Технологија

Google пет години ќе и` плаќа на агенцијата AFP за вести во Европа

Google и француската новинска агенција Франс прес (AFP) вчера објавиле дека потпишале петгодишен договор според кој интернет гигантот ќе и плати на AFP за вести во Европа,но не ја наведуваат вредноста на договорот склучен според новиот француски закон

Договорот уследил по 18-месечни преговори за спроведување на Европската директива од 2019 година за таканаречените сродни права, кои се во срцето на повеќекратните глобални спорови меѓу веб-гигантите и медиумите околу плаќањата за користење на интернет вести и други содржини.

„Овој договор ја опфаќа цела Европа, на сите јазици што ги користи АФП, вклучувајќи ги и земјите кои не се под европска директива“, рече директорот на АФП, Фабрис Фрис, кој го опишал договорот како „кулминација на долга борба“.

АФП произведува и дистрибуира мултимедијална содржина на своите клиенти на шест јазици ширум светот.

Откако првично се двоумеле да им платат на француските весници за да ја користат нивната содржина, Google конечно потпишал тригодишен рамковен договор со некои национални весници на почетокот на 2021 година, но беше казнет со 500 милиони евра од органот за конкуренција во средината на јули затоа што „не успеал да преговара добро.“.

Гугл се пожалил и ги продолжил преговорите за постигнување нов договор.

АФП се борела да обезбеди новинските агенции целосно да ги искористат договорите за сродни права. Фрајс додаде дека договорот ќе придонесе за производство на квалитетни информации и развој на иновациите во рамките на агенцијата.

„Овој договор со агенцијата Франс прес ја покажува нашата подготвеност да најдеме заеднички јазик со издавачите и новинските агенции во Франција за темата на авторските и сродните права“, рече Себастиен Мисоф, извршен директор на Google во Франција.

Според договорот, АФП ќе понуди и обука за проверка на факти на неколку континенти, чии детали ќе бидат објавени наскоро, се вели во соопштението на компаниите.

Светските технолошки гиганти, главно американски, се во серија спорови со Брисел и членките на ЕУ околу даноците, злоупотребата на пазарната моќ, правата на приватност и заработката од содржината на вестите без поделба на приходите.

Австралија, исто така, донесе нов закон со кој се бара од технолошките компании да им плаќаат на медиумите за користењето на нивната содржина.

Македонија

Мицкоски: Потребна е масовна излезност на 8 мај за да ги пратиме во опозиција ДУИ

Овој резултат од 24 април е и одговорност. Се што зборуваме треба и да примениме. Народот очекува и убеден сум дека во овие нешто повеќе од 10 дена народот ќе се приклучи, народот е обединет и сака промени и брзи резултати.

Овој резултат од 24 април е и одговорност. Се што зборуваме треба и да примениме. Народот очекува и убеден сум дека во овие нешто повеќе од 10 дена народот ќе се приклучи, народот е обединет и сака промени и брзи резултати, рече лидерот на ВМРО-ДПМНЕ, Христијан Мицкоски на денешниот митинг во Росоман.

Мицкоски информираше дека како коалиција внимателно е пристапено во креирање на програмата.

„Внимаваме што ќе ветуваме, не сакаме да ветуваме нешто што не може да се реализира, не сакаме народот да ја губи надежта. Си дадовме збор дека програмата ќе ја ревидираме за две години. Нема скандал за повеќе од две години во работата на градоначалниците. Затоа можам да кажам дека поучени од ова искуство имајќи во предвид дека најголем дел од проектите се веќе реализирани одлучивме по две години да направиме ревизија и на оваа програма. Сметаме дека можеме повеќе, ама не сакаме да ве разочараме“, кажа Мицкоски.

Мицкоски порача дека сега треба максимална мобилизација бидејќи како што рече „нема да остават да биде едноставно, мора да добиеме мнозинство во парламентот, да имаме наш претседател и заедно со градоначалниците да направиме трансформација на Македонија“, изјави Мицкоски.

Според него за ова треба масовност.

