Забава

Горан Иванишевиќ со брутална објава од екс сопругата Татјана си ги бара заработените пари

Доцна во понеделникот вечерта легендарниот хрватски тенисер а сега тренер Горан Иванишевиќ се огласи на својот Инстаграм профил.

Освојувачот на Вимблдон кој веќе неколку години е тренер на најдобриот свтески тенисер Србинот Новак Ѓоковиќ, објави отворено писмо до поранешната сопруга Татјана Драговиќ.

Тренерот на најдобриот светски тенисер со овој потег изненади многумина, а изјави дека ќе се обиде да дојде до своите пари кои според него моментално се кај неговата поранешна сопруга.

Горан и Татјана беа заедно 17 години, а се венчаа во 2009 година. Сепак, по четири години брак, следеше развод.

- Вака... Во моментот кога се осмелив да ги барам парите што ги заработив пред и за време на бракот, кои Т.Д. (Татјана Драговиќ) ги присвои и покрај сите закони и договори, станав семеен насилник и миленик на судовите. Сега само ја чекам уште тужбата со која дотичната Т.Д ги освои Вимблдон и два олимписки медали, а можеби и да освои уште еден Грен слем, но судот допрва треба да го утврди тоа. За сите прашања и останатото, ве молиме контактирајте ги моите адвокати, г-дин Мандиќ и г-дин Станиќ, кои долго време се занимаваат со овој случај. Со почит Горан.

Иванишевиќ во бракот со Татјана Драговиќ ги има ќерката Амбер Марија и синот Емануел. Ледгендарниот хрватски спортист од 2017 година е во брак со водителката и актерка Нивес Чановиќ.

Претходно хрватските медиуми објавија дека Иванишевиќ ја тужел и својата ќерка Амбер и барал половина од стан што ѝ го дала мајка ѝ, тврдејќи дека тоа подарување на станот е „против моралот на хрватското општество“. Поранешниот спортист бара и веќе да не плаќа алиментација за ќерка сѝ.

Според судските документи, тенисерот бара на Драговиќ да ѝ се одземе дел од имотот што правно ѝ припаѓа врз основа на нивните претходни договори, а исто така, и таа да врати фиктивен заем од 2,5 милиони евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Славески на прес конференција најави три нови мерки за располагање на средствата на клиентите на „Алта банка“

Зголемен неделен лимит и целосна исплата на идните приливи, најави гувернерот Славески на попладневната прес конференција поврзана со привремената администрација на банката од страна на Народната банка..

Повеќе детали околу новите три олеснувања за располагање на средсствата за клиентите на банката повеќе од Маја Стојановска..

Маја кои се новите олеснувања што ги соопшти Славески?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај утре во Скопје поради трка

На 07.11.2026 (сабота) со почеток во 17:00 часот, ќе се одржи спортско рекреативна ноќна трка на 5 км и 21 км во општина Центар .

На 07.11.2026 (сабота) со почеток во 17:00 часот, ќе се одржи спортско рекреативна ноќна трка на 5 км и 21 км во општина Центар насловена како „Centar Night Run“, со траса на движење од ул.„Орце Николов“ (кај општина Центар), десно по ул.„Франклин Рузвелт“, десно по бул.„Илинден“ до крстосница со ул.„Наум Наумовски Борче“, назад по бул.„Илинден“, лево по ул.„Франклин Рузвелт“ се до крстосница со бул.„Партизански Одреди“, назад по ул.„Франклин Рузвелт“, десно по ул.„Орце Николов“, десно по бул.„Св.Климент Охридски“ (коловозна лента во насока север – југ) се до крстосница со бул.„Партизански Одреди“, назад во истата коловозна лента на бул.„Св.Климент Охридски“, се до крстосница со бул.„Илинден“, назад по истата коловозна лента на бул.„Св.Климент Охридски“, десно по ул.„Орце Николов“, десно по ул.„Наум Наумовски Борче“, лево по ул.„Михаил Цоков“, повторно лево по ул.„Михаил Цоков“ и десно по ул.„Орце Николов“ до целта.

Од тие причини Единицата за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсен е гостиварец, кој ја принудувал својата 80 годишна неподвижна мајка на питачење

Лишено од слобода лице кое ја принудувало својата мајка на питачење, поднесена кривична пријава за „трговија со луѓе“.

На 06.11.2026, Националната единица за сузбивање на криумчарење мигранти и трговија со луѓе при Сектор за криминалистички истраги во Одделот за сузбивање на организиран и сериозен криминал, под раководство на Јавен обвинител од Основното јавно обвинителство за гонење на организиран криминал и корупција, поднесе кривична пријава против Н.Н.(60) од Гостивар за сторено кривично дело „трговија со луѓе“, по член 418-а, став 1 од Кривичниот законик.

Во текот на 2025 и 2026 година, Н.Н. делото го сторил со цел стекнување противправна имотна корист, на начин што ја искористил ранливоста и зависната положба на неговата мајка З.С(80) од Гостивар, како и нејзината физичка неспособност, (истата се движи со инвалидска количка и не ги извршува самостојно секојдневните активности), и ја принудувал на питачење.

Имено Н.Н. својата мајка подолг временски период во континуитет ја носел на локација во Гостивар, и ја изложувал на трудова експлоатација по пат на питачење, додека за целото време бил присутен во нејзина непосредна близина, ја надгледувал и контролирал нејзината активност, по што насилно и на дрзок начин и ги одземал паричните средства, кои потоа ги користел за свои потреби.

Врз основа на издадена судска наредба од Основен кривичен суд Скопје, на подрачје на Гостивар извршен е претрес во дом и други простории кај Н.Н., при што лицето е лишено од слобода.

Од извршениот претрес пронајдени и привремено одземени се мобилни телефонски апарати и парични средства кои потекнуваат од извршување на кривичното дело, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.