Гонзалез: Треба да го подобриме нападот, не бевме на ниво против Нант - Канал 5

Ракомет

Гонзалез: Треба да го подобриме нападот, не бевме на ниво против Нант

Ракометарите на европскиот шампион Вардар в недела во Скопје ја пречекуваат Висла Плок во последниот дуел од групната фаза во Лигата на шампионите.

Гонзалез: Треба да го подобриме нападот, не бевме на ниво против Нант
На „црвено-црните“ им треба најмалку бод за да го задржат првото место на табелата и да обезбедат директен пласман во четвртфиналето на ЛШ.
Тренерот на тимот, Раул Гоналез на денешната редовна прес-конференција пред натпреварот, изрази надеж дека неговите ракометари ќе одиграат многу подобро отколку во Нант и ќе дојдат до победата.

- Играчите се мотивирани, фаворити сме на овој натпревар, трениравме добро. Треба да го подобриме нападот бидејќи не бевме на потребното ниво против Нант. Сите екипи против нас го даваат максиумот, Висла игра добар ракомет, има квалитетни играчи, но верувам дека ќе победиме, изјави Гоналез.

Капитенот на Вардар, Стојанче Стоилов изјави дека очекува поддршка од полна сала и триумф против гостинот од Полска.

- На натпреварите со Нант и со Загреб не одигравме како што знаеме, но тоа е нормално, се случуваат такви работи во спортот. Во добра ситуација сме, играме на домашен терен и со помош на публиката ќе дојдеме до победа против Висла. Се е во наши раце. Уште не сме во потребниот ритам и не сме на она ниво на кое знаеме да бидеме. Ни треба време да тренираме заедно и мислам дека формата ќе оди само нагоре, истакна Стоилов.
Натпреварот меѓу Вардар и Висла ќе се игра во недела, од 17:00 часот во СЦ „Јане Сандански“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Нов напад врз меѓународниот аеродром „Крал Халид“ во Ријад

Едно лице загина, а 11 се повредени во нов напад врз меѓународниот аеродром „Крал Халид“ во Ријад, Саудиска Арабија., пренесува Би-Би-Си.

Видео: Нов напад врз меѓународниот аеродром „Крал Халид“ во Ријад

Загинатиот е државјанин на Пакистан, соопштија саудиските власти.

Проектил погодил една од патничките сали, по што избувнал пожар.одговорноста за нападите ја презедоа јеменските Хути.Тие соопштија дека користеле ракети и беспилотни летала.

Хутите тврдат дека нападнале и нафтени постројки и аеродромот во Дамам.Во претходниот напад врз аеродромот во Ријад загинаа 13 лица, а 308 беа повредени.

Саудиската коалиција најави одговор на нападите. Трамп најави брза одлука за можни воени дејствија против Хутите. И Велика Британија најави можност за дополнителна поддршка на Саудиска Арабија.

Македонската амбасада упати апел до македонските државјани во Саудиска Арабија да ги следат безбедносните препораки и да постапуваат според упатствата на локалните власти, дежурен телефон. +971 56 441 7532.Поради влошената безбедносна состојба, се препорачува избегнување патувања во ризичните области.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Почнува примената на системот „Сејф сити“ Во Охрид, Струга, Кичево и Дебар

Од денеска, системот за сообраќаен надзор „Безбеден град“ започнува со работа и на подрачјето на СВР Охрид односно во Охрид, Струга, Кичево и Дебар.

Почнува примената на системот „Сејф сити“ Во Охрид, Струга, Кичево и Дебар

МВР информира дека по извршените технички проверки и финалните тестирања, камерите на системот ќе бидат ставени во функција на сообраќајниците на подрачјето на СВР Охрид.

Со активирањето на системот, како што нагласуваат од министерството, ќе се овозможи засилена и континуирана сообраќајна контрола, навремено откривање на сообраќајните прекршоци, зголемување на сообраќајната дисциплина и унапредување на безбедноста на патиштата.Системот „Безбеден град“ во државата е во функција од 1 февруари годинава. Периодот на адаптација траеше два и пол месеци кога граѓаните беа известувани и контролирани за сообраќајните прекршоци, а системот беше тестиран и унапредуван. Според информациите што ги сподели министерот за внатрешни работи при неодамнешната посета на Охрид, во споредба со истиот период минатата година бројот на повредени во сообраќајни несреќи годинава е намален за 20 отсто, односно со 34 жртви помалку.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Столе Наумов на „Кавга со Иван“

Вечерва, во оригиналното шоу „На кавга со Иван“ ќе гостува Столе Наумов

Столе Наумов на „Кавга со Иван“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер