Google планира да им плати на медиумите милијарда долари за нивните содржини - Канал 5

Технологија

Google планира да им плати на медиумите милијарда долари за нивните содржини

Google планира да им исплати на медиумите милијарда долари за содржините во следните три години, најави денеска извршниот директор Сундар Пинчаи, попуштајќи под притисокот од медиумските компании.

Google планира да им плати на медиумите милијарда долари за нивните содржини

Издавачите долго време се бореа со најпопуларниот светски интернет пребарувач, тврдејќи дека треба да им плати за да ја користат содржината. Најгласни меѓу нив се европските медиумски групи.

Пинчаи денеска најави нов производ, Google News Showcase, што прво ќе го претстави во Германија, по потпишаниот договор за плаќање содржина со повеќе медиуми, вклучувајќи ги Дер Шпигел, Штерн и Дие Цајт.

Следува презентацијата на Google News Showcase во Белгија, Индија, Холандија и други земји.

Околу 200 издавачи од Аргентина, Австралија, Велика Британија, Бразил, Канада и Германија покажаа интерес и Гугл веќе потпиша договор за плаќање содржина со бразилските Folha de S. Paulon, Banda и Infobae.

„Според оваа, најголема досегашна финансиска обврска, ќе им платиме на издавачите да создаваат и уредуваат висококвалитетни содржини за различни видови на вести на интернет“, рече Пинчаи во блогот.

„Пристапот се разликува од другите наши вести затоа што се потпира на уредничките одлуки на одделни издавачи кои приказни ќе им ги покажат на читателите и како да ги претстават“, рече Пинчаи.

Производот се заснова на договор за лиценцирање, потпишан во јуни со медиумски групи во Австралија, Бразил и Германија, што предизвика само рамнодушен одговор од Европскиот совет на издавачи.

Реакцијата на Европскиот совет на издавачи на договорот од јуни беше млак и жестоко критикуван во Франција.

Гугл во моментов преговара со француските издавачи, а исто така наиде на потешкотии во Австралија, каде што сакаат да го принудат да ги сподели приходите од рекламирање со медиумските компании, според Ројтерс.

Објавувањето на зделката со медиумите разлути некои издавачи на интернет, како што се страниците за временска прогнза и рецепти, кои тврдат дека Гугл им штети на приходите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер