Google претстави преведувач на египетските хиероглифи - Канал 5

Google претстави преведувач на египетските хиероглифи

Google промовира преведувач на хиероглифи, Фабрициј, кој што ги декодира древните египетски знаци.

Google претстави преведувач на египетските хиероглифи

Оваа одлика е додадена на постојната апликација за уметност и култура на Google. Исто така, им овозможува на корисниците да преведат свој збор и емотикони што можат да се споделат на социјалните мрежи.

Гугл наведува дека Фабрициј е првата таква алатка што се употребува „за да можат да се разберат хиероглифите“.

Во теорија, треба да се подобри со тек на време, додека луѓето почнат да го користат.

Верзијата на Фабрициј им се нуди и на професионалните египтолози, антрополози и историчари за да им го олесни нивното истражување.

Британски експерт ја поздрави иницијативата, но рече дека „големите најави“ треба да се видат во контекст.

„Иако е импресивно, сè уште не е на ниво што може да ја замени потребата од високо обучен експерт за читање на древни натписи“, изјави д-р. Роланд Емарх, професор по египтологија на Универзитетот во Ливерпул.

„Остануваат некои многу големи пречки за читање на хиероглифите, бидејќи тие се рачно изработени и многу се разликуваат со текот на времето, на ниво на сликовни детали и помеѓу индивидуални ѕидари и сликари“.

„Сепак, ова е чекор во вистинската насока“, подвлече тој.

Софтверот му овозможува на корисникот да испраќа фотографии од вистински хиероглифи кои се наоѓаат на артефактите и дигитално да подобра анализа на симболите.

Корисниците можат да ги следат контурите на хиероглифите што софтверот се обидува да ги поврзе со слични симболи во својата база на податоци - дозволувајќи им да бараат различни значења и да се обидат да ги дешифрираат наодите.

Алатката работи со анализа на историски записи и јазични дефиниции. Но, Гугл се надева дека може да изгради пообемна база на податоци од страна на луѓе кои додаваат свои фотографии во базата на податоци.

Истражувачите исто така можат да напишат и ретушираат избледени симболи во оваа програма, за што Google се надева дека ќе доведе до нови историски откритија. Алатката е креирана во соработка со австралискиот центар за египтологија, универзитетот Меквари, Убисофт и египтолози ширум светот.

„Дигитализацијата на текстуалниот материјал што досега е објавен само во книги, целосно ќе го промени начинот на којшто тоа го прават египетолозите“, рече д-р. Алекс Вудс од австралискиот центар за египтологија.

„Дигитализираните и преведените текстови можат потенцијално да ни помогнат да ги реконструираме текстовите по ѕидовите кои немаат делови, па дури и да откриеме текстови што не сме знаеле дека биле таму“.

Лансирањето на софтверот се совпадна со годишнината од откривањето на Каменот од Розета, прв што им овозможи на експертите да научат да ги читаат египетските хиероглифи.

Алатката на Google е моментално достапна на англиски и арапски јазик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Четири омилени вежби на Еве Лонгорија

– Еве како ја одржува својата витка линија после 50-тата година! (видео)

Четири омилени вежби на Еве Лонгорија

Во февруари 2025 година, Ева Лонгорија сподели видео од тренинг на нејзиниот профил на TikTok со наслов „Враќање на суштината“ (@evalongoria Back to basics). Погледнете ги вежбите што ги изведува и размислете како можете да ги прилагодите на своите можности.

Ѕвездата од серијата „Очајни домаќинки“ не се потпира само на вежби за стомачни мускули и задник. Нејзината рутина вклучува чучнувања, динамични движења со медицинска топка и разни вежби со тегови кои активираат повеќе мускулни групи.

1. Чучнувања со руско „ѕвоно“

Ева го започнува својот тренинг со чучнувања, а во рацете држи кетлбели (руски ѕвона). Додека го спушта телото, таа ги свиткува колената и колковите, а потоа контролирано се враќа во почетната положба.

Оваа вежба ги активира мускулите на бутовите и задникот, како и мускулите на трупот кои помагаат во одржување на стабилноста. Дополнителниот товар го зголемува интензитетот на вежбата и придонесува за зајакнување на долниот дел од телото.

2. Енергично удирање на медицинска топка од подот

Следната динамична вежба е позната како „удирање со топка“ (slam ball). Таа вклучува кревање на медицинска топка над главата, а потоа нејзино силно удирање од подот. Ова движење ги активира мускулите на рацете, рамената, трупот и нозете.

Оваа вежба внесува кардио компонента во тренингот за сила, бидејќи го зголемува пулсот и бара ангажирање на повеќе мускулни групи.