„Има центри на моќ кои не сакаат да ја видат успешна Македонија, имаме такви и тие беа клучен фактор до сега беа и во Владата, и тука мислам на ДУИ и Али Ахмети, тој сака да ја види осиромашена Македонија и слично. Тие не сакаат да ја видат успешна Македонија“, рече Мицкоски.

Мицкоски укажа дека овие избори се шанса криминалците да ги пратиме во опозиција.

„И ова го зборам само поради криминалот, не го зборам за ДУИ затоа што се Албанци, не, туку поради криминалот. Јас ја повикав опозицијата кај Албанците да се бориме заедно. Јас се борам против ДУИ кои ја ограбуваат и на колена ја ставаат Македонија“, заклучи Мицкоски, се наведува во партиското сопоштение.

Македонија

Николоски од Росоман: Идната влада на ВМРО-ДПМНЕ ќе го изгради експресниот пат Прилеп-Градско

Од Росоман можам да кажам дека за откупот на праските планираме изнаоѓање на нови пазари кои што ќе донесат подобри цени, понатаму поддршка за изградба на ладилници и за стимулирање на откупувачи.

Од Росоман можам да кажам дека за откупот на праските планираме изнаоѓање на нови пазари кои што ќе донесат подобри цени, понатаму поддршка за изградба на ладилници и за стимулирање на откупувачи, секако тука е делот на реконструкција на постојните водоводни системи за наводнување и изградба на нови системи и за тоа се предвидени големи средства во делот за земјоделие за двете ставки некаде по стотини милиони евра. Понатаму враќање на системот за субвенции кои што е правичен и кој што значи според она што го обработуваат земјоделците. Тука е и поделбата за земја, да завршиме со олигархиското и картелското делење на земја каде што огромни површини на земји ги земаат луѓе кои што не се по потекло од општината во која што добиваат земјиште и најчесто не ја работат таа земја. Така што бројни проекти планираме во земјоделието кое што треба да ја подобрат состојбите во земјоделството, истакна Александар Николоски, потпретседател на ВМРО-ДПМНЕ и носител на ИЕ 4 на денешниот митинг во Росоман во рамки на претседателската и парламентарната кампања.

Николоски во текот на своето обраќање пред граѓаните од Росоман и на експресниот пат Прилеп-Градско кој е многу значаен за овој регион. Николоски вети дека идната влада предводена од ВМРО-ДПМНЕ ќе го заврши овој пат до 2027 година.

-Исто така тука е и инфраструктурата, тука поминува една од најзначајните артерии за целиот пелагониски регион, за цела централна Македонија, тоа е експресниот пат Прилеп-Градско кој што е симбол за неспособноста на СДС и ДУИ. 7 години не успеа да го изградат, но исто така е симбол и за криминалот на СДС и ДУИ затоа што бројни афери се поврзани за изградбата на овој пат. Ние ветуваме дека до 2026 година ќе се завршат двете фази од експресниот пат кој што требаше одамна да бидат завршени и третата фаза која што воопшто не е почната до сега, ќе биде завршена до 2027 година како би целосно се комплетирал овој експресен пат кој што треба да ја промени состојбата со економијата, со стопанството во целиот регион, потенцираше Николоски.

На крај тој вети дека ВМРО-ДПМНЕ има уште многу други бројни проекти кои се значајни за граѓаните од овој период.

-Имаме и бројни други проекти кои се поврзани со сите области кои се од витално значење за сите вас со цел тука да остануваат луѓето, а не да бегаат надвор и да останува полето необработено, порача тој, се наведува во партиското соопштение.

Шоу биз

Секс-бомбата бара момче: Треба да биде богат и убав

Откако пропадна љубовната врска на познатата манекенка Ирина Шајк и играчот на НФЛ Том Брејди, таа сега бара ново момче, изјави извор за „Page Six“.

- Потребна и е позната личност која изгледа добро и има пари. Колку такви има? Пет, десет? - изјави изворот.

Изворот како една од можностите го предложи од неодамна слободниот Том Круз. Ѕвездата од „Топ Ган“ неодамна раскина со Русинката Елсина Каирова.

Извор: Аваз

притисни ентер