Ракомет

Гонзалез: Одгравме одлично, сега треба да се фокусираме на финалето

Тренерот на Вардар, Раул Гонзалез по победата против Мешков Брест во полуфиналето од СЕХА лигата изјави дека е задоволен од играта на неговиот тим и за пласманот во финалето, каде „црвено-црните“ ќе го бранат трофејот од лани.

Вардар немаше проблеми со противникот откако оствари победа со 33-24, но шпанскиот стратег сепак имал грижи пред натпреварот, бидејќи тимот немаше официјален натпревар цели 25 дена.

- Бев загрижен за мечот против Мешков, бидејќи тие секогаш играат добро против нас. Одигравме одлично во одбраната, за што помогна многу Штербик. Во вториот дел посебно нашата одбрана беше перфектна. Среќен сум, бидејќи немавме одиграно официјален меч 25 дена. Сега треба да се фокусираме на финалето, изјави Гонзалез по мечот.

Голманот на вардарци, Арпад Штербик пак изјави дека Брест е сериозна екипа и со нив секогаш се игра тешко.

- Со Брест никогаш не се знае. Без оглед на тоа што имаат повредени играчи, Брест е една сериозна екипа. Влеговме во мечот со желба да ги победиме, и излеговме со позитивен резултат, рече голманот на Вардар.

Во однос на противникот во финалето, Штербик додаде дека не му е важно кој ќе биде и останува императивот за победа на домашен терен.

- Против кого и да играме, ќе биде тешко. Сега треба да се одмориме пред финалето, изјави Штербик./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рекордни температури во Велика Британија, најжешкото лето досега

Летото 2026 година ќе биде најжешкото во Велика Британија откако се водат евиденции, соопшти денес британската Метеоролошка служба.

Метеоролозите велат дека за да се сруши температурниот рекорд од минатата година во Велика Британија, сè што е потребно е температурите да останат на просечно ниво до крајот на август, објави Би-Би-Си.

Според Метеоролошката служба, просечната температура во Велика Британија за метеоролошкото лето (од 1 јуни до 10 август) досега била 16,48 степени Целзиусови, што е за 1,88 степени над просекот за периодот од 1991 до 2020 година.

Во текот на летото 2025 година, просечната температура во Велика Британија, која ги вклучува ноќниот минимум и дневниот максимум, била 16,10 степени.

Ова е во согласност со доказите дека летата стануваат потопли и посуви поради климатските промени, соопшти британската јавна служба.

Во Велика Британија, највисоката температура досега ова лето била 38 степени Целзиусови во Лингвуд, Норфолк, на 26 јуни.

Извор: Б92

Тагови: Велика Британија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло со мала до умерена облачност

Времето утре ќе биде сончево и многу топло со мала до умерена облачност.

Ќе дува слаб до умерен, а наместа повремено засилен ветер од северен правец.

Во Скопје, сончево и многу топло со мала до умерена облачност. Ќе дува слаб до умерен, а во делови од котлината повремено засилен ветер од северен правец.

Во четврток и во петок попладне ќе биде нестабилно со пороен дожд, грмежи и засилен ветер. Локално ќе има услови за невреме со пообилен пороен дожд за кратко време, силен ветер и наместа појава на град. Температурата ќе опадне за неколку степени. Во деновите од викендот и почетокот на новата седмица времето ќе биде стабилно, а дневната температурата ќе биде во постепен пораст.

УХМР

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР и Фондот за здравствено осигурување: Надминат проблемот со здравственото осигурување на вработените

Министерството за внатрешни работи и Фондот за здравствено осигурување информираат дека проблемот со здравственото осигурување на вработените во МВР е надминат и дека тие повторно можат непречено да ги користат здравствените услуги.

Во текот на денот, двете институции беа во континуирана координација и, во соработка со Управата за јавни приходи, ги презедоа потребните активности за утврдување и отстранување на причините што доведоа до привремен прекин во остварувањето на правата од здравственото осигурување.

По преземените активности, состојбата е нормализирана и овозможено е непречено користење на правата од здравственото осигурување за вработените во Министерството за внатрешни работи.

МВР и Фондот за здравствено осигурување ќе продолжат со координирани активности за изнаоѓање системско решение кое ќе овозможи во иднина непречено функционирање на здравственото осигурување и навремено остварување на правата од здравственото осигурување за сите вработени.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.