3. Странично подигање на тегови (Lateral Raises)

За да ги зајакне рамената, Ева користи тегови за изведување странични подигнувања. Рацете се креваат настрана, приближно до висината на рамената, при што лактите се држат благо свиткани.

Оваа вежба е насочена конкретно кон страничните мускули во рамената и помага во зацврстување и јакнење на горниот дел од телото.

4. Кревање на тегови пред телото (Front Raises)

Во продолжение на тренингот, актерката изведува варијации на подигање тегови пред телото, со контролирани движења на рацете. Овие вежби ги активираат рамената и мускулите на рацете и можат да се прилагодат на различни нивоа на физичка подготвеност.

Погледнете како изгледа тренингот на Ева: (видео)

Зошто овие вежби се корисни по 50-тата година од животот?

По 50-тата година, особено е важно да се стави акцент на зачувување на мускулната маса, силата и подвижноста. Вежбите со отпор можат да помогнат да се забави губењето на мускулната маса, да се подобри рамнотежата и да се олесни извршувањето на секојдневните активности.

Токму затоа, чучнувањата со тегови, вежбите за рамениците и динамичните движења со медицинска топка се одличен примери за сеопфатен тренинг што го активира целото тело.

Се разбира, нема потреба да користите големи тежини или веднаш да се обидувате да ги изведете сите вежби. Започнете со помали тежини, внимавајте на правилната техника и постепено зголемувајте го интензитетот. Доколку имате здравствени проблеми или сте направиле долга пауза од вежбањето, консултирајте се со стручно лице пред да започнете со редовен тренинг.

Примерот на Ева Лонгорија покажува дека фокусот на силата и физичката подготвеност не престанува со возраста. Напротив, редовното вежбање може да биде еден од најдобрите начини да останете силни, подвижни и полни со енергија, дури и по 50-тата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Хаос поради нозете на Џеј Ло

Светската музичка ѕвезда Џенифер Лопез покажа дека дури и на 57-годишна возраст може да се пофали со завидна фигура, а нејзиното последно телевизиско појавување повторно привлече внимание поради нејзиниот изглед.

Фото: Хаос поради нозете на Џеј Ло

Извајаните нозе на „жешката“ латиноамериканка Џеј Ло предизвикаа хаос, напорните тренинзи вродија со плод.

Латино дивата Џенифер Лопез гостуваше во емисијата „The Tonight Show Starring Jimmy Fallon“, каде што се појави во краток фустан што ги истакна нејзините затегнати и мускулести нозе.

За оваа пригода, таа одбра впечатлив мини-фустан во маслинеста боја, чиј крој дополнително ја нагласи фигурата по која таа е препознатлива со години.

Токму мини-должината ги стави нејзините извајани нозе во центарот на вниманието, особено додека таа седеше на каучот во студиото.

Стајлингот го заокружи со чевли со шпиц во кафеава нијанса, златни алки, часовник, прстени и обетки.

Косата ја зачешла наназад и ја врза во високо опавче, додека очите ги истакна со шминка, а усните ги остави во неутрални тонови.

Сепак, фотографиите од студиото брзо привлекоа внимание, а нејзиниот избор на облека уште еднаш покажа дека пејачката радо избира парчиња што ја истакнуваат нејзината фигура и дека не се плаши од кратки и провокативни кроеви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Ретко кој го забележа шеширот покрај бујното деколтет!

Од шеширот едвај се гледа, но градите сепак „штрчат“, дали знае некој која е оваа убавица?

Фото: Ретко кој го забележа шеширот покрај бујното деколтет!

Раперката Карди Б не пропушти прилика повторно да ги покаже своите прекрасни бујни облини – но и својот префинет вкус за мода и модни трендови.

Синоќа во Лос Анџелес се одржа 17-тото доделување на наградите „Гувернерс“ (Governors Awards), настан на кој присуствуваа бројни ѕвезди.

Американската раперка Карди Би не ја пропушти можноста да заблеска на овој настан, воодушевувајќи ги сите присутни со своето модно издание.

За хуманитарниот настан, таа му ја довери довербата на модниот дизајнер Тамара Ралф и облече нејзин фустан од висока мода. Како што може да се види, белиот фустан, кој е кроен со нагласен струк, ја истакна нејзината витка фигура, но истовремено ги нагласи и нејзините бујни гради.

Интересен беше и делот на стомакот – златниот елемент во стил на корсет, кој на целата креација ѝ даде нота на модерен гламур.

Сепак, главниот акцент во стајлингот беше преголемата шапка, која совршено се вклопи во оваа комбинација и го претвори целокупниот изглед на раперот во уметничко доживување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер