Ракомет

Голманот Гогов го продолжи договорот со Вардар 1961

Двократниот европски првак Вардар 1961 потпиша денеска нов договор со македонскиот голман Васил Гогов и тој ќе остане дел од „црвено-црните“ најмалку до јуни 2027 година.

„Актуелниот договор на Гогов истекува во јуни 2026, но задоволен од неговите настапи, клубот веднаш одлчи да му понуди продолжување“, се наведува во клупското соопштение.

Гогов, кој од 2019 година е дел од Вардар веќе неколку сезони е дел од првиот тим, сериозно се наметна како важен дел од голманската линија на Вардар. Во изминатата сезона доби сè поголема минутажа, што ја оправдува со доби настапи.

„Васил покажа дека има квалитет и карактер за Вардар. Неговиот напредок е очигледен и со нетрпение очекуваме да продолжи да расте во нашиот дрес“, соопшти Вардар 1961.

Тагови: РК Вардар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кавадарчаните кои до смрт претепаа лице по расправија во казино добија по 10 години затвор

Тројца кавадарчани добија по 10 години затвор за убиството на 43-годишниот П.Т., кое се случи пред казино во центарот на Кавадарци во август минатата година.

Основниот суд Кавадарци ги прогласил за виновни за кривично дело „убиство“

„Кривичниот совет при Основен суд Кавадарци обвинетите ги прогласи за виновни и ги осуди на казна затвор во траење од по 10 години за секој осуден. Во кривичниот предмет немаше признание на вина, а на обвинетите им е продолжен притворот бидејќи се прогласени за виновни“, соопшти судот.

Според обвинението, на 27 август 2025 година, пред 5 часот наутро, по вербална расправија во казиното, тројцата излегле надвор, каде физички го нападнале и му нанеле повеќе удари со боксови и клоци по телото и главата. Нападот се случил на задниот влез од казиното во центарот на Кавадарци. Жртвата се обидела да се врати во објектот, но изгубила свест и починала од здобиените тешки повреди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарската влада повела истрага за четири случаи поврзани со работењето на државната „Ексимбанка“

Ќе се истражува и можна злоупотреба со кредитот од 1 милијарда евра одобрен за Македонија.

Во Унгарија покрената е истрага за четири случаи поврзани со работењето на државната „Ексимбанка“.

Премиерот Петар Маѓар, потврдил дека унгарското министерство за економија и енергетика поднело кривични за четири случаи поврзани со Ексимбанката, поради сомнежи за злоупотреби на службената положба, несовесно работење и други можни кривични дела.

Како што пренесуваат тамошните медиуми, ќе се истражуваат и можни злоупотреби и во однос на кредитот од 1 милијарда што државната ексим банка и го одобри на земјава.

Според Маѓар, кредитот за Македонија бил одобрен со поволна каматна стапка од 3,25 отсто и е целосно обезбеден со државна гаранција..

-„Владата не сака и нема однапред да донесе пресуда во овие случаи, но ќе ја обезбеди сета потребна поддршка за да се утврди дали се сторени кривични дела“, изјавил Маѓар.

Веднаш по доаѓање на власта Маѓар најави борба против корупцијата и работењето на претходната влада на чие чело 16 години беше Виктор Орбан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Неверојатна глетка во Сараево: Реката Миљацка кај Бентбаша целосно пресушила

Необична глетка во Сараево, реката Миљацка пресушила во дел од главниот град на Босјна и Херцеговина.

Граѓаните што минувале низ Бентбаша утрово биле пречекани со необична глетка, бидејќи реката Миљацка пресушила.

Во дел од коритото на реката Миљацка во близина на базенот нема вода, видливи се само камења, песок и речни наслаги.

Фоторепортер на „Аваз“ ја забележил неверојатната сцена.

Поголемиот дел од речното корито е покриен со камења. Засега нема официјални информации што објаснуваат зошто Миљацка пресушила на овој дел кај Бентбаша во сараево, ниту пак се знае дали станува збор за привремена појава.

Тагови: сараево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.