“ Ленин Јовановски

„За жал, „Слобода превоз“ повеќе од два дена во континуитет не ја извршуваше оваа договорна обврска со што шоради непочитување на договорот истиот е раскинат. Апелираме до „Слобода превоз“ да ја ревидираат одлуката за блокирање на главниот град, бидејќи на тој начин нема да постигнат разрешување на проблемот, напротив, на овој начин се продлабочува. Скопјани не се должни да бидат колатерална штета, поради нерационалните барања на „Слобода Превоз“. Со уцени, нема договор. – Велат од Град Скопје.

На ваквата одлука на Град Скопје реагираа од „Слобода превоз“ кои кажаа дека ќе ја оспоруваат пред надлежен суд. Протести велат ќе има, тоа го прават приватните превозници, на кого всушност, според нив, градот и должи.

„Пред градското собрание утре ќе бидат 200 автобуси, за да се покаже бројката и госпоѓата Арсовска кога ќе помине да види дека бројката што ја кажува не е таква, а тоа да го видат и сите други граѓани, за да видат дека некој сака да ги дефокусира, дека некој сака да изнесува други податоци

Долгот од 1 милион евра, кој според Јовановски го негира Арсовска, вели се докажувал со доставените фактури, како и аналитичката картичка која ја изготвува сметководството на ЈСП, документ кој го покажа на прес-конференцијата. На истата изнесе обемна документација, која вели, ги демантира сите обвинувања на градоначалничкат.

Од компанијата и денес повторија дека градот им должи, но Арсовска вели долг нема. Од Град Скопје воедно ги повикаа сите приватни превозници да се приклучат на јавниот повик и да останат дел од јавниот превоз.

Како и за сите недоразбирања и сега „најдебелиот крај“ ќе го извлечат скопјани. Поради едностраните блокади собраќајот ќе биде во застој, а тие и онака скапото гориво во енергетска криза ќе го трошат безпотребно низ градскиот метеж.

Бонмати и Ѓоковиќ добитници на спортските оскари за 2023

Шпанската фудбалерка Аитана Бонмати и српскиот тенисер Новак Ѓоковиќ се добитници на наградата Лауреус, таканаречените Оскари за најдобра спортистка и спортист во 2023 година.

Минатата година Бонмати беше избрана за најдобар играч во изборот на ФИФА, а беше прогласена и за најкорисен играч (МВП) на Светското првенство на кое Шпанија ја освои шампионската титула.

Новак Ѓоковиќ ја освои наградата Лауреус по петти пат во кариерата, откако минатата година освои три од четирите грен - слем турнири (Австралија Опен, Ролан Гарос, УС Опен) и играше во финалето на четвртиот (Вимблдон).

Спортистите за наградата Лауреус се номинирани од претставници на светските медиуми, а победниците ги избираат 69 членови на Светската спортска академија Лауреус. Наградата е основана во 2000 година.

Добитници на наградата Лауреус за 2023 година:

Спортистка на годината: Аитана Бонмати

Спортист на годината: Новак Ѓоковиќ

Тим на годината: Шпанска женска фудбалска репрезентација

Најголем напредок: Џуд Белингем

Повратничка на годината: Симон Белс

Најдобра спортистка со попреченост: Диде де Грот

Спортистка на година во акциски спортови: Ариса Трев

Награда за хуманитарна работа: Фондација Рафа Надал. /МИА

Гласањето на болните и изнемоштените во десетте општини од Југоистокот почна без проблеми

Најмногу болни и изнемоштени се пријавени во Општина Струмица - 356.

Вкупно 1.547 болни и изнемоштени лица денеска гласаат во првиот круг од претседателските избори во десетте општини во Југоисточниот плански регион - Струмица, Радовиш, Василево, Босилово, Ново Село, Конче, Богданци, Гевгелија, Дојран и Валандово. Гласањето се одвива без проблеми и според општинските изборни комисии се очекува да заврши во попладневните часови.

Најмногу болни и изнемоштени се пријавени во Општина Струмица - 356, а заедно со нив гласат и затвореници од Затворот во Струмица. Утрово од 07:30 почна подигањето на избирачкиот материјал и процесот тече без проблеми.

Претседателите на изборните комисии од другите општини, исто така, информираат дека гласањето се одвива нормално и без пробеми.

Во Општина Ново Село се пријавени 299 болни и изнемоштени лица, Босилово-172, Гевгелија-175, Валандово-78, Василево-186, Радовиш-123, Конче-48, Дојран-44, Богданци-66 избирачи.

Во избирачкиот список во десетте општини вкупно се запишани вкупно 147167 граѓани со право на глас, кои ќе гласаат на 273 избирачки места.

ЈСП: Јавниот превоз утре по неделен возен ред, жичницата на Водно нема да работи

Јавното сообраќајно претпријатие Скопје соопшти дека утре јавниот превоз ќе функционира по неделен возен ред, а жичницата на Водно нема да работи.

Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.

притисни ентер